ಪುಣೆ-ಐಸಿಸ್ ಮಾಡ್ಯೂಲ್ ಪ್ರಕರಣ: ಆರೋಪಿಗಳೆಲ್ಲರೂ ಅತಿ ಬುದ್ಧಿವಂತರು, ಹಣ ಸಂಪಾದಿಸುವವರು; ಎನ್‌ಐಎ ತನಿಖೆ ವೇಳೆ ಬಹಿರಂಗ

ಮುಂಬೈ: ದೇಶದಲ್ಲಿರುವ ಭಯೋತ್ಪಾದಕ ಸಂಘಟನೆ ಐಸಿಸ್ ಜಾಲವನ್ನು ಬೇರು ಸಮೇತ ಕಿತ್ತು ಹಾಕಲು ಸಿದ್ಧತೆ ನಡೆದಿದೆ. ಕ್ರಿಯಾ ಯೋಜನೆ ರೂಪಿಸಲಾಗಿದೆ. ಪೊಲೀಸರು ಮತ್ತು ಗುಪ್ತಚರ ಸಂಸ್ಥೆಗಳ ದಾಳಿಯಲ್ಲಿ ದೇಶ ದ್ರೋಹಿಗಳೂ ಪತ್ತೆಯಾಗುತ್ತಿದ್ದಾರೆ. ಈ ಸರಣಿಯಲ್ಲಿ ಪುಣೆ ಐಸಿಸ್ ಮಾಡ್ಯೂಲ್ ಪ್ರಕರಣದ ತನಿಖೆ ನಡೆಸುತ್ತಿರುವ ಎನ್ ಐಎಯ ಚಾರ್ಜ್ ಶೀಟ್ ನಲ್ಲಿ ಹಲವು ಮಹತ್ವದ ವಿಷಯಗಳು ಬೆಳಕಿಗೆ ಬಂದಿವೆ.  

ಇದೀಗ ಪುಣೆ-ಐಸಿಸ್ ಮಾಡ್ಯೂಲ್ ಪ್ರಕರಣದಲ್ಲಿ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ಚಾರ್ಜ್ ಶೀಟ್ ಸಲ್ಲಿಸಿದೆ. ಆರೋಪಿಗಳು ವಿನೆಗರ್ ಮತ್ತು ರೋಸ್ ವಾಟರ್ ನಂತಹ ಕೋಡ್ ವರ್ಡ್ ಗಳನ್ನು ಬಳಸುತ್ತಿದ್ದರು ಎಂದು ಎನ್ ಐಎ ಚಾರ್ಜ್ ಶೀಟ್ ನಲ್ಲಿ ಹೇಳಲಾಗಿದೆ. ಈ ಆರೋಪಿಗಳಿಗೆ ಐಇಡಿ ಬಾಂಬ್‌ಗಳನ್ನು ತಯಾರಿಸಲು ಮೊಹಮ್ಮದ್ ಎಂಬ ಹ್ಯಾಂಡ್ಲರ್ ತರಬೇತಿ ನೀಡುತ್ತಿದ್ದ. ಅಷ್ಟೇ ಅಲ್ಲ, ಪ್ರಕರಣದಲ್ಲಿ ಬಂಧಿತ ಏಳು ಜನರ ವಿರುದ್ಧ ಸಲ್ಲಿಸಲಾದ ಚಾರ್ಜ್ ಶೀಟ್‌ನಲ್ಲಿ, ಎಲ್ಲಾ ಆರೋಪಿಗಳು ತಾಂತ್ರಿಕವಾಗಿ ಸಮರ್ಥರು ಎಂದು ಎನ್‌ಐಎ ಹೇಳಿದೆ. ಅದರಲ್ಲೂ ಭಿವಂಡಿಯ 44 ವರ್ಷದ ಜುಲ್ಫಿಕರ್ ಅಲಿ ಬಹುರಾಷ್ಟ್ರೀಯ ಐಟಿ ಕಂಪನಿಯಲ್ಲಿ ಸೀನಿಯರ್ ಪ್ರಾಜೆಕ್ಟ್ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದು, ವಾರ್ಷಿಕ ಸುಮಾರು 31 ಲಕ್ಷ ರೂ. ಸಂಪಾದನೆಯಿದೆ ಎನ್ನಲಾಗಿದೆ.

