ಹಳೆಯ ಸಚಿವ ಸಂಪುಟವನ್ನೇ ಮುಂದುವರಿಸಿದರೆ ತಪ್ಪೇನು? ನಮ್ಮ ಕಾರ್ಯ ನೋಡಿಯೇ ದೆಹಲಿ ಜನ ನಮ್ಮನ್ನು ಗೆಲ್ಲಿಸಿರುವುದು

ನವದೆಹಲಿ: ದೆಹಲಿ ಮುಖ್ಯಮಂತ್ರಿಯಾಗಿ ಅರವಿಂದ ಕೇಜ್ರಿವಾಲ ಅವರು ಇನ್ನೇನು ಕೆಲ ಹೊತ್ತಲ್ಲೇ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ. ದೆಹಲಿಯ ರಾಮ್​ಲೀಲಾ ಮೈದಾನದಲ್ಲಿ ಕಾರ್ಯಕ್ರಮ ಆರಂಭವಾಗಿದೆ.

ಕಾರ್ಯಕ್ರಮಕ್ಕೆ ತೆರಳುವ ಮುನ್ನ ಮಾಧ್ಯಮಗಳೊಂದಿಗೆ ಮಾತನಾಡಿದ ಮನೀಷ್​ ಸಿಸೋಡಿಯ, ಈ ಹಿಂದಿನ ಸಚಿವ ಸಂಪುಟವನ್ನು ಮುಂದುವರಿಸುವ ಅರವಿಂದ ಕೇಜ್ರಿವಾಲ ಅವರ ತೀರ್ಮಾನದಲ್ಲಿ ತಪ್ಪೇನಿದೆ? ಹಿಂದಿನ ಸಂಪುಟದ ಕೆಲಸ ನೋಡಿಯೇ ಜನ ನಮ್ಮನ್ನು ಮತ್ತೆ ಆಯ್ಕೆ ಮಾಡಿದ್ದಾರೆ. ನಾವು ಜನರ ಭರವಸೆಯನ್ನು ಮತ್ತೊಮ್ಮೆ ಈಡೇರಿಸಲು ಬದ್ಧರಿದ್ದೇವೆ ಎಂದರು.

ರಾಮ್​ ಲೀಲಾ ಮೈದಾನದಲ್ಲಿ ಪ್ರಮಾಣ ವಚನ ಸ್ವೀಕಾರ ಕಾರ್ಯಕ್ರಮಕ್ಕೆ ಸಾರ್ವಜನಿಕರು ಆಗಮಿಸುತ್ತಿದ್ದಾರೆ. ಅದರಲ್ಲೊಬ್ಬ ವಿಶೇಷ ಉಡುಪು ತೊಟ್ಟು ಗಮನ ಸೆಳೆದಿದ್ದಾನೆ. ನವಿಲು ಗರಿಗಳ ತರಹ ಪುಕ್ಕಗಳನ್ನು ಅಂಟಿಸಿಕೊಂಡಿರುವ ಆತ, ಪ್ರತಿ ಗರಿಯಲ್ಲೂ ಕೇಜ್ರಿವಾಲ್​ ಅವರ ಫೋಟೋ ಹಾಕಿಕೊಂಡಿದ್ದಾನೆ. (ಏಜೆನ್ಸೀಸ್​)