Mufasa The Lion King | ವಿಶೇಷ ಅತಿಥಿಯೊಂದಿಗೆ ಸಿನಿಮಾ ವೀಕ್ಷಣೆಗೆ ಬಂದ ಪ್ರಿನ್ಸ್​​​ ಮಹೇಶಬಾಬು ಅಭಿಮಾನಿ

ಹೈದರಾಬಾದ್​​​: ಟಾಲಿವುಡ್​​​​ ಪ್ರಿನ್ಸ್​ ಮಹೇಶ್​ಬಾಬು ಸಿನಿಮಾ ಘೋಷಣೆಯಾದ್ರೆ ಸಾಕು ಅಂದಿನಿಂದಲೇ ಅಭಿಮಾನಿಗಳ ನಿರೀಕ್ಷೆ ಎಷ್ಟಿರುತ್ತದೆ ಎಂಬುದು ಹೇಳಲಾಗದು. ಇತ್ತೀಚೆಗೆ ಮಹೇಶ್ ಬಾಬು ಅವರ ಹೆಸರು 'ಮುಫಾಸಾ: ದಿ ಲಯನ್ ಕಿಂಗ್'(Mufasa The Lion King) ನೊಂದಿಗೆ ತಳುಕು ಹಾಕಿದಾಗಿನಿಂದ ಅವರ ಅಭಿಮಾನಿಗಳು ಅದರ ಬಿಡುಗಡೆಗಾಗಿ ಕಾತುರದಿಂದ ಕಾಯುತ್ತಿದ್ದರು. ಟ್ರೇಲರ್ ಬಿಡುಗಡೆಯಾದಾಗ ತೆಲುಗು ಆವೃತ್ತಿಯಲ್ಲಿ ಮುಫಾಸಾಗಾಗಿ ಮಹೇಶ್ ಬಾಬು ಅವರ ಧ್ವನಿಯನ್ನು ಕೇಳಿದ ನಂತರ ಅಭಿಮಾನಿಗಳ ಸಂತೋಷಕ್ಕೆ ಮಿತಿಐಎ ಇರಲಿಲ್ಲ.

ಇದನ್ನು ಓದಿ: ಆತನನ್ನು ನನ್ನ ಪತಿ ಎಂದು ಹೇಳಬೇಡಿ; ನಟಿ ಮಮತಾ ಕುಲಕರ್ಣಿ ಹೀಗೆಳಿದ್ದೇಕೆ.. | Mamta Kulkarni

ಮುಫಾಸಾ: ದಿ ಲಯನ್ ಕಿಂಗ್' ತೆಲುಗು ಆವೃತ್ತಿಯು ಡಿಸೆಂಬರ್​​ 20ರಂದು ಬಿಡುಗಡೆಯಾಗಿದೆ. ಸಿನಿಮಾ ನೋಡಲು ಕೆಲವು ಅಭಿಮಾನಿಗಳು ಕೇಕ್​ನೊಂದಿಗೆ ಬಂದರೆ ಮತ್ತೆ ಕೆಲವರು ಪೋಸ್ಟರ್‌ನೊಂದಿಗೆ ಥಿಯೇಟರ್‌ ತಲುಪಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ವೈರಲ್​ ಆಗುತ್ತಿದೆ.

ವೈರಲ್​​ ವಿಡಿಯೋದಲ್ಲಿ ಪ್ರಿನ್ಸ್​ ಮಹೇಶ್​ಬಾಬು ಅಭಿಮಾನಿಯೊಬ್ಬರು ಮುಫಾಸಾ: ದಿ ಲಯನ್ ಕಿಂಗ್' ನೋಡಲು ತಮ್ಮ ಬೆಕ್ಕಿನೊಂದಿಗೆ ಬಂದಿದ್ದಾರೆ. ಸಿನಿಮಾ ವೀಕ್ಷಣೆ ಬಳಿಕ ಚಿತ್ರದಲ್ಲಿ ರಫಿಕಿ ಪುಟ್ಟ ಸಿಂಬಾಳನ್ನು ಎತ್ತಿಕೊಳ್ಳುವ ರೀತಿಯಲ್ಲಿಯೇ ಅಭಿಮಾನಿ ಬೆಕ್ಕನ್ನು ಎತ್ತಿಕೊಂಡಿರುವುದನ್ನು ನೋಡಬಹುದು.

ಈ ಬೆಕ್ಕು ನೋಟದಲ್ಲಿ ಸಿಂಬಾವನ್ನು ಹೋಲುತ್ತದೆ ಎಂದು ವಿಡಿಯೋ ನೋಡಿದ ನೆಟ್ಟಿಗರು ಪ್ರತಿಕ್ರಿಯಿಸುತ್ತಿದ್ದಾರೆ. ಪುಟ್ಟ ಸಿಂಬಾಳನ್ನು ಎತ್ತಿಕೊಳ್ಳುವ ರೀತಿಯಲ್ಲಿಯೇ ಅಭಿಮಾನಿ ಬೆಕ್ಕನ್ನು ಎತ್ತಿಕೊಂಡಿದ್ದಾರೆ. ಆ ದೃಶ್ಯದ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.(ಏಜೆನ್ಸೀಸ್​​)

https://www.vijayavani.net/aishwarya-rai-and-abhishek-bachchan-with-actress-mother-arrives-at-aaradhya-school-for-annual-day