ಆರೋಗ್ಯಕ್ಕೆ ಮಾರಕ ಮೈಕ್ರೋ ಪ್ಲಾಸ್ಟಿಕ್

ಮೈಕ್ರೋ ಪ್ಲಾಸ್ಟಿಕ್​ನ ಹಾವಳಿ ಇತ್ತೀಚಿನ ವರ್ಷಗಳಲ್ಲಿ ವಿಪರೀತವಾಗಿದೆ. ನಮ್ಮ ದಿನನಿತ್ಯ ಬಳಕೆಯ ವಸ್ತುಗಳಲ್ಲಿ ಇದರ ಸಣ್ಣ ಸಣ್ಣ ಕಣಗಳು ಸೇರಿಕೊಂಡು ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಉಂಟುಮಾಡುತ್ತಿವೆ. ಆಹಾರ, ನೀರಿನಲ್ಲಿ ಮೈಕ್ರೋ ಪ್ಲಾಸ್ಟಿಕ್ ಸೇರದಂತೆ ಮೊದಲು ನೋಡಿಕೊಳ್ಳಬೇಕಿದೆ.

ನಮಗೆ ಗೊತ್ತಿಲ್ಲದೆಯೇ, ಕೆಲವೊಮ್ಮೆ ಗೊತ್ತಿದ್ದೂ ಮೈಕ್ರೋ ಪ್ಲಾಸ್ಟಿಕ್​ನ್ನು ನಾವು ನಿತ್ಯ ಸೇವಿಸುವಂತಾಗಿದೆ! ಹೌದು, ಮನುಷ್ಯನ ದೇಹದಲ್ಲಿ ಮೈಕ್ರೋ ಪ್ಲಾಸ್ಟಿಕ್ ಕಣಗಳ ಸಂಖ್ಯೆ ಗಣನೀಯವಾಗಿ ಹೆಚ್ಚುತ್ತಿದೆ. ಇದರಿಂದ ಹೃದಯ ಮತ್ತು ಮೂತ್ರಕೋಶ ಸಂಬಂಧಿ ಕಾಯಿಲೆಗಳು ಹೆಚ್ಚುತ್ತಿರುವುದರ ಬಗ್ಗೆ ತಜ್ಞವೈದ್ಯರು ಎಚ್ಚರಿಸಿದ್ದಾರೆ. ನೆದರಲ್ಯಾಂಡ್​ನ University of Amsterdamನ ವೈದ್ಯಕೀಯ ಅಧ್ಯಯನ ವಿಭಾಗವು ಇತ್ತೀಚೆಗೆ ಸಂಶೋಧನಾ ವರದಿಯೊಂದು ಬಿಡುಗಡೆ ಮಾಡಿದ್ದು, ಈ ಕುರಿತಂತೆ ಮಹತ್ವದ ಮಾಹಿತಿಗಳನ್ನು ಹೊರಗೆಡವಿದೆ. ಈ ವಿಶ್ವವಿದ್ಯಾಲಯ ಹೇಳುವಂತೆ ನೆದರಲ್ಯಾಂಡ್​ನ ಸರಾಸರಿ ಶೇಕಡ 80 ಜನರ ದೇಹದಲ್ಲಿ ಪ್ಲಾಸ್ಟಿಕ್ ಕಣಗಳು ಸೇರಿಕೊಂಡಿವೆ. 22 ಜನರ ರಕ್ತದ ಮಾದರಿಯನ್ನು ತೆಗೆದುಕೊಂಡು ಪರಿಶೀಲಿಸಿದಾಗ, ಅದರಲ್ಲಿ 17 ಜನರ ರಕ್ತದಲ್ಲಿ ಟಟ್ಝಢಛಿಠಿಜಢ್ಝಛ್ಞಿಛಿ ಠಿಛ್ಟಿಛಿಟಜಠಿಜಚ್ಝಚಠಿಛಿ, ಸ್ಟೈರಿನ್ ಪಾಲಿಮಾರ್​ನಿಂದ ಮಾಡಲ್ಪಟ್ಟ ಮೈಕ್ರೋ ಪ್ಲಾಸ್ಟಿಕ್ ಕಣಗಳು ಪತ್ತೆಯಾಗಿವೆ.

