ನಾಯಿಬೆಲ್ಟ್​ನಿಂದ ನೇಣು ಬಿಗಿದುಕೊಂಡು ಪ್ರಾಣ ಕಳ್ಕೊಂಡ; ನಾಯಿಯೊಂದಿಗೆ ಏಕಾಂಗಿಯಾಗಿ ನೆಲೆಸಿದ್ದವನಿಂದ ಕೃತ್ಯ

ಬೆಂಗಳೂರು: ನಾಯಿಯೊಂದಿಗೆ ಏಕಾಂಗಿಯಾಗಿ ನೆಲೆಸಿದ್ದವ ನಾಯಿಬೆಲ್ಟ್​ನಿಂದ ನೇಣು ಬಿಗಿದುಕೊಂಡು ಪ್ರಾಣ ಕಳೆದುಕೊಂಡ ಪ್ರಕರಣ ನಡೆದಿದೆ. ರಾಜಧಾನಿ ಬೆಂಗಳೂರಿನಲ್ಲಿ ಇಂಥದ್ದೊಂದು ಘಟನೆ ನಡೆದಿದೆ.

ಆರ್ಯಮಾನ್ ಘೋಷ್ (22) ಆತ್ಮಹತ್ಯೆ ಮಾಡಿಕೊಂಡ ಯುವಕ. ಮೈಕೋ ಬಡಾವಣೆಯ ಸಾರ್ವಭೌಮನಗರದ ಮನೆಯೊಂದರಲ್ಲಿ ಬಾಡಿಗೆಗೆ ಇದ್ದ ಈತ, ತನ್ನ ಸಾಕುನಾಯಿಯೊಂದಿಗೆ ಏಕಾಂಗಿಯಾಗಿ ನೆಲೆಸಿದ್ದ. ನಿನ್ನೆ ಆ ನಾಯಿಬೆಲ್ಟ್​ನಿಂದ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಇದನ್ನೂ ಓದಿ: ವಾಣಿಜ್ಯ ತೆರಿಗೆ ಇಲಾಖೆಯಲ್ಲಿ ವರ್ಗಾವಣೆಗೆಂದೇ ಇದೆ ಸಿಂಡಿಕೇಟ್: ಎಚ್​ಡಿಕೆ ಗಂಭೀರ ಆರೋಪ

ಏಕಾಂಗಿಯಾಗಿ ಜೀವನ ಸಾಗಿಸುತ್ತಿದ್ದ ಈತ ಇತ್ತಿಚೆಗೆ ಖಿನ್ನತೆಯಿಂದ ಬಳಲುತ್ತಿದ್ದ ಎಂದು ಹೇಳಲಾಗಿದೆ. ನಿನ್ನೆ ಈತ ಆತ್ಮಹತ್ಯೆ ಮಾಡಿಕೊಂಡಿದ್ದು, ಪ್ರಕರಣ ಇಂದು ಬೆಳಕಿಗೆ ಬಂದಿದೆ. 'ನನ್ನ ಸಾವಿಗೆ ನಾನೇ ಕಾರಣ' ಎಂದು ಬರೆದಿರುವ ಡೆತ್​ನೋಟ್ ಕೂಡ ಸಿಕ್ಕಿದೆ. ಮೈಕೋ ಬಡಾವಣೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/bjp-leader-siddesh-yadav-died-by-heart-attack

https://www.vijayavani.net/sslc-girl-committed-suicide-due-to-torture-of-teachers-son