ತಬ್ಲಿಘಿ ಜಮಾತ್​ನ ಕೆಲವು ಸದಸ್ಯರ ದುರ್ವರ್ತನೆಗೆ ಬೇಸತ್ತು ಜಾಹೀರಾತು ನೀಡಿತ್ತು ಮೇರಠ್​ನ ಒಂದು ಹಾಸ್ಪಿಟಲ್!: ಮುಂದೇನಾಯಿತು?

ಮೇರಠ್​: ದೇಶಾದ್ಯಂತ ಕರೋನಾ ವೈರಸ್​ ಸೋಂಕು ಹರಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ ತಬ್ಲಿಘಿ ಜಮಾತ್​ನ ಕೆಲವು ಸದಸ್ಯರ ದುರ್ವರ್ತನೆ ಸಾರ್ವತ್ರಿಕವಾಗಿ ಟೀಕೆಗೆ ಒಳಗಾಗಿದೆ. ಇಂತಹ ವರ್ತನೆಯಿಂದ ಬೇಸತ್ತಿದ್ದ ಉತ್ತರ ಪ್ರದೇಶದ ಹಾಸ್ಪಿಟಲ್​ ಒಂದರ ಆಡಳಿತ ಮಂಡಳಿ ಶುಕ್ರವಾರ ಪತ್ರಿಕೆಗಳಲ್ಲಿ ಪ್ರಕಟಿಸಿದ್ದ ಜಾಹೀರಾತು ಕೂಡ ವ್ಯಾಪಕ ಟೀಕೆಗೆ ಒಳಗಾಯಿತು.

ವಾಲೆಂಟಿಸ್ ಕ್ಯಾನ್ಸರ್ ಹಾಸ್ಪಿಟಲ್ ಜಾಹೀರಾತು ನೀಡಿದ ಆಸ್ಪತ್ರೆ. ಶುಕ್ರವಾರ ಪ್ರಕಟಿಸಿದ ಜಾಹೀರಾತಿನಲ್ಲಿ ಸರ್ಕಾರದ ನಿರ್ದೇಶನ, ಮಾರ್ಗಸೂಚಿಗಳು ಮನವಿಯ ರೂಪದಲ್ಲಿತ್ತು. ಆದರೆ, ಅದರಲ್ಲಿ ತಬ್ಲಿಘಿ ಜಮಾತ್​ನ ಹೆಸರು ಉಲ್ಲೇಖವಾಗಿದ್ದು, ಮುಸ್ಲಿಮರಿಗೆ ಚಿಕಿತ್ಸೆ ಬೇಕು ಎಂದಾದರೆ ಕಡ್ಡಾಯವಾಗಿ ನಿಯಮಪಾಲನೆ ಮಾಡಬೇಕು ಎಂಬ ಅಂಶವೂ ಇತ್ತು. ಈ ಜಾಹೀರಾತು ಪ್ರಕಟವಾದ ಬೆನ್ನಲ್ಲೇ ವ್ಯಾಪಕ ಟೀಕೆಯನ್ನು ಆಸ್ಪತ್ರೆ ಎದುರಿಸಬೇಕಾಯಿತು.

ಈ ಸಂಬಂಧ ಪೊಲೀಸ್ ಕೇಸ್ ದಾಖಲಾಗಿದೆ. ಅಲ್ಲದೆ, ಮೇರಠ್​ನ ಮುಖ್ಯ ವೈದ್ಯಕೀಯ ಅಧಿಕಾರಿ ರಾಜ್ ಕುಮಾರ್ ಅವರು ಆಸ್ಪತ್ರೆಗೆ ನೋಟಿಸ್ ಕಳುಹಿಸಲಾಗುವುದು. ಈ ರೀತಿ ಮಾಡಬಾರದಾಗಿತ್ತು. ಅದು ನಿಜವಾಗಿಯೂ ತಪ್ಪು ಎಂದು ಹೇಳಿದ್ದಾರೆ. (ಏಜೆನ್ಸೀಸ್​)

https://www.vijayavani.net/no-vehicles-dead-hiv-patient-carried-on-cycle-to-hospital-in-telangana/