ತಿರುಚ್ಚಿ: ಕಾರೊಂದಲ್ಲಿ ವಿವಾಹಿತ ವ್ಯಕ್ತಿಯ ಕೊಳೆತ ಮೃತದೇಹ ಪತ್ತೆಯಾಗಿರುವ ಘಟನೆ ಕೇರಳದ ತಿರುಚ್ಚಿ ಬಳಿ ನಡೆದಿದೆ.
ಇದನ್ನೂ ಓದಿ: ಚಿಪ್ಸ್ ಪ್ಯಾಕೆಟ್ ಕದಿಯುವಾಗ ಸಿಕ್ಕಿಬಿದ್ದ ಬಾಲಕ: ಥಳಿಸಿ, ಮಾರ್ಕೆಟ್ನಲ್ಲಿ ಬೆತ್ತಲೆ ಮೆರವಣಿಗೆ ಮಾಡಿದ್ರು..
ಆದಲರಸು (38) ಎಂಬಾತನೇ ಮೃತ ವ್ಯಕ್ತಿಯಾಗಿದ್ದು, ತಿರುಚ್ಚಿ ಕೊನಕರೈ ಪ್ರದೇಶದ ರಸ್ತೆಯಲ್ಲಿ 4 ದಿನಗಳಿಂದ ಒಂದೇ ಸ್ಥಳದಲ್ಲಿ ಕಾರೊಂದು ನಿಂತಿತ್ತು. ಆ ಭಾಗದ ಜನರು ಅನುಮಾನಗೊಂಡು ಕಾರಿನೊಳಗೆ ನೋಡಿದಾಗ ಕಾರಿನೊಳಗೆ ವ್ಯಕ್ತಿಯೊಬ್ಬ ಮಲಗಿದ್ದು ಎ.ಸಿ. ಹಾಗೆಯೇ ಚಾಲೂ ಇದ್ದು, ಕಾರಿಂದ ದುರ್ವಾಸನೆ ಬರುತ್ತಿತ್ತು. ಕೊನೆಗೆ ಸ್ಥಳಿಯರು ಹೆದರಿ ಪೊಲೀಸರಿಗೆ ಮಾಹಿತಿ ನೀಡಿದಾಗ ಘಟನೆ ಬೆಳಕಿಗೆ ಬಂದಿದೆ.
ಮಾಹಿತಿ ಮೇರೆಗೆ ಸ್ಥಳಕ್ಕೆ ಧಾವಿಸಿದ ಉರೆಯೂರು ಪೊಲೀಸರು ಕಾರಿನ ಬಾಗಿಲು ಒಡೆದಿದ್ದು, ಆ ವೇಳೆ ಕಾರಿನೊಳಗಿದ್ದ ವ್ಯಕ್ತಿಯ ದೇಹ ಕೊಳೆತ ಸ್ಥಿತಿಯಲ್ಲಿತ್ತು. ಕಾರಿನ ನೋಂದಣಿ ಸಂಖ್ಯೆ ಆಧರಿಸಿ ತನಿಖೆ ನಡೆಸಿದಾಗ ಈತ ಕರೂರು ಜಿಲ್ಲೆಯ ಕುಳಿತ್ತಲೈ ಮುದಲೈಪಟ್ಟಿ ಸೀಡ್ ಫಾರ್ಮ್ ರಸ್ತೆಯ ಆದಲರಸು (38 ವರ್ಷ) ಎಂದು ತಿಳಿದು ಬಂದಿದ್ದು, ಆತ ಮಾರ್ಕೆಟಿಂಗ್ ಕೆಲಸ ಮಾಡುತ್ತಿದ್ದ ಎಂದು ತಿಳಿದು ಬಂದಿದೆ.
