ಜನರ ಅಭಿಪ್ರಾಯಗಳು ಬಂದ ನಂತರ, ಎಲ್ಪಿಜಿ ಪೋರ್ಟಬಿಲಿಟಿಗೆ ನಿಯಮಗಳನ್ನು ರೂಪಿಸಿ, ದೇಶದಾದ್ಯಂತ ಜಾರಿಗೆ ದಿನಾಂಕವನ್ನು ನಿಗದಿಪಡಿಸಲಾಗುವುದು ಎಂದು ಪಿಎನ್ಜಿಆರ್ಬಿ ತಿಳಿಸಿದೆ. 2013ರಲ್ಲಿ ಯುಪಿಎ ಸರ್ಕಾರ 13 ರಾಜ್ಯಗಳ 24 ಜಿಲ್ಲೆಗಳಲ್ಲಿ ಎಲ್ಪಿಜಿ ಪೋರ್ಟಬಿಲಿಟಿಯನ್ನು ಪೈಲಟ್ ಯೋಜನೆಯಾಗಿ ಪ್ರಾರಂಭಿಸಿತ್ತು. 2014ರ ಜನವರಿಯಲ್ಲಿ ಇದನ್ನು 480 ಜಿಲ್ಲೆಗಳಿಗೆ ವಿಸ್ತರಿಸಿತ್ತು. ಆದರೆ, ಗ್ರಾಹಕರಿಗೆ ಆಗ ಕೇವಲ ವಿತರಕರನ್ನು ಮಾತ್ರ ಬದಲಾಯಿಸಲು ಅವಕಾಶವಿತ್ತು, ತೈಲ ಕಂಪನಿಯನ್ನು ಬದಲಿಸಲು ಅವಕಾಶ ಇರಲಿಲ್ಲ. ಈಗ ಪಿಎನ್ಜಿಆರ್ಬಿ ಕಂಪನಿಗಳ ಪೋರ್ಟಬಿಲಿಟಿಗೆ ಅನುಮತಿ ನೀಡಲು ಮುಂದಾಗಿದೆ. ಭಾರತದಲ್ಲಿ 32 ಕೋಟಿಗೂ ಹೆಚ್ಚು ಎಲ್ಪಿಜಿ ಸಂಪರ್ಕಗಳಿವೆ. ವಾರ್ಷಿಕ 17 ಲಕ್ಷಕ್ಕೂ ಹೆಚ್ಚು ಗ್ರಾಹಕರ ದೂರುಗಳು ಬರುತ್ತಿವೆ.
