ವಿದ್ಯುತ್​ ಬಿಲ್​ ಬಾಕಿ ಇದೆ ಎಂದು ಹೇಳಿದ್ದೇ ತಪ್ಪಾಯ್ತು! ಕಚೇರಿಗೆ ನುಗ್ಗಿ ಅಧಿಕಾರಿಗೆ ಹಿಗ್ಗಾಮುಗ್ಗಾ ಥಳಿತ

ವಂದೂರು: ನಿಮ್ಮ ಮನೆಯ ವಿದ್ಯುತ್ ಬಿಲ್ ಬಾಕಿ ಉಳಿದಿದೆ. ಅದನ್ನು ಆದಷ್ಟು ಬೇಗ ಪಾವತಿ ಮಾಡಿ ಎಂದು ದೂರವಾಣಿ ಕರೆ ಮೂಲಕ ಹೇಳಿದ ವಿದ್ಯುತ್​ ಇಲಾಖೆಯ ಅಧಿಕಾರಿ ಮಾತಿಗೆ ಕೆರಳಿದ ವ್ಯಕ್ತಿ, ಇದು ನನಗೆ ಸಿಟ್ಟು ತರಿಸುತ್ತಿದೆ ಎಂದು ಮನೆಯಲ್ಲಿದ್ದ ಹರಿತವಾದ ಮಚ್ಚನ್ನು ಕೈಗೆತ್ತಿಕೊಂಡು, ಅಧಿಕಾರಿಯಿದ್ದ ಕಚೇರಿಗೆ ನುಗ್ಗಿ ಆತನ ಮೇಲೆ ಹಲ್ಲೆಗೈದಿದ್ದಾನೆ. ಈ ಭಯಾನಕ ಘಟನೆ ಕೇರಳದ ವಂದೂರು ತಾಲೂಕಿನಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: HD Kumaraswamy Statement | ಸಿಎಂ ಒಂದು ರೀತಿಯ ಹೇಳಿಕೆ ಕೊಡ್ತಾರೆ, ಆಹಾರ ಸಚಿವ ಇನ್ನೊಂದು ರೀತಿ..!

ಕರೆ ಮಾಡಿ ಹೇಳಿದ ಅಧಿಕಾರಿಯನ್ನು ಗುರಿಯಾಗಿಸಿಕೊಂಡ ವ್ಯಕ್ತಿ, ವಂತೂರು ಕೆಎಸ್‌ಇಬಿ ಸೆಕ್ಷನ್ ಆಫೀಸ್‌ನ ಲೈನ್‌ಮ್ಯಾನ್ ವರ್ಗದಲ್ಲಿದ್ದ ಸಿ.ಸುನೀಲ್ ಬಾಬು (39) ಎಂಬುವವರನ್ನು ಹಿಗ್ಗಾಮುಗ್ಗಾ ಥಳಿಸಿದ್ದಾನೆ. ಈ ವೇಳೆ ಗಂಭೀರವಾಗಿ ಗಾಯಗೊಂಡ ಅಧಿಕಾರಿಯನ್ನು ವಂದೂರು ತಾಲೂಕು ಆಸ್ಪತ್ರೆಗೆ ದಾಖಲಿಸಿ, ಹೆಚ್ಚಿನ ಚಿಕಿತ್ಸೆ ಕೊಡಿಸಲಾಗಿದೆ. ಸಹಾಯಕ ಇಂಜಿನಿಯರ್ ದೂರಿನ ಮೇರೆಗೆ ಪಲ್ಲಿಕುನ್ ತಾಚುಪರಂಪನ್ನ ನಿವಾಸಿ ಝಕರಿಯಾ ಸಾದಿಕ್​ನನ್ನು (48) ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

"ಆರೋಪಿ ಜಕಾರಿಯಾ ಸಾದಿಕ್, ಕತ್ತಿ ಹಿಡಿದು ಸಿಟ್ಟಿನಿಂದ ಕೆಎಸ್‌ಇಬಿ ಕಚೇರಿ ಒಳಗೆ ನುಗ್ಗಿದ್ದಾನೆ. ಈ ವೇಳೆ ತಾನು ಯಾರನ್ನು ಹುಡುಕಿಕೊಂಡು ಕಚೇರಿಗೆ ಬಂದಿದ್ದನೋ, ಅದೇ ವ್ಯಕ್ತಿ ತಮ್ಮ ಕ್ಯಾಬಿನ್​ನಲ್ಲಿ ಕುಳಿತಿದ್ದನ್ನು ಕಂಡು, ಏಕಾಏಕಿ ಮಚ್ಚಿನಲ್ಲಿ ಕತ್ತರಿಸಲು ಹೋಗಿದ್ದಾನೆ. ಆದರೆ, ಅದೃಷ್ಟವಶಾತ್​ ಅಧಿಕಾರಿ ಆ ಏಟಿನಿಂದ ತಪ್ಪಿಸಿಕೊಂಡಿದ್ದಾನೆ. ತನ್ನನ್ನು ತಡೆಯಲು ಬಂದ ಉಳಿದ ಅಧಿಕಾರಿಗಳಿಗೆ ಬೆದರಿಕೆ ಹಾಕಿದ ಕಿರಾತಕ, ಸುನೀಲ ಬಾಬು ಕುತ್ತಿಗೆ ಹಾಗೂ ದೇಹದ ಕೆಲ ಭಾಗಕ್ಕೆ ಗಂಭೀರವಾಗಿ ಹಲ್ಲೆ ಮಾಡಿದ್ದಾನೆ" ಎಂದು ಪೊಲೀಸ್ ಅಧಿಕಾರಿಗಳು ಮಾಹಿತಿ ಹಂಚಿಕೊಂಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/1st-std-school-fee-shocks-netizens