ಯಾವುದರಿಂದ ದೇಹ ಸೇರುತ್ತದೆ?: ಸಕ್ಕರೆ, ಉಪ್ಪು, ನಲ್ಲಿ ನೀರು, ಗಾಳಿ, ಪ್ಲಾಸ್ಟಿಕ್ ಬಾಟಲ್, ಕೆಲ ತರಕಾರಿಗಳು.

ಏನಿದು?: 5 ಮಿಲಿಮೀಟರ್​ಗಿಂತ ಚಿಕ್ಕದಾದ ಅಂದರೆ ಗಾತ್ರದಲ್ಲಿ 0.2 ಇಂಚಿಗಿಂತ ಕಡಿಮೆ ಇರುವ ಪ್ಲಾಸ್ಟಿಕ್ ಕಣವನ್ನು ಮೈಕ್ರೋ ಪ್ಲಾಸ್ಟಿಕ್ ಎಂದು ಕರೆಯಲಾಗುತ್ತದೆ. (ಮೈಕ್ರೋ- ಸೂಕ್ಷ್ಮ, ಸಣ್ಣ)

• ತಿಂಡಿ, ಊಟ ಮತ್ತು ಉಸಿರಾಟದ ಪ್ರಕ್ರಿಯೆ ಮೂಲಕ ಒಂದೇ ವಾರದಲ್ಲಿ ಮೈಕ್ರೋಪ್ಲಾಸ್ಟಿಕ್​ನ ಸರಾಸರಿ 2 ಸಾವಿರ ಕಣಗಳು ದೇಹವನ್ನು ಪ್ರವೇಶಿಸುತ್ತಿವೆ.
• ವರ್ಷದ 52 ವಾರಗಳಲ್ಲಿ 1,04,000 ಮೈಕ್ರೋಪ್ಲಾಸ್ಟಿಕ್ ಕಣಗಳು ದೇಹ ಸೇರುತ್ತಿವೆ.
• 700 ನ್ಯಾನೋಮೀಟರ್​ನ ಪ್ಲಾಸ್ಟಿಕ್ ಕಣಗಳು ದೇಹದಲ್ಲಿ ಪತ್ತೆಯಾಗಿರುವುದು ಸಂಶೋಧನೆಯಲ್ಲಿ ದೃಢಪಟ್ಟಿದೆ. ಅಂದರೆ ವರ್ಷಕ್ಕೆ 0.0728 ಮೀಟರ್ ಪ್ಲಾಸ್ಟಿಕ್ ಕಣ ಶರೀರ ಸೇರಿ, ರಕ್ತದ ಭಾಗವಾಗುತ್ತಿವೆ.
• ಬೆಳಗ್ಗೆ ಎದ್ದು ನಾವು ಹಲ್ಲಿನ ಸ್ವಚ್ಛತೆಗೆ ಮಾಡುವ ಬ್ರಶ್, ಕುಡಿಯುವ ನೀರಿನ ಬಾಟಲ್, ಪಲ್ಯ ಮಾಡಲು ಬಳಸುವ ಪಾಲಕ್ ಸೊಪು್ಪ, ಉಪು್ಪ, ಸಕ್ಕರೆ ಹೀಗೆ ದಿನನಿತ್ಯ ಬಳಸುವ ಎಷ್ಟೋ ವಸ್ತುಗಳಿಂದ ಪ್ಲಾಸ್ಟಿಕ್​ನ ಸೂಕ್ಷ್ಮ ಕಣಗಳು ಶರೀರ ಸೇರುತ್ತಿವೆ.
• 1 ಲೀಟರ್ ಬಾಟಲ್ ನೀರಿನಲ್ಲಿ 325 ಮೈಕ್ರೋ ಪ್ಲಾಸ್ಟಿಕ್ ಪಾರ್ಟಿಕಲ್ (ಸಣ್ಣ ಕಣಗಳು) ಇರುತ್ತವೆ ಎಂದು ವಿಶ್ವಸಂಸ್ಥೆ ತನ್ನ ಸಂಶೋಧನಾ ವರದಿಯಲ್ಲಿ ಹೇಳಿದೆ.

