ಮೈಕ್ರೋಸಾಫ್ಟ್​ ಕ್ಲೌಡ್​ ಸರ್ವೀಸ್​ನಲ್ಲಿ ಸಮಸ್ಯೆ: ವಿಶ್ವದಾದ್ಯಂತ ವಿಮಾನ ಸೇವೆಯಲ್ಲಿ ವ್ಯತ್ಯಯ

ನವದೆಹಲಿ: ಮೈಕ್ರೋಸಾಫ್ಟ್​ ಕ್ಲೌಡ್​ ಸರ್ವೀಸ್​ನಲ್ಲಿ ತಾಂತ್ರಿಕ ಸಮಸ್ಯೆ ಉಂಟಾದ ಹಿನ್ನೆಲೆಯಲ್ಲಿ ಭಾರತ ಸೇರಿದಂತೆ ವಿಶ್ವದ ಹಲವು ದೇಶಗಳ ವಿಮಾನ ಸೇವೆಯಲ್ಲಿ ಭಾರಿ ವ್ಯತ್ಯಯ ಉಂಟಾಗಿದೆ.

ಅಮೆರಿಕ, ಫ್ರಾನ್ಸ್​, ಹಾಂಗ್​ಕಾಂಗ್​, ಆಸ್ಟ್ರೇಲಿಯಾ ಮತ್ತು ಭಾರತ ಸೇರಿ ಅನೇಕ ರಾಷ್ಟ್ರಗಳಲ್ಲಿ ವಿಮಾನ ಸೇವೆಗೆ ಅಡ್ಡಿ ಉಂಟಾಗಿದ್ದು, ಹಲವು ಏರ್​ಪೋರ್ಟ್​ನಲ್ಲಿ ಪ್ರಯಾಣಿಕರು ಪರದಾಟ ಅನುಭವಿಸಿದ್ದಾರೆ. ಏರ್​ಪೋರ್ಟ್​ಗಳಲ್ಲಿ ವಿಮಾನಗಳು ಟೇಕಾಫ್ ಸಹ ಆಗಿಲ್ಲ. ಅಲ್ಲದೆ, ಟಿಕೆಟ್​ ಬುಕ್ಕಿಂಗ್​ ಆಗದೇ ಪ್ರಯಾಣಿಕರು ತೊಂದರೆ ಅನುಭವಿಸಿದ್ದಾರೆ.

ವಿಮಾನ ಸೇವೆ ಮಾತ್ರವಲ್ಲದೆ, ಷೇರು ಮಾರುಕಟ್ಟೆ, ಜಿಮೇಲ್​, ಅಮೇಜಾನ್​ ಹಾಗೂ ಬ್ಯಾಂಕಿಂಗ್​ ಕ್ಷೇತ್ರದ ಮೇಲೂ ಮೈಕ್ರೋಸಾಫ್ಟ್​ ಕ್ಲೌಡ್​ ಸವೀಸ್​ ಸಮಸ್ಯೆ ಪರಿಣಾಮ ಬೀರಿದೆ. ಅಮೆರಿಕಾದ್ಯಂತ 911 ವಿಮಾನ ಸೇವೆಗಳು ಸ್ಥಗಿತಗೊಂಡಿವೆ. ಲಂಡನ್​ನ ಷೇರು ಮಾರುಕಟ್ಟೆಯಲ್ಲೂ ವ್ಯತ್ಯಯವಾಗಿದೆ. ಆಸ್ಟ್ರೇಲಿಯಾದ ಐಟಿ ಕಂಪನಿಗಳಲ್ಲಿ ತಲ್ಲಣ ಉಂಟಾಗಿದೆ. ಮೈಕ್ರೋಸಾಫ್ಟ್​ ಆ್ಯಪ್​ಗಳ ಕಾರ್ಯ ಸ್ಥಗಿತಗೊಂಡಿದೆ.

ಸೇವೆಯಲ್ಲಿ ವ್ಯತ್ಯಯ ಉಂಟಾದ ಹಿನ್ನೆಲೆಯಲ್ಲಿ ಮೈಕ್ರೋಸಾಫ್ಟ್​ ತಕ್ಷಣ ಟ್ವೀಟ್​ ಮೂಲಕ ಸ್ಪಷ್ಟನೆ ನೀಡಿದ್ದು, ಶೀಘ್ರದಲ್ಲೇ ಸಮಸ್ಯೆ ಸರಿಪಡಿಸಲಾಗುವುದು ಎಂದು ಹೇಳಿದೆ. ಅಲ್ಲದೆ, ಸಾಫ್ಟ್​ವೇರ್​ ಬಳಕೆದಾರರು ಸಹಕರಿಸಲು ವಿನಂತಿಸಿದೆ.

https://www.vijayavani.net/actor-r-madhavan-shares-secret-to-body-turnaround-after-rocketry

https://www.vijayavani.net/director-tharun-sudhir-meets-darshan-in-parappana-agrahara-jail