‘ತಾಯಿಯವರ ಅಕ್ರಮ ಬಂಧನ ಅಂತಿಮವಾಗಿ ಕೊನೆಗೊಂಡಿದೆ, ಈ ಕಠಿಣ ಸಮಯದಲ್ಲಿ ನನ್ನನ್ನು ಬೆಂಬಲಿಸಿದ ಎಲ್ಲರಿಗೂ ಧನ್ಯವಾದಗಳು’ ಎಂದು ಇಲ್ತಿಜಾ ಮುಫ್ತಿ ಟ್ವೀಟ್ ಮಾಡಿದ್ದಾರೆ. ತನ್ನ ತಾಯಿಯ ಬಿಡುಗಡೆ ಕೋರಿ ಇಲ್ತಿಜಾ ಸಲ್ಲಿಸಿದ್ದ ಅರ್ಜಿಯನ್ನು ಕಳೆದ ವಾರ ವಿಚಾರಣೆ ನಡೆಸಿದ್ದ ಸುಪ್ರೀಂಕೋರ್ಟ್, ಮೆಹಬೂಬಾರನ್ನು ಇನ್ನು ಎಷ್ಟು ಸಮಯದವರೆಗೆ ಬಂಧನದಲ್ಲಿಡುತ್ತೀರಿ ಎಂಬುದನ್ನು 2 ವಾರಗಳೊಳಗಾಗಿ ತಿಳಿಸುವಂತೆ ಆದೇಶಿಸಿತ್ತು. ಈ ಗಡುವು ಮುಗಿಯುವ ಹಂತದಲ್ಲಿರುವ ಬೆನ್ನಲ್ಲೇ ಮೆಹಬೂಬಾರನ್ನು ಬಿಡುಗಡೆ ಮಾಡಲಾಗಿದೆ. ಕಳೆದ ವರ್ಷ ಆಗಸ್ಟ್ 5ರಂದು ಜಮ್ಮು-ಕಾಶ್ಮೀರದ ವಿಶೇಷ ಸ್ಥಾನಮಾನ ರದ್ದತಿ ವೇಳೆ ಮೆಹಬೂಬಾ ಸೇರಿ ಕಾಶ್ಮೀರದ ಹಲವು ನಾಯಕರನ್ನು ಸಾರ್ವಜನಿಕ ಸುರಕ್ಷತಾ ಕಾಯ್ದೆ ಅಡಿಯಲ್ಲಿ ಬಂಧಿಸಲಾಗಿತ್ತು.
