'ಅಮ್ಮಾ..ಬ್ರಹ್ಮಚಾರಿಣಿ ನಮ್ಮೆಲ್ಲರನ್ನೂ ಆಶೀರ್ವದಿಸು'-ಪ್ರಧಾನಿ ಮೋದಿಯವರಿಂದ ಪ್ರಾರ್ಥನೆ

ನವರಾತ್ರಿಯ ಪ್ರಾರಂಭ ದಿನವಾದ ನಿನ್ನೆ ಪ್ರಧಾನಿ ನರೇಂದ್ರ ಮೋದಿಯವರು ದೇಶದ ಜನರಿಗೆ ಹಬ್ಬದ ಶುಭಾಶಯ ಕೋರಿದ್ದರು. ಹಾಗೇ ಎರಡನೇ ದಿನವಾದ ಇಂದು ಬ್ರಹ್ಮಚಾರಿಣಿ ದೇವಿ ಪೂಜೆ ಹಿನ್ನೆಲೆಯಲ್ಲಿ ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ ವಿಡಿಯೋವೊಂದನ್ನು ಶೇರ್​ ಮಾಡಿದ್ದಾರೆ.

ಅಮ್ಮಾ ಬ್ರಹ್ಮಚಾರಿಣಿ..ನಾವು ನಿಮಗೆ ನಮಿಸುತ್ತಿದ್ದೇವೆ..ನಿನ್ನ ದಯೆ, ಸಹಾನುಭೂತಿಯೊಂದಿಗೆ ನಮ್ಮನ್ನು ಆಶೀರ್ವದಿಸು. ಈ ದೇಶಕ್ಕೆ ಸೇವೆ ಸಲ್ಲಿಸುವ, ಸಂತೋಷವನ್ನು ಪಸರಿಸುವ ಶಕ್ತಿಯನ್ನು, ಉತ್ಸಾಹವನ್ನು ನಾವು ನಿನ್ನಿಂದಲೇ ಪಡೆಯುತ್ತಿದ್ದೇವೆ ಎಂದು ಪ್ರಧಾನಿ ಟ್ವೀಟ್ ಮಾಡಿದ್ದಾರೆ.

ದುರ್ಗಾಮಾತೆಯ ಎರಡನೇ ಅವತಾರ ಈ ಬ್ರಹ್ಮಚಾರಿಣಿ ದೇವಿ ಎಂದು ಪುರಾಣದಲ್ಲಿ ಉಲ್ಲೇಖವಾಗಿದೆ. ದಕ್ಷಮಹಾರಾಜನ ಪುತ್ರಿ. ಬಲಗೈಯಲ್ಲಿ ಜಪಮಾಲೆ, ಎರಡಗೈಯಲ್ಲಿ ಕಮಂಡಲ ಹಿಡಿದ ದೇವಿ. ಶಿವನನ್ನು ಒಲಿಸಿಕೊಳ್ಳಲು ಮಾಡಿದ ಕಠಿಣ ತಪಸ್ಸಿನಿಂದ ಪಾರ್ವತಿಗೆ ಬ್ರಹ್ಮಚಾರಿಣಿ ಎಂಬ ಹೆಸರು ಬಂದಿದೆ ಎಂದು ಹೇಳಲಾಗುತ್ತದೆ.