ಅದೊಂದು ಫೋನ್​ ಕಾಲ್​ 29 ಸಾವಿರ ರೂಪಾಯಿ ಕಳೆದುಹೋಗುವಂತೆ ಮಾಡಿತು...!

ಬೆಂಗಳೂರು: ಲಾಟರಿ ಗೆದ್ದಿರುವುದಾಗಿ ಖಾಸಗಿ ಕಂಪನಿ ಉದ್ಯೋಗಿಗೆ ಅಂತರ್ಜಾಲದ ಮೂಲಕ ಕರೆ ಮಾಡಿ ತಿಳಿಸಿದ ಸೈಬರ್ ಕಳ್ಳರು ಮುಂಗಡ ಹಣ ಪಾವತಿಸಬೇಕಾಗಿ ನಂಬಿಸಿ 29 ಸಾವಿರ ರೂ. ಲಪಟಾಯಿಸಿದ್ದಾರೆ. ಶಾಮಣ್ಣನಗರದ ನಿವಾಸಿ ಸೈಯ್ಯದ್ ವಾಸೀಂ (24) ಹಣ ಕಳೆದುಕೊಂಡವರು.

ಏ.16ರಂದು ಸೈಯ್ಯದ್ ವಾಟ್ಸ್​ಆಪ್ ನಂಬರ್​ಗೆ ಕರೆ ಬಂದಿತ್ತು. ನೀವು ಕೆಬಿಸಿ ಲಾಟರಿ ಗೆದ್ದಿರುವಿರಿ. ಲಾಟರಿ ಹಣ ಪಡೆಯಲು ಮುಂಗಡ ಪಾವತಿಸಬೇಕು ಎಂದು ಹೇಳಿದ್ದರು. ಇದನ್ನು ನಂಬಿದ ವಾಸೀಂ, ಅಪರಿಚಿತರು ಸೂಚಿಸಿದ ಖಾತೆಗೆ ಹಂತಹಂತವಾಗಿ 29 ಸಾವಿರ ರೂ. ಜಮೆ ಮಾಡಿದ್ದರು. ಆದರೆ, ಇದಾದ ಬಳಿಕ ಅಪರಿಚಿತರು ವಾಸೀಂ ಸಂಪರ್ಕಕ್ಕೆ ಸಿಕ್ಕಿಲ್ಲ.

ಖಾತೆಯಿಂದ ಹಣ ಕಡಿತ: ಫ್ರೇಜರ್​ಟೌನ್ ನಿವಾಸಿ ಕಿರಣ್​ಕುಮಾರ್ (39) ಮುತ್ತೂಟ್ ಫೈನಾನ್ಸ್​ನಲ್ಲಿ

ಚಿನ್ನ ಒತ್ತೆಯಿಟ್ಟು ಸಾಲ ಪಡೆದಿದ್ದರು. ಏ.20ರಂದು ಕಚೇರಿಗೆ ಹೋಗಿ ಸಾಲ ತೀರಿಸುವುದಾಗಿ ಹೇಳಿದ್ದರು. ಆನ್​ಲೈನ್ ಮೂಲಕ ಅರ್ಧ ಹಣ ಪಾವತಿಸಿದ್ದರು. ಉಳಿದ ಹಣಕ್ಕಾಗಿ ಬ್ಯಾಂಕ್​ಗೆ ಹೋಗಿ 50 ಸಾವಿರ ರೂ. ಡ್ರಾ ಮಾಡಿದ್ದರು. ಇದಾದ ಕೆಲ ಕ್ಷಣದಲ್ಲೇ ಕಿರಣ್ ಖಾತೆಯಿಂದ 69,777 ರೂ. ಕಡಿತವಾಗಿದೆ.

https://www.vijayavani.net/padarayanapura-clash-ramanagara-coronavirus/