ಮಹಾರಾಷ್ಟ್ರ ಸ್ಥಳೀಯ ಸಂಸ್ಥೆ ಚುನಾವಣೆಗಳು 2026 ರ ಜನವರಿಯೊಳಗೆ ನಡೆಯಬೇಕು; ಸುಪ್ರೀಂ ಕೋರ್ಟ್|sc

ನವದೆಹಲಿ; ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳನ್ನು ಸಮಯಕ್ಕೆ ಸರಿಯಾಗಿ ನಡೆಸದ ಕಾರಣ ಮಹಾರಾಷ್ಟ್ರ ರಾಜ್ಯ ಚುನಾವಣಾ ಆಯೋಗವನ್ನು ಸುಪ್ರೀಂ ಕೋರ್ಟ್ ತರಾಟೆಗೆ ತೆಗೆದುಕೊಂಡಿದೆ. ಮಹಾರಾಷ್ಟ್ರದಲ್ಲಿ ಎಲ್ಲಾ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳನ್ನು ಆದಷ್ಟು ಬೇಗ ನಡೆಸುವಂತೆ ಸುಪ್ರೀಂ ಕೋರ್ಟ್ ಇಂದು (ಸೆ.16) ಆದೇಶ ಹೊರಡಿಸಿದೆ.

ಇದನ್ನೂ ಓದಿ: ಕೇವಲ 15ನೇ ವಯಸ್ಸಿನಲ್ಲಿ ಹೃದಯಸ್ತಂಭನಕ್ಕೆ ಬಲಿಯಾದ ಖ್ಯಾತ ಬಾಲ ಕಲಾವಿದ! Cardiac Arrest

ಎಲ್ಲಾ ಪಂಚಾಯತ್ ಸಮಿತಿಗಳು, ಜಿಲ್ಲಾ ಪರಿಷತ್‌ಗಳು ಮತ್ತು ಪುರಸಭೆಗಳಿಗೆ ಚುನಾವಣೆಗಳನ್ನು ನಿಗದಿತ ಅವಧಿಯೊಳಗೆ ಪೂರ್ಣಗೊಳಿಸಬೇಕು ಎಂದು ನ್ಯಾಯಮೂರ್ತಿಗಳಾದ ಸೂರ್ಯಕಾಂತ್ ಮತ್ತು ಜೋಯ್ಮಲ್ಯ ಬಾಗ್ಚಿ ಅವರ ಪೀಠ ಆದೇಶ ಹೊರಡಿಸಿದೆ. ಎಲ್ಲಾ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳನ್ನು ಜನವರಿ, 2026 ರೊಳಗೆ ನಡೆಸಲಾಗುವುದು. ಆಯೋಗಕ್ಕೆ ಯಾವುದೇ ವಿಸ್ತರಣೆಯನ್ನು ನೀಡುವುದಿಲ್ಲ. ಅವಶ್ಯಕತೆಯಿದ್ದರೆ ಎಸ್‌ಇಸಿ ಅಕ್ಟೋಬರ್ 31 ರೊಳಗೆ ನ್ಯಾಯಾಲಯವನ್ನು ಸಂಪರ್ಕಿಸಬೇಕು. ನಂತರ ಯಾವುದೇ ಮನವಿಯನ್ನು ಸ್ವೀಕರಿಸಲಾಗುವುದಿಲ್ಲ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

31, ಜನವರಿ 2026 ರ ಒಳಗೆ ಚುನಾವಣೆಗಳನ್ನು ಮುಗಿಸುವಂತೆ ದಿನಾಂಕ ನಿಗದಿಪಡಿಸಲಾಗಿದೆ. ರಾಜ್ಯ ಚುನಾವಣಾ ಆಯೋಗವು (ಎಸ್‌ಇಸಿ) ತ್ವರಿತ ಕ್ರಮ ಕೈಗೊಳ್ಳುವಲ್ಲಿ ವಿಫಲವಾಗಿದೆ ಎಂದು ಸುಪ್ರೀಂ ಕೋರ್ಟ್​ ಟೀಕಿಸಿದೆ. ಈ ವೇಳಾಪಟ್ಟಿಯನ್ನು ಇದೊಂದು ಬಾರಿ ರಿಯಾಯಿತಿ ಎಂದು ವಿಸ್ತರಿಸಿದ ನ್ಯಾಯಾಲಯ, ಇನ್ನು ಮುಂದೆ ಯಾವುದೇ ವಿಸ್ತರಣೆಯನ್ನು ನೀಡಲಾಗುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ.

ಇದನ್ನೂ ಓದಿ: 2047ರ ವೇಳೆಗೆ ಶ್ರೇಷ್ಠ ಭಾರತಕ್ಕಾಗಿ, ನಮಗೆ ಮಾದಕ ದ್ರವ್ಯ ಮುಕ್ತ ಯುವ ಪೀಳಿಗೆ ಬೇಕು: ಗೃಹ ಸಚಿವ ಅಮಿತ್ ಶಾ| Amit Shah

(ಏಜೆನ್ಸೀಸ್)

ಕ್ಷೇತ್ರ ಪುನರ್​ವಿಂಗಡಣೆ ಪ್ರಕ್ರಿಯೆಯನ್ನು ಅಕ್ಟೋಬರ್ 31 ರೊಳಗೆ ಮುಗಿಸಬೇಕು. ಮತ್ತು ಚುನಾವಣೆಗಳನ್ನು ಮುಂದೂಡಲು ಇದನ್ನು ಆಧಾರವಾಗಿ ಉಲ್ಲೇಖಿಸಲಾಗುವುದಿಲ್ಲ ಎಂದು ಎಚ್ಚರಿಕೆ ನೀಡಿದೆ. ಇವಿಎಂಗಳು ಲಭ್ಯವಿಲ್ಲದಿರುವುದು, ಮಂಡಳಿಯ ಪರೀಕ್ಷೆಗಳ ಸಮಯದಲ್ಲಿ ಶಾಲಾ ಆವರಣದ ಕೊರತೆ ಮತ್ತು ಸಿಬ್ಬಂದಿ ಕೊರತೆಯಂತಹ ಎಸ್‌ಇಸಿ ಉಲ್ಲೇಖಿಸಿದ ನಾನಾ ಕಾರಣಗಳನ್ನು ತಳ್ಳಿ ಹಾಕಲಾಗಿದೆ. ಈ ನೆಪಗಳು ಆಡಳಿತಾತ್ಮಕ ಸಡಿಲತೆಯನ್ನು ತೋರಿಸುತ್ತವೆ ಎಂದು ನ್ಯಾಯಾಲಯ ಒತ್ತಿಹೇಳಿದೆ. ಇನ್ನೂ ಸಿಬ್ಬಂದಿ ಸಮಸ್ಯೆಗಳನ್ನು ಪರಿಹರಿಸಲು ನ್ಯಾಯಾಲಯವು ಎಸ್‌ಇಸಿಗೆ ಅಗತ್ಯವಿರುವ ಸಿಬ್ಬಂದಿಗಳ ವಿವರಗಳನ್ನು ಎರಡು ವಾರಗಳಲ್ಲಿ ರಾಜ್ಯದ ಮುಖ್ಯ ಕಾರ್ಯದರ್ಶಿಗೆ ಸಲ್ಲಿಸುವಂತೆ ನಿರ್ದೇಶಿಸಿದೆ.

https://www.vijayavani.net/a-foreign-woman-says-that-love-and-coexistence-are-more-in-india-video-viral