ಚಂದ್ರಗ್ರಹಣ ಹಿನ್ನೆಲೆ ಸೆ.7 ರಂದು 12 ಗಂಟೆ ಕಾಲ ತಿರುಪತಿ ದೇವಸ್ಥಾನದ ಬಾಗಿಲು ಬಂದ್: ದರ್ಶನಕ್ಕಿಲ್ಲ ಅವಕಾಶ! Tirumala Temple

Published on:

29 Aug 2025, 5:53 am

Tirumala Temple : ಸೆಪ್ಟೆಂಬರ್ 7 ರಂದು ಚಂದ್ರ ಗ್ರಹಣ ಹಿನ್ನೆಲೆ ಭಾರತದ ಅತ್ಯಂತ ಪವಿತ್ರ ಹಿಂದು ಕ್ಷೇತ್ರಗಳಲ್ಲಿ ಒಂದಾದ ವಿಶ್ವ ಪ್ರಸಿದ್ಧ ತಿರುಮಲ ತಿರುಪತಿ ದೇವಸ್ಥಾನದ ಬಾಗಿಲು 12 ಗಂಟೆಗಳ ಕಾಲ ಮುಚ್ಚಲಾಗುತ್ತದೆ.

ಟಿಟಿಡಿ (ತಿರುಮಲ ತಿರುಪತಿ ದೇವಸ್ಥಾನಂ) ಪ್ರಕಾರ, ಚಂದ್ರ ಗ್ರಹಣವು ರಾತ್ರಿ 9:30 ರಿಂದ ಮಧ್ಯರಾತ್ರಿ 1.31 ರವರೆಗೆ ಇರಲಿದೆ. ಆದ್ದರಿಂದ, ಸೆಪ್ಟೆಂಬರ್ 7 ರಂದು ಮಧ್ಯಾಹ್ನ 3.50 ರಿಂದ ದೇವಾಲಯವನ್ನು ಮುಚ್ಚಲಾಗುತ್ತದೆ.

ಸೆಪ್ಟೆಂಬರ್ 8 ರಂದು ಬೆಳಗ್ಗೆ 3 ಗಂಟೆಗೆ ಮತ್ತೆ ತೆರೆಯಲಾಗುತ್ತದೆ. ಭಕ್ತರಿಗೆ ಬೆಳಗ್ಗೆ 6 ಗಂಟೆಯಿಂದ ದರ್ಶನಕ್ಕೆ ಅವಕಾಶ ನೀಡಲಾಗುತ್ತದೆ. ಇನ್ನು ಗ್ರಹಣದ ಅವಧಿಯಲ್ಲಿ ಉಂಜಲ್ ಸೇವೆ, ಅರ್ಜಿತ ಬ್ರಹ್ಮೋತ್ಸವ ಹಾಗೂ ಸಹಸ್ರ ದೀಪಾಲಂಕಾರ ಸೇವೆಗಳನ್ನು ರದ್ದುಗೊಳಿಸಲಾಗಿದೆ.

ಇದರೊಂದಿಗೆ ಅನ್ನಪ್ರಸಾದ ವಿತರಣೆ ಕೂಡ ಮಧ್ಯಾಹ್ನ 3 ಗಂಟೆಯಿಂದ ನಿಲ್ಲಿಸಲಾಗುತ್ತದೆ ಮತ್ತು ಸೆ.8ರಂದು ಬೆಳಗ್ಗೆ 8.30 ಕಕ್ಕೆ ಅನ್ನಪ್ರವಾದ ಮತ್ತೆ ಆರಂಭವಾಗುತ್ತದೆ. ಈ ಅವಧಿಯ ನಡುವೆ ಭಕ್ತರಿಗೆ ಸುಮಾರು 30,000 ಪುಳಿಯೋಗರೆ ಪ್ಯಾಕೆಟ್‌ಗಳನ್ನು ಒದಗಿಸಲಾಗುವುದು ಎಂದು ಟಿಟಿಡಿ ಮಾಹಿತಿ ನೀಡಿದೆ.

ಚಂದ್ರಗ್ರಹಣ

ಅಂದಹಾಗೆ, 2025 ರಲ್ಲಿ ಎರಡನೇ ಮತ್ತು ಕೊನೆಯ ಚಂದ್ರಗ್ರಹಣವು ಸೆಪ್ಟೆಂಬರ್ 7 ಮತ್ತು 8ರ ನಡುವೆ ಸಂಭವಿಸಲಿದೆ. ಇದು ಒಂದು ಪೂರ್ಣ ಚಂದ್ರಗ್ರಹಣ ಆಗಿದ್ದು, ಭಾರತ ಸೇರಿದಂತೆ ಏಷ್ಯಾ, ಯುರೋಪ್, ಆಫ್ರಿಕಾ, ಆಸ್ಟ್ರೇಲಿಯಾ ಮತ್ತು ಇತರ ಪ್ರದೇಶಗಳಲ್ಲಿ ಗೋಚರವಾಗಲಿದೆ. ಈ ಗ್ರಹಣವು ಭಾದ್ರಪದ ಶುಕ್ಲ ಪಕ್ಷದ ಪೂರ್ಣಿಮೆಯಂದು ಸಂಭವಿಸಲಿದೆ ಮತ್ತು ಚಂದ್ರನು "ರಕ್ತ ಚಂದ್ರ" ರೂಪದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ, ಏಕೆಂದರೆ ಭೂಮಿಯ ವಾತಾವರಣದಿಂದ ಕೆಂಪು ಬೆಳಕು ಚಂದ್ರನ ಮೇಲೆ ಬೀಳುತ್ತದೆ.

ಇದನ್ನೂ ಓದಿ: ನೀನು ಕಪ್ಪಗಿದ್ದೀಯ, ನನ್ನ ಮಗನಿಗೆ ಸರಿಯಾದ ಜೋಡಿಯಲ್ಲ… ಟೆಕ್ಕಿ ಸಾವು, ಸ್ಪೋಟಕ ಸಂಗತಿ ಬಯಲು! Dowry Death