'ವಾಲೆಂಟೈನ್ಸ್ ಡೇ'ಗೆ 'ಮಾತಾಪಿತ ಪೂಜೆ'ಯ ತಿರುಗೇಟು !

ಬೆಂಗಳೂರು: ಪಾಶ್ಚಿಮಾತ್ಯ ಸಂಸ್ಕೃತಿಯ ಅನುಕರಣೆಯಾದ ವಾಲೆಂಟೈನ್ಸ್ ಡೇ ಅಚರಣೆಯನ್ನು ಎದುರಿಸಲು ಫೆಬ್ರವರಿ 14 ರಂದು 'ಮಾತಾಪಿತ' ಪೂಜೆಯನ್ನು ಆಚರಿಸಲಾಗುವುದು ಎಂದು ಶ್ರೀ ರಾಮ ಸೇನೆ ಹೇಳಿದೆ. ವಾಲೆಂಟೈನ್ಸ್​ ಡೇ ಅಚರಣೆಯ ಹೆಸರಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಅಶ್ಲೀಲತೆ ನಡೆಯುವ ಸಾಧ್ಯತೆ ಇರುವೆಡೆ ಸಂಘಟನೆಯ ಕಾರ್ಯಕರ್ತರನ್ನು ನಿಯುಕ್ತಿಗೊಳಿಸಲಾಗುವುದು ಎಂದಿದೆ.

"ಪ್ರತಿವರ್ಷ ನಾವು ಮಾತಾ-ಪಿತಾ ಪೂಜೆಯನ್ನು ಆಯೋಜಿಸುತ್ತೇವೆ. ಈ ಬಾರಿಯೂ 50 ರಿಂದ 60 ಸ್ಥಳಗಳಲ್ಲಿ ಈ ಕಾರ್ಯಕ್ರಮವನ್ನು ಆಯೋಜಿಸಲಾಗುವುದು" ಎಂದು ಸಂಘಟನೆಯ ಅಧ್ಯಕ್ಷ ಪ್ರಮೋದ್ ಮುತಾಲಿಕ್ ಹೇಳಿದ್ದಾರೆ.

ಇದನ್ನೂ ಓದಿ: ‘ವ್ಯಾಲೆಂಟೈನ್ಸ್​ ಡೇ’ಗೆ ಮುಂಚೆ ಹೀಗೊಂದು ದಿನ…. ‘ಪ್ರಾಮಿಸ್ ಡೇ’ !

ಕರ್ನಾಟಕದ ವಿವಿಧ ಭಾಗಗಳಲ್ಲಿ ಸಂಘಟನೆಯ ಕಾರ್ಯಕರ್ತರು ಪಬ್, ಬಾರ್, ಮಾಲ್, ಐಸ್​ಕ್ರೀಂ ಪಾರ್ಲರ್, ಪಾರ್ಕ್​ನಂತಹ ಸ್ಥಳಗಳಲ್ಲಿ ಅಶ್ಲೀಲ ನಡವಳಿಕೆಗೆ ಅವಕಾಶ ಕೊಡದಂತೆ ಎಚ್ಚರ ವಹಿಸಲಿದ್ದಾರೆ. ಕಾರ್ಯಕರ್ತರು ಕಾನೂನನ್ನು ಕೈಗೆ ತೆಗೆದುಕೊಳ್ಳುವುದಿಲ್ಲ, ಬದಲಿಗೆ, ಈ ರೀತಿಯ ಘಟನೆಗಳನ್ನು ತಡೆಯಲು ಪೊಲೀಸರೊಂದಿಗೆ ಸಹಕರಿಸುತ್ತಾರೆ ಎಂದು ಮುತಾಲಿಕ್ ಹೇಳಿದ್ದಾರೆ.

“ಪಾಶ್ಚಿಮಾತ್ಯ ಸಂಸ್ಕೃತಿಯು ನಮ್ಮ ಯುವಜನರನ್ನು ಅದರೆಡೆಗೆ ಆಕರ್ಷಿಸಲು ಪ್ರಯತ್ನಿಸುತ್ತಿದೆ. ಇದು ನಮ್ಮ ಅಮೂಲ್ಯ ಪರಂಪರೆಯ ಮೇಲೆ ವಿಪರೀತವಾದ ಪರಿಣಾಮ ಉಂಟುಮಾಡುತ್ತಿದೆ. ಡ್ರಗ್ಸ್, ಸೆಕ್ಸ್, ಲವ್ ಜಿಹಾದ್​ನ ಸಮಸ್ಯೆಗಳು ಹೆಚ್ಚುತ್ತಿವೆ. ವಾಲೆಂಟೈನ್ಸ್ ಡೇ ಅದರ ಸ್ಪಷ್ಟ ಉದಾಹರಣೆಯಾಗಿದೆ” ಎಂದು ಶ್ರೀ ರಾಮ ಸೇನೆ ಪ್ರಕಟಣೆಯಲ್ಲಿ ತಿಳಿಸಿದೆ.(ಏಜೆನ್ಸೀಸ್)

https://www.vijayavani.net/chhattisgarh-promise-day-one-sided-love-story-sad-end/

https://www.vijayavani.net/accused-mans-name-tattoed-court-grants-bail/