ಇನ್ಸ್ಟಾಗ್ರಾಮ್ನಲ್ಲಿ ಈ ಕುರಿತು ವಿಡಿಯೋ ಹಂಚಿಕೊಂಡ ಸೋಹನ್ ರೈ, ಜೊಮ್ಯಾಟೋ ಡೆಲಿವರಿ ಬಾಯ್ಸ್ ಫುಡ್ ವಿತರಿಸಲು ಕಷ್ಟಪಡುವುದನ್ನು ನೋಡಿ ಡ್ರೋನ್ ತಯಾರಿಸಲು ಮುಂದಾಗಿರುವುದಾಗಿ ಹೇಳಿದ್ದಾರೆ. ಈ ವಿಡಿಯೋ ಡ್ರೋನ್ ತಯಾರಿಸುವ ಹಲವು ಹಂತಗಳನ್ನು ವಿವರಿಸುತ್ತದೆ. ರೈ ಅವರ ಕೌಶಲ ಮತ್ತು ಸೃಜನಶೀಲತೆಯನ್ನು ಅತ್ಯುತ್ತಮವಾಗಿ ಪ್ರದರ್ಶಿಸುತ್ತದೆ. ಸೋಹನ್ ರೈ ಅವರ ಈ ಪ್ರಯತ್ನವು ಇಂಟರ್ನೆಟ್ನಲ್ಲಿ ವೈರಲ್ ಆಗಿದೆ. ಆಹಾರ ವಿತರಿಸುವ ಈ ವಿಶಿಷ್ಟ ಡ್ರೋನ್ನ್ನು ಎಲ್ಲರೂ ಮೆಚ್ಚಿಕೊಂಡಿದ್ದಾರೆ. ವೈರಲ್ ಆಗಿರುವ ವಿಡಿಯೋ 8.8 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ. ನೆಟ್ಟಿಗರು ವಿಡಿಯೋ ನೋಡಿ ನಾನಾ ರೀತಿಯಲ್ಲಿ ಕಾಮೆಂಟ್ ಮಾಡಿದ್ದಾರೆ. "ಆರ್ಡರ್ ಮಾಡಿದ ವ್ಯಕ್ತಿ ಕ್ಯಾಶ್ ಆಂಡ್ ಡೆಲಿವರಿ ಚೂಸ್ ಮಾಡಿದ್ರೆ ಏನು ಮಾಡೋದು ಅಂದರೆ, ಮತ್ತೋರ್ವ, ಜೊಮ್ಯಾಟೋ ಡೆಲಿವರಿ ಬಾಯ್ಸ್ ತುಂಬಾ ಕಷ್ಟಪಟ್ಟು ಕೆಲಸ ಮಾಡ್ತಾರೆ. ಈ ಡ್ರೋನ್ನ ಮೂಲಕ ಅವರ ಕೆಲಸವನ್ನು ಕಿತ್ತುಕೊಳ್ಳುವುದು ಬೇಡ ಎಂದು ಇನ್ನೊಬ್ಬರು ಅನುಕಂಪ ವ್ಯಕ್ತಪಡಿಸಿದ್ದಾರೆ. ಒಟ್ಟಿನಲ್ಲಿ ಆಹಾರ ವಿತರಿಸುವ ಡ್ರೋನ್ ಇಂಟರ್ನೆಟ್ನಲ್ಲಿ ಸಖತ್ ಸುದ್ದಿ ಮಾಡ್ತಿರೋದಂತೂ ನಿಜ.
