ಇದಾಗಿ ಕೆಲವೇ ತಿಂಗಳಲ್ಲಿ ರಾಜಮಂಡ್ರಿ ಬಳಿಯ ಕೊರುಕೊಂಡ ಮಂಡಲದ ಮುಳಗಾಡು ಗ್ರಾಮದ ಕಲ್ಲ ವೆಂಕಟರಮಣ ಎಂಬ ವ್ಯಕ್ತಿಗೆ ತಮ್ಮ ಮಗಳನ್ನು ಕೊಟ್ಟು ಮದುವೆ ಮಾಡಿದ ಕುಟುಂಬಸ್ಥರು, ಮಗಳ ನೆಮ್ಮದಿಯ ಜೀವನಕ್ಕೆ ಶುಭಹಾರೈಸಿದ್ದರು. ಈ ವಿಷಯ ತಿಳಿದ ಪವನ್, ಪ್ರೇಯಸಿಯ ನಿವಾಸ ಬಳಿ ಹೋಗಿ, ಆಗಾಗ್ಗೆ ಆಕೆಯ ಮನೆಯ ಸುತ್ತಮುತ್ತಲಿನ ಪ್ರದೇಶದಲ್ಲಿ ಸಂಚರಿಸಿದ್ದ. ಸಮಯ ನೋಡಿಕೊಂಡು ಮೇ.10ರ ಮಧ್ಯರಾತ್ರಿ, ವೆಂಕಟರಮಣ ಮೇಲೆ ಏಕಾಏಕಿ ದಾಳಿ ನಡೆಸಿದ ಪವನ್, ಸ್ನೇಹಿತರಾದ ಗುಪ್ಪಳ ಶಿವರಾಮಕೃಷ್ಣ (20), ರಾಜಮಹೇಂದ್ರವರಂ ಅನಿಲ್ (19), ನಂಬಿಗರಿ ಸಾಯಿಕುಮಾರ್ (20) ಮತ್ತು ಮತ್ತೊಬ್ಬನ ಸಹಾಯದಿಂದ ವೆಂಕಟರಮಣನ ಹೃದಯಕ್ಕೆ ಚಾಕುವಿನಿಂದ ಇರಿದು, ಕೊಲೆಗೈದಿದ್ದ.
