ಅಖಿಲ್ ಆರತಕ್ಷತೆಯಲ್ಲಿ ಎಲ್ಲರ ಕಣ್ಣುಗಳು ಮಹೇಶ್ ಬಾಬು ಟಿ-ಶರ್ಟ್ ಮೇಲೆ! mahesh babu  ಟಿ-ಶರ್ಟ್ ಬೆಲೆ ಎಷ್ಟು ಗೊತ್ತಾ?

mahesh babu: ಅಕ್ಕಿನೇನಿ ಅಖಿಲ್  ಜೂನ್ 6 ರಂದು ಬೆಳಗಿನ ಜಾವ 3 ಗಂಟೆಗೆ ಅವರು ತಮ್ಮ ಗೆಳತಿ ನಟಿ ಜೈನಾಬ್ ರಾವ್ಜಿ ಅವರನ್ನು ವಿವಾಹವಾದರು. ಕುಟುಂಬ ಸದಸ್ಯರು ಮತ್ತು ಕೆಲವು ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ಅಖಿಲ್ ಅವರ ನಿವಾಸದಲ್ಲಿ ವಿವಾಹ ನಡೆಯಿತು ಮತ್ತು ಅದೇ ರಾತ್ರಿ ಅನ್ನಪೂರ್ಣ ಸ್ಟುಡಿಯೋದಲ್ಲಿ ಅದ್ಧೂರಿ ಆರತಕ್ಷತೆ ನಡೆಯಿತು. ಟಾಲಿವುಡ್ ತಾರೆಯರು ತಮ್ಮ ಕುಟುಂಬಗಳೊಂದಿಗೆ ಸಮಾರಂಭದಲ್ಲಿ ಭಾಗವಹಿಸಿದರು ಮತ್ತು ಸಮಾರಂಭದಲ್ಲಿ ಸಂಚಲನ ಮೂಡಿಸಿದರು.

ಅಖಿಲ್ ಅಕ್ಕಿನೇನಿ ಅವರ ವಿವಾಹ ಆರತಕ್ಷತೆಯಲ್ಲಿ ಮಹೇಶ್ ಬಾಬು ಧರಿಸಿದ್ದ ವರ್ಣರಂಜಿತ ಟಿ-ಶರ್ಟ್ ಈಗ ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆಯ ವಿಷಯವಾಗಿದೆ. ಅಭಿಮಾನಿಗಳು ಮತ್ತು ನೆಟಿಜನ್‌ಗಳು ದುಬಾರಿ ಟಿ-ಶರ್ಟ್ ಬಗ್ಗೆ ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ. ಆರತಕ್ಷತೆಯಲ್ಲಿ ಮಹೇಶ್ ಬಾಬು ಅವರ ಕುಟುಂಬವು ವಿಶೇಷ ಆಕರ್ಷಣೆಯಾಗಿತ್ತು.

ಮಹೇಶ್ ಅವರ ಪುತ್ರಿ ಸಿತಾರಾ ಗುಲಾಬಿ ಬಣ್ಣದ ಲೆಹೆಂಗಾದಲ್ಲಿ ಎಲ್ಲರ ಗಮನ ಸೆಳೆದರೆ, ಎಲ್ಲರ ಗಮನ ಮಹೇಶ್ ಬಾಬು ಧರಿಸಿದ್ದ ಟಿ-ಶರ್ಟ್ ಕಡೆಗೆ ಸೆಳೆಯಿತು. ಇದರ ಬೆಲೆ 1.51 ಲಕ್ಷ ರೂಪಾಯಿ. ಪೂರ್ತಿಯಾಗಿ ಹೇಳಬೇಕು ಎಂದರೆ 1,51,678 ರೂಪಾಯಿ.  ಇದು ವಿಶ್ವದ ದುಬಾರಿ ಬಟ್ಟೆ ಬ್ರ್ಯಾಂಡ್ ಆದ ‘ಹೆರ್ಮ್ಸ್’ ಕಂಪನಿಯ ಟಿ-ಶರ್ಟ್ ಇದಾಗಿದೆ ಆಗಿದೆ.

ಮಹೇಶ್ ಬಾಬು ಅವರ ಚಿತ್ರಗಳ ವಿಷಯಕ್ಕೆ ಬಂದರೆ, ಅವರು ಪ್ರಸ್ತುತ ನಿರ್ದೇಶಕ ರಾಜಮೌಳಿ ಅವರೊಂದಿಗೆ "SSMB 29" ಎಂಬ ಪ್ಯಾನ್-ಇಂಡಿಯಾ ಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ ನಾಯಕಿಯಾಗಿ ನಟಿಸುತ್ತಿದ್ದರೆ, ಪೃಥ್ವಿರಾಜ್ ಸುಕುಮಾರನ್ ಖಳನಾಯಕನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಆರ್ ಮಾಧವನ್ ಕೂಡ ಇದರಲ್ಲಿ ಭಾಗಿಯಾಗಲಿದ್ದಾರೆ ಎಂಬ ವರದಿಗಳಿವೆ.