ವಿಕಸಿತ ಭಾರತಕ್ಕೆ ಮೋದಿ ಅಕ್ಷಯಪಾತ್ರೆ

ನಿರ್ಮಲಾ 7ನೇ ಬಜೆಟ್​ನಲ್ಲಿ ನವಭಾರತ ದಿಕ್ಸೂಚಿ ರೈತರಿಗೆ ಡಿಜಿಟಲ್ ಬಲ ನಾರಿಶಕ್ತಿ ಇನ್ನಷ್ಟು ಸಬಲ ಉದ್ಯೋಗ, ಕೌಶಲಕ್ಕೆ ಒತ್ತು ಬಡವರಿಗೆ 3 ಕೋಟಿ ಮನೆ ವೇತನವರ್ಗಕ್ಕೂ ಮಣೆ ಕ್ಯಾನ್ಸರ್ ಔಷಧ ಅಗ್ಗ

ವಿಕಸಿತ ಭಾರತದ ಕನಸಿಗೆ ಭದ್ರ ಬುನಾದಿ ಹಾಕುವ ಕೇಂದ್ರ ಸರ್ಕಾರದ ಆಶಯವನ್ನು 2024-25ನೇ ಸಾಲಿನ ಕೇಂದ್ರ ಬಜೆಟ್ ನಿರೂಪಿಸಿದೆ. ಪ್ರಧಾನಿ ನರೇಂದ್ರ ಮೋದಿ ನೀಡಿದ್ದ ಸುಳಿವಿನಂತೆ ಭವಿಷ್ಯದ ಭಾರತಕ್ಕಾಗಿ ಉದ್ಯೋಗಾವಕಾಶ ಹೆಚ್ಚಿಸಿ, ಕೌಶಲಾಭಿವೃದ್ಧಿಗೆ ಬಜೆಟ್​ನಲ್ಲಿ ಹೆಚ್ಚಿನ ಗಮನ ನೀಡಲಾಗಿದೆ. ಮಹಿಳೆ ಮಕ್ಕಳ ಕಲ್ಯಾಣ, ಅನ್ನದಾತರ ಬದುಕು ಹಸನುಗೊಳಿಸುವ ಜತೆಯಲ್ಲೇ ಮಧ್ಯಮ ವರ್ಗ, ಕೈಗಾರಿಕೆ, ಶಿಕ್ಷಣ ಕ್ಷೇತ್ರ ಒಳಗೊಂಡಂತೆ 9 ಆದ್ಯತಾ ಕ್ಷೇತ್ರಗಳನ್ನು ಗುರುತಿಸಿ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ 7ನೇ ಬಜೆಟ್​ನಲ್ಲಿ ಹಲವು ಯೋಜನೆ, ಘೋಷಣೆ ಹೊರಡಿಸಿದ್ದಾರೆ. ನವೋದ್ಯೋಗಿಗಳಿಗೆ 1 ತಿಂಗಳು ಸರ್ಕಾರದಿಂದಲೇ ವೇತನ, ಇಂಟರ್ನ್​ಶಿಪ್​ಗೆ ಅವಕಾಶ ಕಲ್ಪಿಸಿ ಮಾಸಿಕ ಭತ್ಯೆ ನೀಡುವ ಮೂಲಕ ಯುವಜನತೆಗೆ ಉದ್ಯೋಗದ ಹಾದಿ ತೋರಲಾಗುತ್ತಿದೆ. ಮಹಿಳಾ ನೌಕರರಿಗೆ ಉಚಿತ ಹಾಸ್ಟೆಲ್, ಬಡವರಿಗೆ 3 ಕೋಟಿ ಮನೆ ನಿರ್ವಿುಸಿಕೊಡುವ ಹಾಗೂ ಮಧ್ಯಮ ವರ್ಗಕ್ಕೆ ತೆರಿಗೆ ಸಿಹಿ ನೀಡುವ ಬದ್ಧತೆಯನ್ನು ನಿರ್ಮಲಾ ಪ್ರದರ್ಶಿಸಿದ್ದಾರೆ. ಕ್ಯಾನ್ಸರ್ ಔಷಧಗಳ ತೆರಿಗೆ ರದ್ದು ಮಾಡುವ ಮೂಲಕ ವೈದ್ಯಕೀಯ ಚಿಕಿತ್ಸೆಯನ್ನು ಅಗ್ಗಗೊಳಿಸಿದ್ದಾರೆ. ಒಟ್ಟಾರೆ ಭರಪೂರ ಅಲ್ಲದಿದ್ದರೂ ಜನರ ಆದ್ಯ ಕೊರತೆಗಳ ಬರ ನೀಗಿಸುವ ಪ್ರಯತ್ನ ಬಜೆಟ್​ನಲ್ಲಿದೆ. 32.07 ಲಕ್ಷ ಕೋಟಿ ರೂ. ಗಾತ್ರದ ಈ ಬಜೆಟ್ ಜನಪ್ರಿಯವಲ್ಲದಿದ್ದರೂ ಜನಪರ ಎನ್ನುವ ಅಭಿಪ್ರಾಯ ವಿಶ್ಲೇಷಕರದು.

