ಸ್ವಯಂ ಕ್ವಾರಂಟೈನ್ನಲ್ಲಿದ್ದ ಅವರು ಅವಧಿ ಮುಗಿಸಿ ಹೊರಬಂದು ಗುರುವಾರ ವಿಧಾನ ಸೌಧ ಸಮ್ಮೇಳನ ಸಭಾಂಗಣದಲ್ಲಿ ಸುದ್ದಿಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿ, ನಿಯಂತ್ರಣ ಕ್ರಮಗಳ ನಡುವೆಯೂ ಜನರಿಗೆ ಅನುಕೂಲವಾಗಲೆಂದು ಕೃಷಿ, ಕೈಗಾರಿಕೆ, ಐಟಿ-ಬಿಟಿ ಸೇರಿ ಕೆಲವು ಕ್ಷೇತ್ರಗಳಿಗೆ ಸಡಿಲಿಕೆ ನೀಡಲಾಗಿದೆ. ಇದರರ್ಥ ಮಾರಕ ಪಿಡುಗಿನ ಭಯ-ಭೀತಿ ಕಡಿಮೆಯಾಗಿದೆ ಎಂದಲ್ಲ. ಮೊದಲ ಎರಡು ಹಂತದ ಲಾಕ ಡೌನ್ ಕ್ರಮಗಳನ್ನು ಸರ್ಕಾರ ನಿರ್ವಹಿಸಿದರೆ, 3ನೇ ಹಂತದ ನಿರ್ವಹಣೆಯ ಹೊಣೆಗಾರಿಕೆ ಜನರ ಹೆಗಲೇರಿದೆ. ಅಂದರೆ, ಕಡ್ಡಾಯವಾಗಿ ಮಾಸ್ಕ್ ಧರಿಸುವುದು, ದೈಹಿಕ ಅಂತರ ಪಾಲನೆ, ಶುಚಿತ್ವ ಸೇರಿ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವುದು ಈ ಹೊಣೆಗಾರಿಕೆಯ ಭಾಗವಾಗಿದೆ ಎಂದು ಬೊಮ್ಮಾಯಿ ಸ್ಪಷ್ಟಪಡಿಸಿದರು.
