ಚುನಾವಣಾ ಪ್ರಚಾರದ ಪೋಸ್ಟರ್​ನಲ್ಲೇ ಬೆತ್ತಲೆ ಫೋಟೋ! ಗೆದ್ದರೆ ಎಲ್ಲ ಮಹಿಳೆಯರಿಗೆ ಸ್ತನ ಶಸ್ತ್ರಚಿಕಿತ್ಸೆ ಫ್ರೀ ಅಂತೆ..

ಮೆಕ್ಸಿಕೋ: ಚುನಾವಣಾ ಪ್ರಚಾರದಲ್ಲಿ ಅನೇಕ ರೀತಿಯ ಭರವಸೆಗಳನ್ನು ಕೊಡುವವರನ್ನು ನೋಡಿರುತ್ತೀರಿ. ಆದರೆ ಈ ರೀತಿಯ ವಿಚಿತ್ರ ಪ್ರಚಾರವನ್ನು ನೀವು ಕೇಳಿರಲಿಕ್ಕೆ ಸಾಧ್ಯವೇ ಇಲ್ಲ..

ಮೆಕ್ಸಿಕೋದ ಸಂಸತ್ತಿನ ಚುನಾವಣೆ ಇದೇ ಆರನೇ ತಾರೀಖಿನಂದು ನಡೆಯಲಿದೆ. ಅನೇಕ ಪಕ್ಷಗಳು ಈ ಚುನಾವಣೆಯಲ್ಲಿ ಸ್ಪರ್ಧೆಗೆ ಇಳಿದಿವೆ. ಅದರಂತೆ ಸೆಂಟರ್​ ಲೆಫ್ಟ್​ ಪ್ರೊಗ್ರೆಸ್ಸಿವ್​ ಸೋಶಿಯಲ್​ ನೆಟ್​ವರ್ಕ್​ ಪಾರ್ಟಿ ಕೂಡ ಚುನಾವಣಾ ಕಣದಲ್ಲಿದೆ. 2017ರಲ್ಲಿ ಎನ್​ಜಿಒ ಆಗಿ ಆರಂಭವಾದ ಇದು ಕಳೆದ ಎರಡು ವರ್ಷಗಳಿಂದ ರಾಜಕೀಯ ಪಕ್ಷವಾಗಿ ಬದಲಾಗಿದೆ. ಈ ಪಕ್ಷದಿಂದ ಮಾಡೆಲ್​ ಒಬ್ಬರು ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿದ್ದಾರೆ.

ರೊಸ್ಸಿಯೊ ಪಿನೋ ಹೆಸರಿನ ಮಾಡೆಲ್ ಸೆಂಟರ್​ ಲೆಫ್ಟ್​ ಪ್ರೊಗ್ರೆಸ್ಸಿವ್​ ಸೋಶಿಯಲ್​ ನೆಟ್​ವರ್ಕ್​ ಪಾರ್ಟಿಯಿಂದ ಚುನಾವಣೆಗೆ ನಿಂತಿದ್ದಾರೆ. ಈಗಾಗಲೇ ವಿಚಿತ್ರ ವಿಚಿತ್ರ ಪೋಸ್ಟರ್​ಗಳನ್ನು ಆಕೆ ಹಂಚತೊಡಗಿದ್ದಾರಂತೆ. ಅದರಲ್ಲಿ ಒಂದು ಪೋಸ್ಟರ್​ನಲ್ಲಿ ಸಂಪೂರ್ಣವಾಗಿ ಬೆತ್ತಲಾಗಿ ನಿಂತಿರುವ ರೊಸ್ಸಿಯೊ ಫೋಟೋವನ್ನೂ ಮುದ್ರಿಸಲಾಗಿದೆಯಂತೆ. ಆದರೆ ನನಗೆ ಚೀಪ್​ ಪ್ರಚಾರ ಬೇಕಾಗಿಲ್ಲ ಎನ್ನುತ್ತಾರೆ ಆ ಮಾಡೆಲ್​.

ರೊಸ್ಸಿಯೊ ಇನ್ನೂ ಒಂದು ವಿಶೇಷ ಕೆಲಸ ಮಾಡಿದ್ದಾರೆ. ತಾನೊಂದು ವೇಳೆ ಚುನಾವಣೆಯಲ್ಲಿ ಗೆದ್ದರೆ ಸ್ತನ ಕ್ಯಾನ್ಸರ್​ನಿಂದ ಬಳಲುತ್ತಿರುವ ಮಹಿಳೆಯರಿಗೆ ಉಚಿತವಾಗಿ ಸ್ತನ ಶಸ್ತ್ರಚಿಕಿತ್ಸೆ ಮಾಡಿಸುವುದಾಗಿ ಭರವಸೆ ನೀಡಿದ್ದಾರೆ. ಸಮಾಜದಲ್ಲಿ ಹೆಣ್ಣಿಗಿರುವ ಧೋರಣೆಯನ್ನು ತೆಗೆದುಹಾಕಬೇಕು ಅದಕ್ಕಾಗಿ ನಾನು ಜಯ ಸಾಧಿಸಬೇಕು ಎಂದಿದ್ದಾಳೆ ರೊಸ್ಸಿಯೊ. ಹಾಗಾದರೆ ಆಕೆ ಚುನಾವಣೆಯಲ್ಲಿ ಗೆಲ್ಲುತ್ತಾಳಾ ಎನ್ನುವುದನ್ನು ಕಾದು ನೋಡಬೇಕಿದೆ. (ಏಜೆನ್ಸೀಸ್)

https://www.vijayavani.net/haryana-tuition-teacher-missing-with-student/

https://www.vijayavani.net/man-kills-himself-after-blackmailed-by-a-techer/

https://www.vijayavani.net/newly-married-doctor-hangs-herself/