ಶಿಲ್ಲಾಂಗ್: ಮೇಘಾಲಯ ಮುಖ್ಯಮಂತ್ರಿ ಕಾನ್ರಾಡ್ ಸಂಗ್ಮಾ, ಶೇರಿಂಗ್ ರೂಪದ ಶಾಲಾ ಬಸ್ ವ್ಯವಸ್ಥೆ, ಪ್ರಧಾನ ಪ್ರವಾಸೋದ್ಯಮ ವಾಹನಗಳು ಮತ್ತು ಕೃಷಿ ಪ್ರಕ್ರಿಯೆ ವಾಹನಗಳ ಯೋಜನೆಗೆ ಚಾಲನೆ ನೀಡಿದರು. ಮುಖ್ಯಮಂತ್ರಿಗಳು ಬುಧವಾರ ಶೇರಿಂಗ್ ಶಾಲಾ ಬಸ್ಗಳಿಗೆ ಚಾಲನೆ ನೀಡಿದ್ದು ಶಿಲ್ಲಾಂಗ್ನಲ್ಲಿ ಸಂಚಾರ ದಟ್ಟಣೆಯನ್ನು ಕಡಿಮೆ ಮಾಡಲು ಇದು ಸಹಾಯ ಮಾಡಲಿದೆ ಎಂದು ಹೇಳಿದರು. ಈ ಸಂದರ್ಭ ಹೊಸದಾಗಿ ಶುರುವಾಗಿರುವ ಶೇರಿಂಗ್ ಶಾಲಾ ಬಸ್ ವ್ಯವಸ್ಥೆಯನ್ನು ಅನುಭವಿಸಲು ಶಾಲಾ ಮಕ್ಕಳೊಂದಿಗೆ ಪ್ರಯಾಣ ಮಾಡಿದ್ದಾರೆ.
"ಶೇರಿಂಗ್ ಶಾಲಾ ಬಸ್ ವ್ಯವಸ್ಥೆಗೆ ಇಂದು ನಮ್ಮ ವಿದ್ಯಾರ್ಥಿಗಳೊಂದಿಗೆ ಬಸ್ ಸವಾರಿ ಮಾಡಿದ್ದು, ಈ ನಡೆ ಟ್ರಾಫಿಕ್ ದಟ್ಟಣೆಯನ್ನು ಕಡಿಮೆ ಮಾಡಲು ಮತ್ತು ಶಿಲ್ಲಾಂಗ್ ನಗರದಲ್ಲಿ ಖಾಸಗಿ ವಾಹನಗಳಿಂದ ಶಾಲಾ ಬಸ್ಗಳಿಗೆ ಶಾಲಾ ಪ್ರಯಾಣದಲ್ಲಿ ಮೋಡ್ ಶಿಫ್ಟ್ ಅನ್ನು ರಚಿಸಲಿದ್ದೇವೆ" ಎಂದು ಸಿಎಂ ಸಂಗ್ಮಾ ಟ್ವೀಟ್ ಮಾಡಿದ್ದಾರೆ.
