ಇದು ಎರಡು ಅಂಕಿಗಳ ಆಟ. ಆರಂಭದ ಸಂಖ್ಯೆಯನ್ನು ಓಪನ್, ಎರಡನೇ ಸಂಖ್ಯೆಯನ್ನು ಕ್ಲೋಸ್ ಎಂದು ಕರೆಯಲಾಗುತ್ತದೆ. ಹೀಗಾಗಿ ಇದನ್ನು ಓಸಿ ಎಂದು ಕರೆಯಲಾಗುತ್ತದೆ. ಗೆದ್ದರೆ ಒಂದು ರೂಪಾಯಿಗೆ ಎಂಬತ್ತು ರೂ. ನೀಡಲಾಗುತ್ತದೆ. ಆರಂಭದಲ್ಲಿ ನ್ಯೂಯಾರ್ಕ್ ಕಾಟನ್ ಮಾರ್ಕೆಟ್ನಲ್ಲಿ ಆರಂಭಿಕ ಹಾಗೂ ಅಂತ್ಯದ ದರ ಆಧರಿಸಿ ಬಹುಮಾನದ ಎರಡು ಅಂಕಿಗಳನ್ನು ಗುರುತಿಸಲಾಗುತ್ತಿತ್ತು. ಬಳಿಕ ಆಯಾ ಮಟ್ಕಾ ದಂಧೆಕೋರರು ತಮ್ಮದೇ ಅಂಕಿಗಳನ್ನು ನೀಡುತ್ತಾರೆ. ಗ್ರಾಹಕರಿಗೆ ಅವರು ಬಯಸುವ ಅಂಕಿಗಳನ್ನು ಬಿಳಿ ಹಾಳೆಯ ಚೀಟಿಗಳ ಮೇಲೆ ಬರೆದು ಹಣ ಕಟ್ಟಿಸಿಕೊಳ್ಳಲಾಗುತ್ತದೆ. ಗೆದ್ದರೆ, ಸ್ಥಳದಲ್ಲಿಯೇ ನಗದು ಹಣ ನೀಡಲಾಗುತ್ತದೆ. ಈ ಕಾರಣಕ್ಕೆ ಜನಪ್ರಿಯತೆ ಪಡೆದು, ಪಿಡುಗಾಗಿ ಪರಿಣಮಿಸಿತ್ತು. ಸಾವಿರಾರು ಜನರು ಮಟ್ಕಾದಿಂದಾಗಿ ಮನೆ, ಆಸ್ತಿ ಕಳೆದುಕೊಂಡಿದ್ದಾರೆ.
