Video| ನಿಮ್ಮ ಮನೆಯ ಆಚೆ BJP ಧ್ವಜ ನೋಡಿದರೆ ಒದೆ ಬೀಳೋದು ಗ್ಯಾರಂಟಿ; Congress ನಾಯಕನ ಹೇಳಿಕೆ ವೈರಲ್​

ಮುಂಬೈ: ನವೆಂಬರ್​ 20ರಂದು ವಿಧಾನಸಭೆಗೆ ಮತದಾನ ನಡೆಯಲಿರುವ ಮಹಾರಾಷ್ಟ್ರದಲ್ಲಿ ಈಗಾಗಲೇ ರಾಜಕೀಯ ಚಟುವಟಿಕೆಗಳು ಗರಿಗೆದರಿದ್ದು, ರಾಜಕೀಯ ಪಕ್ಷಗಳು ಬಿರುಸಿನ ಮತಬೇಟೆಯಲ್ಲಿ ತೊಡಗಿವೆ. ಇನ್ನೂ ಚುನಾವಣೆ ಸಮಯದಲ್ಲಿ ರಾಜಕೀಯ ಪಕ್ಷದ ನಾಯಕರು ವಿವಾದಾತ್ಮಕ ಹೇಳಿಕೆಗಳನ್ನು ನೀಡುವುದು ಸಹಜ. ಈ ರೀತಿಯ ಹೇಳಿಕೆಗಳು ಕೆಲವೊಮ್ಮ ರಾಷ್ಟ್ರ ರಾಜಕಾರಣದಲ್ಲೂ ಸದ್ದು ಮಾಡಿವೆ. ಅದೇ ರೀತಿ ಇದೀಗ ಕಾಂಗ್ರೆಸ್​ನ ಮಾಜಿ ಶಾಸಕರೊಬ್ಬರು ನೀಡಿರುವ ಹೇಳಿಕೆ ಸಖತ್​ ವೈರಲ್​ ಆಗುತ್ತಿದೆ.

ನಾಗ್ಪುರ ಜಿಲ್ಲೆಯ ಸಾವೊನೆರ್ ಕ್ಷೇತ್ರದ ಸಿಲೆವಾಡಿ ಗ್ರಾಮದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಕಾಂಗ್ರೆಸ್​ ಮಾಜಿ ಶಾಸಕ ಸುನೀಲ್​ ಕೇದಾರ್​ ಜನರಿಗೆ ಬೆದರಿಕೆ ಹಾಕುತ್ತಿರುವ ವಿಡಿಯೋ ಒಂದು ವೈರಲ್​ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ವ್ಯಕ್ತವಾಗುತ್ತಿದೆ.

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ, ಕಾಂಗ್ರೆಸ್​ನ ಮಾಜಿ ಶಾಸಕ ಸುನೀಲ್​ ಕಾರ್ಯಕ್ರಮ ಒಂದರಲ್ಲಿ ಮಾತನಾಡುವ ವೇಳೆ ಇನ್ಮುಂದೆ ಸಿಲೆವಾಡಿ ಗ್ರಾಮದ ಯಾವುದಾದರು ಮನೆಯ ಮೇಲೆ ಬಿಜೆಪಿ (BJP) ಧ್ವಜವನ್ನು ನೋಡಿದರೆ ಅಂತಹವರನ್ನು ಮನೆಯಿಂದ ಹೊರಗೆ ಎಳೆ ತಂದು ಹೊಡೆಯುತ್ತೇವೆ. ಹಾಗಾಗಬಾರದೆಂದರೆ ನಿಮ್ಮ ಮನೆಯ ಮೇಲೆ ಬಿಜೆಪಿ ಧ್ವಜಗಳನ್ನು ಹಾರಿಸಬೇಡಿ ಎಂದು ಹೇಳಿದ್ದಾರೆ.

ಈ ವಿಡಿಯೋ 2019ರಲ್ಲಿ ಚಿತ್ರೀಕರಿಸಲಾಗಿದ್ದು, ರಾಜ್ಯ ವಿಧಾನಸಭೆ ಚುನಾವಣೆ ಸಮಯದಲ್ಲಿ ವೈರಲ್​ ಆಗುತ್ತಿದೆ. ನಾಗ್ಪುರ ಜಿಲ್ಲಾ ಸಹಕಾರಿ ಬ್ಯಾಂಕ್‌ಗೆ ಸಂಬಂಧಿಸಿದ ಬಹುಕೋಟಿ ಹಗರಣಕ್ಕೆ ಸಂಬಂಧಿಸಿದಂತೆ ನ್ಯಾಯಾಲಯವು ಸುನೀಲ್​ ಕೇದಾರ್​ ಅವರಿಗೆ ಚುನಾವಣೆಯಲ್ಲಿ ಆರು ವರ್ಷಗಳ ಕಾಲ ಸ್ಫರ್ಧಿಸದಂತೆ 2023ರ ಡಿಸೆಂಬರ್​ನಲ್ಲಿ ಶಿಕ್ಷೆ ವಿಧಿಸಿತ್ತು. 

https://www.vijayavani.net/wife-alive-man-performs-her-shradh-to-marry-girlfriend

https://www.vijayavani.net/gone-are-the-days-ex-new-zealand-star-launches-scathing-criticism-of-team-india-batting