ತೆರಿಗೆದಾರರಿಗೆ ಉಡುಗೊರೆ

• 3 ಲಕ್ಷ ರೂ. ಆದಾಯದವರೆಗೆ ಶೂನ್ಯ ತೆರಿಗೆ
• ವಾರ್ಷಿಕ -ಠಿ;37 ಲಕ್ಷ ಆದಾಯದಾರರಿಗೆ ಶೇ.5 ತೆರಿಗೆ
• ಸ್ಟಾಂಡರ್ಡ್ ಡಿಡಕ್ಷನ್ 75 ಸಾವಿರ ರೂ.ಗೆ ಏರಿಕೆ
• ಪಿಂಚಣಿದಾರರಿಗೆ 15-25 ಸಾವಿರ ರೂ.ಗೆ ಏರಿಕೆ
• ದೇಶಾದ್ಯಂತ 4 ಕೋಟಿ ಜನರಿಗೆ ಅನುಕೂಲ
• ಹೊಸ ತೆರಿಗೆಯಲ್ಲಿ -ಠಿ;17 ಸಾವಿರ ಉಳಿತಾಯ
• ಟಿಡಿಎಸ್ ಕಟ್ಟುವುದು ತಡವಾದರೆ ದಂಡ ಇಲ್ಲ

ಕೃಷಿಗೆ ಡಿಜಿಟಲ್ ಸ್ಪರ್ಶ

• ಕೃಷಿ ಕ್ಷೇತ್ರದಲ್ಲಿ ಡಿಜಿಟಲ್ ಕ್ರಾಂತಿ
• ಡಿಜಿಟಲ್ ಮೂಲಸೌಕರ್ಯ ಉತ್ತೇಜನ
• 1.52 ಲಕ್ಷ ಕೋಟಿ ರೂ.ಅನುದಾನ
• 2 ವರ್ಷದಲ್ಲಿ ನೈಸರ್ಗಿಕ ಕೃಷಿಯತ್ತ ರೈತರು
• ಜನ್​ಸಮರ್ಥ್ ಕಿಸಾನ್ ಕ್ರೆಡಿಟ್ ಕಾರ್ಡ್ ಗಿಫ್ಟ್
• ಐದು ರಾಜ್ಯಗಳಲ್ಲಿ ಪರಿಚಯಿಸಲು ತೀರ್ಮಾನ

ಮಹಿಳೆಯರಿಗೂ ಸಿಹಿ

• 3 ಲಕ್ಷ ಕೋಟಿ ರೂ.ಮೊತ್ತದ ಯೋಜನೆ
• ದುಡಿಯುವ ಮಹಿಳೆಯರಿಗೆ ಉಚಿತ ಹಾಸ್ಟೆಲ್ ಸೌಲಭ್ಯ, ಕೇಂದ್ರ ಸರ್ಕಾರದ ವತಿಯಿಂದಲೇ ವ್ಯವಸ್ಥೆ
• ಮಹಿಳೆಯರು ಖರೀದಿಸುವ ಆಸ್ತಿಗೆ ತೆರಿಗೆ ಕಡಿತ

