ಜೀನ್ಸ್, ಟಿ ಶರ್ಟ್ ಧರಿಸಲು ಅತ್ತೆ ಒತ್ತಾಯ ಮಾಡುತ್ತಿದ್ದಾಳೆ!; ಸೊಸೆ ಮಾಡಿದ್ಲು ಮಾಸ್ಟರ್​ ಫ್ಲ್ಯಾನ್​​

ಉತ್ತರಪ್ರದೇಶ: ಸಾಮಾನ್ಯವಾಗಿ ಇಂದಿನ ದಿನಗಳಲ್ಲಿ ಮಕ್ಕಳಾದ ಮೇಲೂ ಅನೇಕ ಯುವತಿಯರು ಜೀನ್ಸ್, ಟೀ ಶರ್ಟ್ ಧರಿಸುತ್ತಿದ್ದಾರೆ. ಸೊಸೆ ಸೀರೆ ಧರಿಸಬೇಕು ಎನ್ನುವುದು ಹಲವು ಅತ್ತೆಯರ ಆಸೆಯಾಗಿದೆ. ಆದರೆ ಯುಪಿಯ ಒಂದು ಕುಟುಂಬದಲ್ಲಿ, ಅತ್ತೆ- ಸೊಸೆ ಸಂಬಂಧವು ಫುಲ್ ರಿವರ್ಸ್ ಆಗಿದೆ. ಮಾಡ್ರನ್​​ ಬಟ್ಟೆ ಧರಿಸಲು ಅತ್ತೆ ಒತ್ತಡ ಹೇರುತ್ತಿದ್ದಾಳೆಂದು ಸೊಸೆಯ ಕೌಟುಂಬಿಕ ಸಲಹಾ ಕೇಂದ್ರಕ್ಕೆ ದೂರು ನೀಡಿದ್ದಾಳೆ.

ಈ ಸಂಬಂಧ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಈ ಘಟನೆ ಉತ್ತರ ಪ್ರದೇಶ ಅಥವಾ ಆಗ್ರಾದಲ್ಲಿ ಬೆಳಕಿಗೆ ಬಂದಿದೆ. ಉತ್ತರ ಪ್ರದೇಶದ ಆಗ್ರಾದಲ್ಲಿ ಅತ್ತೆ-ಮಾವಂದಿರ ನಡುವಿನ ಜಗಳ ಇದೀಗ ಚರ್ಚೆಗೆ ಗ್ರಾಸವಾಗಿದೆ.

ಆಗ್ರಾದ ಹರಿಪರ್ವತ್ ನಿವಾಸಿಯಾದ ಯುವಕನೊಬ್ಬ ವರ್ಷದ ಹಿಂದೆ ಯುವತಿಯೊಬ್ಬಳನ್ನು ಮದುವೆಯಾಗಿದ್ದ. ಯುವಕ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದು ಕುಟುಂಬವನ್ನು ಪೋಷಿಸುತ್ತಿದ್ದಾನೆ. ಯುವತಿ ಮನೆಯಲ್ಲೇ ಇದ್ದಾಳೆ. ಜೀನ್ಸ್ ತೊಡುವ ಅಭ್ಯಾಸವಿಲ್ಲದ ಯುವತಿ ದಿನವೂ ಸೀರೆ ಉಡುತ್ತಾಳೆ. ಅತ್ತೆಗೆ ಅದು ಇಷ್ಟವಾಗದೆ ಜೀನ್ಸ್, ಟೀಶರ್ಟ್ ಹಾಕಲು ಆರ್ಡರ್ ಮಾಡಿದಳು. ಇದರಿಂದ ಬೇಸತ್ತ ಸೊಸೆ ಭಾನುವಾರ (ನವೆಂಬರ್ 19) ಆಗ್ರಾ ಪೊಲೀಸ್ ಠಾಣೆಯ ಕೌಟುಂಬಿಕ ಸಲಹಾ ಕೇಂದ್ರವನ್ನು ಸಂಪರ್ಕಿಸಿದ್ದಾರೆ.  

ಯುವತಿ ತಾನು ಗ್ರಾಮೀಣ ಹಿನ್ನೆಲೆಯಿಂದ ಬಂದವಳಾಗಿದ್ದು, ಮದುವೆಯ ನಂತರ ಸೀರೆ ಕಟ್ಟುವುದು ಮಾತ್ರ ಗೊತ್ತು .ತನಗೆ ಸೀರೆ ಕಟ್ಟುವುದು ಇಷ್ಟ, ಆದರೆ ಅತ್ತೆಗೆ ಅದು ಇಷ್ಟವಾಗದೆ ಸೀರೆ ಕಟ್ಟುವಾಗ ಗೇಲಿ ಮಾಡುತ್ತಾರೆ. ಅವರು ಜೀನ್ಸ್ ಧರಿಸಲು ಇಷ್ಟಪಡುತ್ತಾರೆ. ಜೀನ್ಸ್ ಧರಿಸುವುದು ನನಗೆ ಇಷ್ಟವಿಲ್ಲ. ಇದನ್ನು ನನ್ನ ಪತಿಗೆ ಹೇಳಿದಾಗ ಅವರು ನನ್ನನ್ನು ಗದರಿಸಿ ಹೊಡೆದಿದ್ದಾರೆ.

ದೂರು ಸ್ವೀಕರಿಸಿದ ನಂತರ ಕೌನ್ಸೆಲಿಂಗ್ ಕೇಂದ್ರದವರು ಆಕೆಯ ಅತ್ತೆ ಮತ್ತು ಪತಿಯನ್ನು ಕರೆಸಿ ದಂಪತಿಯನ್ನು ಸಮಾಧಾನಪಡಿಸಲು ಪ್ರಯತ್ನಿಸಿದರು. ಮನೆಯಲ್ಲಿ ಅತ್ತೆ-ಹೆಂಡತಿ ನಡುವೆ ದಿನನಿತ್ಯ ಜಗಳ ನಡೆಯುತ್ತಿದ್ದು, ಪತ್ನಿ ಅಮ್ಮನ ಮಾತು ಕೇಳುತ್ತಿಲ್ಲ ಎಂದು ಯುವತಿಯ ಪತಿ ಹೇಳಿದ್ದಾನೆ. ಇಬ್ಬರನ್ನೂ ಸಮಾಧಾನ ಪಡಿಸಲು ಯತ್ನಿಸಿದರಾದರೂ ಒಪ್ಪದಿದ್ದಾಗ ಕೌನ್ಸೆಲಿಂಗ್‌ಗೆ ಕರೆಸಲಾಯಿತು ಎಂದು ಕೌಟುಂಬಿಕ ಸಲಹಾ ಕೇಂದ್ರದ ನೋಡಲ್ ಎಸಿಪಿ ಸುಕನ್ಯಾ ಶರ್ಮಾ ತಿಳಿಸಿದ್ದಾರೆ.

https://www.vijayavani.net/ostracised-for-life-nehrus-tribal-wife-passes-away