ಪ್ರವಾಸೋದ್ಯಮ ಎಂದರೆ ಕೇವಲ ಹೋಟೆಲ್, ರೆಸಾರ್ಟ್, ಹೋಮ್ ಸ್ಟೇ, ಟೂರಿಸ್ಟ್ ವೆಹಿಕಲ್, ಗೈಡ್, ಮೊಬೈಲ್ ಆಪ್- ವೆಬ್ಸೈಟ್ ಸೇವೆ ನೀಡುವುದಷ್ಟೇ ಅಲ್ಲ. ಅದರಾಚೆಗೂ ಸಾಕಷ್ಟು ಇದೆ. ಹೆಚ್ಚು ಜನಬಳಕೆಯಿರದ ಸ್ಥಳಗಳನ್ನು ಗುರುತಿಸಿ ಟ್ರಿಪ್ಗಳನ್ನು ಆಯೋಜಿಸುವುದು, ಸರ್ಕ್ಯೂಟ್ಗಳ ಗುರುತು ಮಾಡಿ ಅಲ್ಲಿಗೆ ಪ್ರವಾಸಿಗರನ್ನು ಸೆಳೆಯುವುದು, ಸಾಮಾಜಿಕ ಜಾಲತಾಣದ ಸರಿಯಾದ ಬಳಕೆ, ಆಹಾರ-ಸಾಹಸ ಕೇಂದ್ರಿತ ಪ್ರವಾಸೋದ್ಯಮ, ಯೋಗ, ಆಯುರ್ವೆದ, ಕೃಷಿ ಚಟುವಟಿಕೆ ಇರುವ ಪ್ರವಾಸ ಕಾರ್ಯಕ್ರಮಗಳನ್ನು ಆಯೋಜಿಸಿ ಕಾರ್ಪೆರೇಟ್ ಜಗತ್ತನ್ನು ಸೆಳೆಯಬಹುದು. ಗ್ರಾಮೀಣ ದೇಸಿ ಆಟಗಳನ್ನು ಕೇಂದ್ರೀಕರಿಸಿ ಟೂರಿಸಂ ಹಬ್ ಮಾಡಬಹುದು. ಪ್ರವಾಸಿ ಬ್ಲಾಗಿಂಗ್ ಮೂಲಕ ಆದಾಯ ಗಳಿಸಬಹುದು. ಜತೆಗೆ ಸಾಮಾಜಿಕ ಜಾಲತಾಣ ಮುಖೇನ ಜನರನ್ನು ಆಕರ್ಷಿಸುವ ವ್ಯವಸ್ಥೆ ಮಾಡಬಹುದು. ಕೃಷಿ, ತೋಟಗಾರಿಕೆ, ಆಹಾರ, ಪರಿಸರ, ಕ್ರೀಡೆಯನ್ನು ಕೇಂದ್ರೀಕರಿಸಿ ಪ್ರವಾಸ ಚಟುವಟಿಕೆಗೆ ಹೊಸ ದೃಷ್ಟಿಕೋನ ನೀಡಬಹುದು. ಇದಕ್ಕೆ ಹೆಚ್ಚು ಹೂಡಿಕೆಯೂ ಬೇಕಾಗಿಲ್ಲ. ಪ್ರವಾಸೋದ್ಯಮಕ್ಕೆ ಪೂರಕವಾಗಿ ಪ್ರವಾಸಿ ಸ್ಥಳಗಳ ಸ್ಥಳೀಯ ಉತ್ಪನ್ನಗಳ ಮಾರುಕಟ್ಟೆಗೂ ಅವಕಾಶ ಇದೆ. ಇದನ್ನು ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳುವ ನಿಟ್ಟಿನಲ್ಲಿ ಯುವಜನರು ಯೋಚಿಸಬೇಕು. ಆಹಾರೋತ್ಪನ್ನ, ವಾಲ್ಯೂ ಆಡೆಡ್ ಪ್ರಾಡಕ್ಟ್ಗಳ ಮಾರ್ಕೆಟಿಂಗ್ಗೆ ಉತ್ತಮ ವಾತಾವರಣವಿದೆ. ಇದನ್ನು ಬೆಳೆಸುವ ನಿಟ್ಟಿನಲ್ಲಿ ಊರಿಗೊಂದು ಬ್ರ್ಯಾಂಡಿಂಗ್ ಕೂಡ ಮಾಡಿಕೊಳ್ಳಬಹುದಾಗಿದೆ.