ಅಗ್ಗ: ಚಿನ್ನ, ಬೆಳ್ಳಿ, ಪ್ಲಾಟಿನಂ, ತಾಮ್ರ . ಮೊಬೈಲ್ ಫೋನ್, ಚಾರ್ಜರ್, 3 ಕ್ಯಾನ್ಸರ್ ಚಿಕಿತ್ಸಾ ಔಷಧ , ಸೌರ ಫಲಕಗಳ ಬಿಡಿಭಾಗಗಳು , ವಿದ್ಯುತ್ ತಂತಿ, ಎಕ್ಸ್ ರೇ ಉಪಕರಣ, ವಿದೇಶಿ ಬಟ್ಟೆ, ಚಮೋತ್ಪನ್ನ, ಟಿವಿ, ಸ್ಟಾರ್ಟ್ ಅಪ್ ವ್ಯವಸ್ಥೆ-ಏಂಜೆಲ್ ಟ್ಯಾಕ್ಸ್ ರದ್ದು, ವೈದ್ಯಕೀಯ ಉಪಕರಣಗಳು ತುಟ್ಟಿ : ಮರು ಬಳಕೆ ಆಗದ ಪ್ಲಾಸ್ಟಿಕ್ ವಸ್ತುಗಳು, ಎಲ್ಲ ರೀತಿಯ ವಿದ್ಯುತ್ ಉಪಕರಣಗಳು, ಮೊಬೈಲ್ ಟವರ್ ಬಿಡಿ ಭಾಗಗಳು

ನವ ಆದ್ಯತೆ

. ಕೃಷಿ

. ಉದ್ಯೋಗ

. ಸಮಗ್ರ ಅಭಿವೃದ್ಧಿ

. ಉತ್ಪಾದನೆ, ಸೇವೆಗಳು

. ನಗರಾಭಿವೃದ್ಧಿ

. ಶಕ್ತಿ

. ಮೂಲಸೌಕರ್ಯ

. ನಾವೀನ್ಯತೆ, ಸಂಶೋಧನೆ

. ಮುಂದಿನ ಪೀಳಿಗೆಯ ಸುಧಾರಣಾ ಕ್ರಮಗಳು

ಶಿಕ್ಷಣಕ್ಕೆ ಸಿಹಿ

• ಉನ್ನತ ಶಿಕ್ಷಣಕ್ಕೆ -ಠಿ;10 ಲಕ್ಷ ಸಾಲ
• ದೇಶೀಯ ಶಿಕ್ಷಣ ಸಂಸ್ಥೆಗಳಿಗೆ ಅನ್ವಯ
• ಶೇ.3ರ ಬಡ್ಡಿ ದರದಲ್ಲಿ ಸಹಾಯಧನ
• ಒಂದು ಲಕ್ಷ ವಿದ್ಯಾರ್ಥಿಗಳಿಗೆ ಶೇ.3 ಬಡ್ಡಿದರದಲ್ಲಿ ಇ-ವೋಚರ್

ಉದ್ಯೋಗಕ್ಕೆ ಔದಾರ್ಯ

• ಹೊಸ ಉದ್ಯೋಗಿಗಳಿಗೆ 1 ತಿಂಗಳು ಪಿಎಫ್
• ನೇರ ನಗದು ಮೂಲಕ 3 ಕಂತುಗಳಲ್ಲಿ ವರ್ಗ
• 1 ಲಕ್ಷವರೆಗಿನ ವೇತನದಾರರಿಗೆ ಅನ್ವಯ
• 2 ವರ್ಷಕ್ಕೆ 2.10 ಕೋಟಿ ಕಾರ್ವಿುಕರಿಗೆ ಲಾಭ
• ಪಿಎಫ್ ನೋಂದಣಿ ಮೂಲಕ ಯೋಜನೆ ಜಾರಿ
• 4ವರ್ಷ ಸರ್ಕಾರವೇ ಭರಿಸಲಿದೆ ವಂತಿಗೆ
• 30 ಲಕ್ಷ ಯುವಕರಿಗೆ ನೆರವಾಗುವ ನಿರೀಕ್ಷೆ
• ಕನಿಷ್ಠ 50ಕ್ಕಿಂತ ಹೆಚ್ಚು ನೇಮಕಕ್ಕೆ ಅನ್ವಯ
• ಮುದ್ರಾ ಸಾಲ ಮಿತಿ -ಠಿ;10-20 ಲಕ್ಷಕ್ಕೆ ಹೆಚ್ಚಳ
• 5ವರ್ಷಗಳಲ್ಲಿ 4.1 ಕೋಟಿ ಉದ್ಯೋಗ ಸೃಷ್ಟಿ
• 2 ಲಕ್ಷ ಕೋಟಿ ವಿನಿಯೋಗಕ್ಕೆ ತೀರ್ಮಾನ

