ಇಂಡಿಗೋ ವಿಮಾನದ ಬಾತ್ರೂಮ್‌ಗೆ ಹೋಗಿ ಲಾಕ್ ಮಾಡಿಕೊಂಡ ಪ್ರಯಾಣಿಕ!; ಮುಂದೇನಾಯ್ತು?

ಹೈದರಾಬಾದ್: ಪ್ರಯಾಣದ ಮಧ್ಯೆ ಶೌಚಾಲಯಕ್ಕೆ ಬಂದರೆ ಏನು ಮಾಡುತ್ತೀರಿ ವಾಹನವನ್ನು ಒಂದು ಬದಿಗೆ ನಿಲ್ಲಿಸಿ ಕೆಲಸ ಮುಗಿಸುತ್ತೀರಿ. ಬಸ್ಸಿನಲ್ಲಿ ಅಥವಾ ಕಾರಿನಲ್ಲಿ ಪ್ರಯಾಣಿಸಿದರೆ ಹೀಗೆ ಮಾಡುತ್ತೇವೆ. ವಿಮಾನದಲ್ಲಿ ಶೌಚಾಲಯಕ್ಕೆ ಬಂದರೆ ಏನು ಮಾಡುತ್ತೇವೆ.  ಹೀಗೆ ವಿಮಾನ ಶೌಚಾಲಯಕ್ಕೆ ಸಂಬಂಧಿಸಿದ ಸುದ್ದಿಯೊಂದು ವೈರಲ್​​ ಆಗಿದೆ.

ವಿಮಾನದಲ್ಲಿ ಅಸಭ್ಯವಾಗಿ ವರ್ತಿಸಿದ ಹಾಗೂ ಬಾತ್ ರೂಮ್​​ ಒಳಗೆ ಬೀಗ ಹಾಕಿಕೊಂಡ ಆರೋಪದ ಮೇಲೆ ಮಾನಸಿಕ ಅಸ್ವಸ್ಥ ಪ್ರಯಾಣಿಕನೊಬ್ಬನನ್ನು ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮೊಹಮ್ಮದ್ ಕಮರ್ ರಿಯಾಜ್ ಎನ್ನುವ ಪ್ರಯಾಣಿಕರೊಬ್ಬರು ಹೈದರಾಬಾದ್‌ನಿಂದ ಪಾಟ್ನಾಗೆ ಇಂಡಿಗೋ ವಿಮಾನವನ್ನು ಹತ್ತುವಾಗ ಸಿಬ್ಬಂದಿ ಜತೆ ಅನುಚಿತವಾಗಿದ್ದ. ಜೊತೆಯಲ್ಲಿ ಅವನ ಸಹೋದರ ಇದ್ದನು. ಆದರೆ, ವಿಮಾನ ಟೇಕ್ ಆಫ್ ಆದ ಬಳಿಕ ವ್ಯಕ್ತಿ ಅನುಚಿತವಾಗಿ ವರ್ತಿಸಲು ಆರಂಭಿಸಿದ್ದಾನೆ. ಅವನು ಇತರರೊಂದಿಗೆ ಜಗಳವಾಡುತ್ತಿದ್ದನು ಮತ್ತು ಹುಚ್ಚನಂತೆ ವರ್ತಿಸುತ್ತಿದ್ದನು. ವಿಮಾನದ ಸಿಬ್ಬಂದಿ ಆತನನ್ನು ನಿಯಂತ್ರಿಸಲು ಯತ್ನಿಸಿದರೂ ನಿಯಂತ್ರಣಕ್ಕೆ ಬರಲಿಲ್ಲ. ಕೊನೆಗೆ ಆತ ಆನ್‌ಬೋರ್ಡ್ ಶೌಚಾಲಯಕ್ಕೆ ಹೋಗಿ ಬೀಗ ಹಾಕಿಕೊಂಡ. ಬಾಗಿಲು ತೆರೆಯಲೇ ಇಲ್ಲ. ಪಾಟ್ನಾದಲ್ಲಿ ವಿಮಾನ ಇಳಿದ ನಂತರ ವಿಮಾನ ನಿಲ್ದಾಣದ ಭದ್ರತಾ ಸಿಬ್ಬಂದಿಗೆ ವಿಷಯ ತಿಳಿಸಲಾಯಿತು.

ವಿಮಾನದ ಸಿಬ್ಬಂದಿಯ ದೂರಿನ ಮೇರೆಗೆ ಅಧಿಕಾರಿಗಳು ಪ್ರಕರಣ ದಾಖಲಿಸಿಕೊಂಡು ಆತನನ್ನು ಹಾಗೂ ಆತನ ಸಹೋದರನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.

ಪೀಟರ್‌ಗೆ ಮಾನಸಿಕ ಸಮಸ್ಯೆ ಇರುವುದು ಪತ್ತೆಯಾಯಿತು. ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪೊಲೀಸರು ಆತನ ಸ್ಥಿತಿಯನ್ನು ಗಮನಿಸುತ್ತಿದ್ದಾರೆ. ಅವನ ಆರೋಗ್ಯ ಸ್ಥಿತಿ ಕುರಿತು ವೈದ್ಯರಿಂದ ವಿಚಾರಣೆ ನಡೆಸಲಾಗುತ್ತಿದೆ. ಅವನು ನಿಜವಾಗಿಯೂ ಮಾನಸಿಕ ಸಮಸ್ಯೆಗಳಿಂದ ಬಳಲುತ್ತಿದ್ದರೆ ಆಗ ಬಿಡಲು ಸಾಧ್ಯ. ಇಲ್ಲದಿದ್ದರೆ ಕಾನೂನು ಪ್ರಕಾರ ಕ್ರಮ ಕೈಗೊಳ್ಳಲು ಪೊಲೀಸರು ಸಿದ್ಧರಿದ್ದಾರೆ.

ರಿಯಾಜ್ ವೃತ್ತಿಯಲ್ಲಿ ಮೆಕ್ಯಾನಿಕಲ್ ಇಂಜಿನಿಯರ್. ಅವರು ಬಿಹಾರದ ಪಶ್ಚಿಮ ಚಂಪಾರಣ್‌ನ ನಿವಾಸಿಯಾಗಿದ್ದು, ಅವರ ಹಿರಿಯ ಸಹೋದರ ಅಹಮದಾಬಾದ್‌ನಲ್ಲಿ ವಾಸಿಸುತ್ತಿದ್ದಾರೆ, ಅಲ್ಲಿಂದ ಅವರು ಚಿಕಿತ್ಸೆಗಾಗಿ ಪಾಟ್ನಾಗೆ ತನ್ನ ಸಹೋದರನೊಂದಿಗೆ ವಿಮಾನವನ್ನು ಹತ್ತಿದ್ದ ಎನ್ನಲಾಗಿದೆ.

https://www.vijayavani.net/tamil-nadu-man-sells-chicks-for-old-cell-phones