ಪುಣೆಯ ಶಹನವಾಜ್ ಶೈಫುಝಾಮ (30) ಎಂಬ ವಾಂಟೆಡ್ ಆರೋಪಿಯೂ ಇದ್ದಾರೆ ಎಂದು ಎನ್‌ಐಎ ಚಾರ್ಜ್‌ಶೀಟ್ ಹೇಳಿದೆ. ಶೈಫುಝಾಮಾ ಗಣಿಗಾರಿಕೆ ಇಂಜಿನಿಯರ್ ಆಗಿದ್ದು, ಸ್ಫೋಟಕಗಳ ಬಗ್ಗೆ ತಾಂತ್ರಿಕ ಮಾಹಿತಿಯನ್ನು ಚೆನ್ನಾಗಿ ತಿಳಿದಿದ್ದಾರೆ. ಅಲ್ಲದೆ, ಕದೀರ್ ಪಠಾಣ್ (35 ವರ್ಷ) ಪುಣೆಯಲ್ಲಿ ಗ್ರಾಫಿಕ್ಸ್ ಡಿಸೈನರ್ ಆಗಿ ಕೆಲಸ ಮಾಡುತ್ತಿದ್ದಾನೆ. ಪುಣೆಯಲ್ಲಿ ತನ್ನ ನೈಜ ಗುರುತನ್ನು ಮರೆಮಾಚಲು ಇಮ್ರಾನ್ ಖಾನ್ (22) ಮತ್ತು ಯೂನುಸ್ ಸಾಕಿ (27)ಗೆ ಗ್ರಾಫಿಕ್ ಡಿಸೈನಿಂಗ್ ಕೌಶಲವನ್ನು ಕಲಿಸಿದ ಎಂದು ಆರೋಪಪಟ್ಟಿ ಹೇಳುತ್ತದೆ.

ಬಂಧಿತ ಆರೋಪಿಗಳಾದ ಕದೀರ್ ಪಠಾಣ್, ಇಮ್ರಾನ್ ಖಾನ್, ಸಾಕಿ ಖಾಜಿ (28), ಜುಲ್ಫಿಕರ್ ಅಲಿ (44), ಶಾಮಿಲ್ ನಾಚನ್ (32), ಅಕಿಫ್ ನಾಚನ್ (44), ಯೂನಸ್ ಸಾಕಿ ಮತ್ತು ನಾಲ್ವರು ಬೇಕಾಗಿರುವ ಶಂಕಿತ ಆರೋಪಿಗಳು ಚಟುವಟಿಕೆಗಳನ್ನು ಮುಂದುವರೆಸಿದ್ದಾರೆ ಎಂದು ತನಿಖೆಯಿಂದ ತಿಳಿದುಬಂದಿದೆ ಎಂದು ಆರೋಪಪಟ್ಟಿ ತಿಳಿಸಿದೆ.

ತಲೆಮರೆಸಿಕೊಂಡಿರುವ ಹ್ಯಾಂಡ್ಲರ್ ಮೊಹಮ್ಮದ್ ಅವರ ಸೂಚನೆಯ ಮೇರೆಗೆ, ಭಯೋತ್ಪಾದಕ ಚಟುವಟಿಕೆಗಳನ್ನು ನಡೆಸಲು ಮತ್ತು 'ನಾಸ್ತಿಕರು' (ಮುಸ್ಲಿಮೇತರರು) ಮುಸ್ಲಿಮರ ಮೇಲೆ ಆಪಾದಿತ ದೌರ್ಜನ್ಯಗಳಿಗೆ ಪ್ರತೀಕಾರ ತೀರಿಸಿಕೊಳ್ಳಲು ಬಯಸಿದ್ದರು.

ಭಯೋತ್ಪಾದಕ ಕೃತ್ಯದ ತಯಾರಿಕೆಯ ವಿವಿಧ ಹಂತಗಳಿಂದ ಇದು ಸ್ಪಷ್ಟವಾಗಿದೆ. ಆರೋಪಿಗಳು ಸ್ಫೋಟಕಗಳನ್ನು ತಯಾರಿಸಲು ಬಳಸುವ ರಾಸಾಯನಿಕಗಳಿಗೆ ಕೋಡ್ ಪದಗಳನ್ನು ಬಳಸುತ್ತಿದ್ದರು ಎಂದು ತನಿಖೆಯ ಸಮಯದಲ್ಲಿ ವಶಪಡಿಸಿಕೊಂಡ ಎಕ್ಸೆಲ್ ದಾಖಲೆಯಿಂದ ತಿಳಿದುಬಂದಿದೆ ಎಂದು ಎನ್ಐಎ ತಿಳಿಸಿದೆ. ಸಲ್ಫ್ಯೂರಿಕ್ ಆಮ್ಲಕ್ಕೆ ವಿನೆಗರ್, ಅಸಿಟೋನ್‌ಗೆ ರೋಸ್ ವಾಟರ್ ಮತ್ತು ಹೈಡ್ರೋಜನ್ ಪೆರಾಕ್ಸೈಡ್‌ಗೆ ಶೆರ್ಬಟ್‌ನಂತಹ ಕೋಡ್‌ವರ್ಡ್‌ಗಳನ್ನು ಬಳಸಲಾಗುತ್ತಿತ್ತು.

https://www.vijayavani.net/minister-krishna-byre-gowda-journey-from-kengeri-to-vidhana-soudha-by-namma-metro