ಆಮ್ ಆದ್ಮಿಗೂ ಖುಷಿ

• 1 ಕೋಟಿ ಮನೆಗೆ 300 ಯುನಿಟ್ ಉಚಿತ ವಿದ್ಯುತ್
• ಪಿಎಂ ಸೂರ್ಯ ಘರ್ ಯೋಜನೆ ಮುಂದುವರಿಕೆ
• ಪಿಎಂ ಆವಾಸ್ ಅನ್ವಯ ಹೆಚ್ಚುವರಿ 3 ಕೋಟಿ ಬಡವರಿಗೆ ಮನೆ
• ನಗರದ 1 ಕೋಟಿ ಬಡವರಿಗೂ ಸಿಗಲಿವೆ ಉಚಿತ ಮನೆ

ಇಂಟರ್ನಿಗಳಿಗೆ ಬಂಪರ್ ಗಿಫ್ಟ್

• 5 ವರ್ಷದಲ್ಲಿ 500 ಕಂಪನಿಗಳಲ್ಲಿ ಅವಕಾಶ
• 12 ತಿಂಗಳು ತರಬೇತಿ , 11 ಸಾವಿರ ಸ್ಟೈಪೆಂಡ್
• ಕೇಂದ್ರದಿಂದ ಮಾಸಿಕ -ಠಿ;5000, ಕಂಪನಿಯಿಂದ 6 ಸಾವಿರ ರೂಪಾಯಿ
• 1 ಕೋಟಿ ಯುವಕರಿಗೆ ಸಿಗಲಿದೆ ಮಾಸಿಕ ಭತ್ಯೆ
• 20 ಲಕ್ಷ ಯುವಕರಿಗೆ ಕೌಶಲಾಭಿವೃದ್ದಿ ಯೋಜನೆ
• ಕೌಶಲ ಸಾಲ ಯೋಜನೆ ಅಡಿ 7.5 ಲಕ್ಷ ರೂ.ಸಾಲ
• ಶಿಕ್ಷಣ, ಉದ್ಯೋಗ, ಕೌಶಲಕ್ಕೆ -ಠಿ;1.48 ಲಕ್ಷ ಕೋಟಿ

ಕೇಂದ್ರ ಬಜೆಟ್ ದೇಶದ ಸರ್ವಾಂಗೀಣ ಏಳಿಗೆಗೆ ಅಕ್ಷಯಪಾತ್ರೆ ಆಗಿದೆ. ಮಧ್ಯಮ ವರ್ಗಕ್ಕೆ ಶಕ್ತಿ ನೀಡಲಿದೆ. ಭಾರತದ ಅಭಿವೃದ್ಧಿಗೆ ಹೊಸ ವೇಗ ಸಿಗಲಿದೆ. | ನರೇಂದ್ರ ಮೋದಿ ಪ್ರಧಾನಿ ನರೇಂದ್ರ ಮೋದಿ 3.0 ಸರ್ಕಾರದ ಬಜೆಟ್ ‘ಕುರ್ಚಿ ಉಳಿಸಿ’ ಬಜೆಟ್ ಆಗಿದೆ. 2024ರ ಕಾಂಗ್ರೆಸ್ ಚುನಾವಣೆ ಪ್ರಣಾಳಿಕೆ ಹಾಗೂ ಹಿಂದಿನ ಬಜೆಟ್​ಗಳ ಕಾಪಿ ಪೇಸ್ಟ್ ಬಜೆಟ್ ಇದಾಗಿದೆ. | ರಾಹುಲ್ ಗಾಂಧಿ ಲೋಕಸಭೆ ವಿಪಕ್ಷ ನಾಯಕ

https://www.vijayavani.net/the-cm-gave-a-slap-to-those-who-said-that-there-will-be-no-rain-during-siddaramaiahs-time

https://www.vijayavani.net/one-person-dies-every-minute-from-aids-united-nations-report