ಪ್ರಬಲ ಮಿಲಿಟರಿಯ ಆಧಾರದ ಮೇಲೆ ವಿಶ್ವದ ಬಲಿಷ್ಠ ರಾಷ್ಟ್ರಗಳ ಪೈಕಿ ಭಾರತ ನಾಲ್ಕನೇ ಸ್ಥಾನದಲ್ಲಿದೆ. ಮೊದಲ ಮೂರು ಸ್ಥಾನಗಳಲ್ಲಿ ಅಮೆರಿಕ, ರಷ್ಯಾ ಹಾಗೂ ಚೀನಾ ದೇಶಗಳಿವೆ. ಭಾರತವೂ ಸೇರಿದಂತೆ ಈ ದೇಶಗಳು ಅತ್ಯುತ್ತಮ ರಕ್ಷಣಾ ವ್ಯವಸ್ಥೆ, ಬಲವಾದ ಸಶಸ್ತ್ರ ಪಡೆ ಮತ್ತು ಇತ್ತೀಚಿನ ತಂತ್ರಜ್ಞಾನದಿಂದಾಗಿ ಗಮನಾರ್ಹ ಜಾಗತಿಕ ಪ್ರಭಾವ ಹೊಂದಿವೆ. ಭಾರತೀಯ ಸೇನೆ 51,37,000 ಸಿಬ್ಬಂದಿಯನ್ನು ಒಳಗೊಂಡಿದೆ. ಇದರಲ್ಲಿ 14,55,550 ಸಕ್ರಿಯ-ಕರ್ತವ್ಯ ಸದಸ್ಯರು, 25,00,000 ಮೀಸಲು ಪಡೆಗಳು ಮತ್ತು 2,50,000 ಅರೆಸೈನಿಕ ಸಿಬ್ಬಂದಿ ಸೇರಿದ್ದಾರೆ. ಭಾರತೀಯ ಸೇನೆ 2,100 ವಿಮಾನಗಳನ್ನು ನಿರ್ವಹಿಸುತ್ತದೆ. ಇದರಲ್ಲಿ 650 ಫೈಟರ್ ಜೆಟ್ಗಳು, 300 ದಾಳಿ ವಿಮಾನಗಳು ಮತ್ತು 300 ಸಾರಿಗೆ ವಿಮಾನಗಳು ಮತ್ತು 600 ಹೆಲಿಕಾಪ್ಟರ್ಗಳು ಸೇರಿವೆ. ಸುಮಾರು 4,200 ಟ್ಯಾಂಕ್ಗಳು, 22,000 ಶಸ್ತ್ರಸಜ್ಜಿತ ವಾಹನಗಳು ಮತ್ತು 2,000 ಸ್ವಯಂಚಾಲಿತ ಫಿರಂಗಿ ಘಟಕಗಳನ್ನು ಭಾರತೀಯ ಸೇನೆ ಹೊಂದಿದೆ. ನೌಕಾ ಬಲವನ್ನು ಪರಿಗಣಿಸುವುದಾದರೆ 2 ವಿಮಾನವಾಹಕ ನೌಕೆ, 10 ವಿಧ್ವಂಸಕ ನೌಕೆಗಳು ಮತ್ತು 15 ಜಲಾಂತರ್ಗಾಮಿ ನೌಕೆಗಳು ಸೇರಿದಂತೆ 295 ನೌಕಾ ಸ್ವತ್ತುಗಳಿವೆ.
