ಸೊಸೆಯ ಡ್ಯಾನ್ಸ್​ಗೆ ಅಡ್ಡಿಪಡಿಸಿದ ಮಾವನ ದುರಂತ ಅಂತ್ಯ! DurgaPuja

DurgaPuja : ದಸರಾ ಹಬ್ಬದ ನಿಮಿತ್ತ ದುರ್ಗಾ ಪೂಜೆಯಲ್ಲಿ ಸೊಸೆಯ ನೃತ್ಯ ಪ್ರದರ್ಶನಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಮಾವನನ್ನು ಕುಟುಂಬ ಸದಸ್ಯರೇ ಹತ್ಯೆ ಮಾಡಿರುವ ಘಟನೆ ಮಧ್ಯಪ್ರದೇಶದಲ್ಲಿ ಮೌಗಂಜ್​ನಲ್ಲಿ ನಡೆದಿದೆ.

ಘಟನೆ ಏನು?

ರಾಮರತಿಯವರ ಸೊಸೆ ದುರ್ಗಾ ಪೂಜೆ ನಂತರ ಮಂಟಪದಲ್ಲಿ ನೃತ್ಯ ಮಾಡುವುದಾಗಿ ಯೋಜನೆ ಹಾಕಿದ್ದರು. ಆದರೆ ಆ ನೃತ್ಯಕ್ಕೆ ಇವರು ಆಕ್ಷೇಪ ವ್ಯಕ್ತಪಡಿಸಿದ್ದರು. ಈ ವಿಚಾರ ಕುಟುಂಬದಲ್ಲಿ ವಾದ ವಿವಾದಕ್ಕೆ ಕಾರಣವಾಗಿದ್ದು, ಮನೆಯ ಸದಸ್ಯರನ್ನು ಕೆರಳಿಸುವಂತೆ ಮಾಡಿದೆ ಎಂದು ಇಂಡಿಯಾ ಟುಡೆ ವರದಿ ಮಾಡಿದೆ.

ಇದನ್ನೂ ಓದಿ: ಸಾಮಾಜಿಕ, ಶೈಕ್ಷಣಿಕ ಸಮೀಕ್ಷೆ ಜಾಗೃತಿ: ಡಿ.ದೇವರಾಜ ಅರಸು ಹಿಂದುಳಿದ ವರ್ಗಗಳ ವೇದಿಕೆಯಿಂದ ಅಭಿಯಾನ

ಈ ವಿಚಾರವಾಗಿ ಕೋಪಗೊಂಡ ಮೊಮ್ಮಗ ಸೋನು ಆತನ ಮೇಲೆ ಸಲಿಕೆಯಿಂದ ದಾಳಿ ನಡೆಸಿದ್ದಾನೆ. ಇದಾದ ನಂತರ ಮಗ ವೇದಪ್ರಕಾಶ್​ ಹಾಗೂ ರಾಮರತಿ ಅವರ ಪತ್ನಿ ಮರದ ಕೋಲುಗಳಿಂದ ಹಲ್ಲೆ ನಡೆಸಿದ್ದಾರೆ. ಈ ಕುಟುಂಬಸ್ಥರ ಭೀಕರ ದಾಳಿಯಿಂದ ವೃದ್ಧ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: ಜಮೀನಿಗೆ ನೀರು ನುಗ್ಗಿ ಬೆಳೆ ನಷ್ಟ: ದೊಡ್ಡಗರುಡನಹಳ್ಳಿ ಗ್ರಾಮದಲ್ಲಿ ರೈತರ ಪ್ರತಿಭಟನೆ

ಇನ್ನು ಗಲಾಟೆಯನ್ನು ನೋಡಿದ ಸ್ಥಳೀಯರು ಪೊಲೀಸರಿಗೆ ಕರೆ ಮಾಡಿದ್ದಾರೆ. ಸ್ಥಳಕ್ಕೆ ಆಗಮಿಸಿದ ಮೌಗಂಜ್​ ಪೊಲೀಸರು ಮೂವರು ಆರೋಪಿಗಳನ್ನು ಬಂಧಿಸಿದ್ದು, ಅವರ ವಿರುದ್ಧ ಐಪಿಸಿ ಸೆಕ್ಸನ್​ 103(1) ಮತ್ತು 3(5) ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದೇವೆ ಎಂದು ಹಿರಿಯ ಪೊಲೀಸ್​ ಅಧಿಕಾರಿ ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/bengaluru-weather-report-imd-issues-yellow-alert-in-these-regions-of-karnataka