ಯುವತಿಯ ಭೇಟಿಯಾಗಲು ಬಂದವನ ಬಟ್ಟೆ ಬಿಚ್ಚಿ ಥಳಿಸಿ, ತಲೆ ಬೋಳಿಸಿ, ಬೈಕ್​ಗೆ ಬೆಂಕಿ ಇಟ್ಟರು!

ಜೈಪುರ: ಯುವಕ-ಯುವತಿಯ ಸಂಬಂಧದ ವಿಚಾರಕ್ಕೆ ನಾನಾ ರೀತಿಯ ಗಲಾಟೆಗಳು ಆಗುತ್ತವೆ. ಅಂಥದ್ದೇ ಒಂದು ಗಲಾಟೆಯಲ್ಲಿ ಯುವಕನೊಬ್ಬನನ್ನು ಬೆತ್ತಲಾಗಿಸಿದ್ದಲ್ಲದೆ, ಆತನಿಗೆ ಥಳಿಸಿ, ತಲೆ ಬೋಳಿಸಿ, ಅವನ ಬೈಕ್​ಗೆ ಬೆಂಕಿ ಇಟ್ಟ ಪ್ರಕರಣ ನಡೆದಿದೆ.

ಮುಕ್ತಿಯಾರ್ ಖಾನ್ ಎಂಬ 25 ವರ್ಷದ ಯುವಕ, ಯುವತಿಯೊಬ್ಬಳನ್ನು ಭೇಟಿಯಾಗಲು ಬಂದು ಇಂಥದ್ದೊಂದು ಫಜೀತಿಗೆ ಒಳಗಾಗಿದ್ದಾನೆ. ಮಾತ್ರವಲ್ಲ, ಈ ಪ್ರಕರಣದ ದೃಶ್ಯಾವಳಿಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡಿವೆ. ಆತ ದೂರು ನೀಡದಿದ್ದರೂ ಪೊಲೀಸರು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ವಿಡಿಯೋ ಆಧಾರದ ಮೇಲೆ ಸ್ವಯಂಪ್ರೇರಿತ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ರಾಜಸ್ಥಾನದ ಜೈಸಲ್ಮೇರ್ ಜಿಲ್ಲೆಯ ಮೋಹನ್​ಘರ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಪ್ರಕರಣ ನಡೆದಿದೆ. ಇದು ಮೂರು ದಿನಗಳ ಹಿಂದೆ ನಡೆದಿದ್ದು ಎನ್ನಲಾಗಿದೆ. ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ಆರು ಮಂದಿಯ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಮುಕ್ತಿಯಾರ್ ಖಾನ್ ತನ್ನದೇ ಸಮುದಾಯಕ್ಕೆ ಸೇರಿದ ಯುವತಿಯೊಬ್ಬಳನ್ನು ಆಗಾಗ ಭೇಟಿಯಾಗುತ್ತಿದ್ದ. ಈ ವಿಷಯ ಗೊತ್ತಿದ್ದ ಕೆಲವರು ಕಾದು ಆತನನ್ನು ಹಿಡಿದು ಥಳಿಸಿ, ಬೆತ್ತಲಾಗಿಸಿ, ತಲೆ ಬೋಳಿಸಿ, ಅವನ ಬೈಕ್​ಗೆ ಬೆಂಕಿ ಹಚ್ಚಿದ್ದಾರೆ. ಆದರೆ ಇಷ್ಟಕ್ಕೆಲ್ಲ ಕಾರಣ ಏನು ಎಂಬುದು ಇನ್ನಷ್ಟೇ ಬಹಿರಂಗಗೊಳ್ಳಬೇಕಿದೆ.

https://www.vijayavani.net/upendra-gave-different-offer-to-fans-in-relation-to-his-birthday/

https://www.vijayavani.net/people-attempted-to-cremate-a-body-at-village-panchayath-premise/

https://www.vijayavani.net/couple-died-in-car-accident-sons-body-found-after-3-days/