ಹಲವು ತೊಂದರೆ

• ವರ್ಷಕ್ಕೆ ಪ್ಲಾಸ್ಟಿಕ್​ನ 1,04,000 ಕಣಗಳು ದೇಹ ಪ್ರವೇಶಿಸುತ್ತಿವೆ. ಆಹಾರಕ್ರಮದಿಂದ ಮತ್ತು ಉಸಿರಾಟ (ಗಾಳಿ)ದ ಪ್ರಕ್ರಿಯೆಯಿಂದ ದೇಹಕ್ಕೆ ಸೇರುವ ಪ್ಲಾಸ್ಟಿಕ್​ನ ಸಣ್ಣ ಕಣಗಳು ಪ್ರವೇಶಿಸುವುದು ರಕ್ತವನ್ನೇ. ಇದರಿಂದ ಹೃದಯ ಮತ್ತು ಮೂತ್ರಸಂಬಂಧಿ ಕಾಯಿಲೆಗಳು ಹೆಚ್ಚುತ್ತಿವೆ ಎಂಬುದು ವೈದ್ಯರ ಸ್ಪಷ್ಟ ಅಭಿಪ್ರಾಯ.
• ಪ್ಲಾಸ್ಟಿಕ್ ತಯಾರಿಕೆಯ ಪ್ರಕ್ರಿಯೆಯಲ್ಲಿ ಚಿಜಿಠಟಜಛ್ಞಿಟ್ಝ ಚ ರಾಸಾಯನಿಕದ ಬಳಕೆ ಆಗುತ್ತದೆ. ಇದು ಮೈಕ್ರೋಪ್ಲಾಸ್ಟಿಕ್​ನ ಕಣಗಳನ್ನೂ ಹೊಂದಿರುತ್ತದೆ. ಇದರಿಂದ ಭವಿಷ್ಯದಲ್ಲಿ ಕ್ಯಾನ್ಸರ್ ಬಾಧಿಸುವ ಸಾಧ್ಯತೆಗಳು ಹೆಚ್ಚು.
• ರಕ್ತದಲ್ಲಿ ಪ್ಲಾಸ್ಟಿಕ್​ನ ಸೂಕ್ಷ್ಮ ಕಣಗಳು ಹೆಚ್ಚುವುದರಿಂದ ರಕ್ತದೊತ್ತಡದ ಪ್ರಮಾಣವೂ ಹೆಚ್ಚುವ ಸಾಧ್ಯತೆ.

ಪರಿಹಾರಗಳು

• ಪ್ಲಾಸ್ಟಿಕ್​ನ ಬಳಕೆಗೆ ವೈಯಕ್ತಿಕ ಮಟ್ಟದಲ್ಲೇ ಕಡಿವಾಣ ಹಾಕಬೇಕಿದೆ.
• ನೀರಿಗೆ ಪ್ಲಾಸ್ಟಿಕ್ ಬಾಟಲ್ ಅಥವಾ ಪೇಪರ್ ಲೋಟ ಬಳಸುವುದು ತಡೆಯಬೇಕಿದೆ. ಪೇಪರ್ ಲೋಟಕ್ಕೂ ಪ್ಲಾಸ್ಟಿಕ್​ನ ಲೇಪನ ಇರುತ್ತದೆ.
• ನಾವು ಬಳಸಿ ಬಿಸಾಡುವ ಪ್ಲಾಸ್ಟಿಕ್ ಬಾಟಲ್​ಗಳ ಪೈಕಿ ಶೇಕಡ 20ರಷ್ಟು ಬಾಟಲ್ ಮಾತ್ರ ರಿಸೈಕಲ್ ಆಗುತ್ತವೆ ಎಂಬ ಅರಿವು ಅಗತ್ಯ.

https://www.vijayavani.net/bank-manager-who-is-facing-money-misuse-complaint-is-absconding/

https://www.vijayavani.net/date-and-place-fixed-to-kannada-sahithya-sammelana/