ಲಿವ್​-ಇನ್​ ಸಂಬಂಧ ತಂದಿಟ್ಟ ಕುತ್ತು! ಒಂದೇ ಮನೆಯಲ್ಲಿ ಪ್ರಿಯಕರ ನೇಣಿಗೆ ಶರಣು, ಪ್ರೇಯಸಿಯ ಮುಂಗೈ ಕಟ್​ | live-in

live-in: ಬಾಡಿಗೆ ಮನೆಯಲ್ಲಿ ವಾಸವಿದ್ದ ಲಿವ್​-ಇನ್​ ಜೋಡಿಯ ವಿಪರೀತ ಜಗಳ ಇದೀಗ ದುರಂತ ಅಂತ್ಯದಲ್ಲಿ ಕೊನೆಗೊಂಡಿದೆ. ಜೋಡಿಯ ಪೈಕಿ ವ್ಯಕ್ತಿ ಪ್ರತ್ಯೇಕ ಕೋಣೆಯಲ್ಲಿ ನೇಣಿಗೆ ಶರಣಾದರೆ, ಮಹಿಳೆ ತನ್ನ ಮುಂಗೈಯನ್ನು ತಾನೇ ಕತ್ತರಿಸಿಕೊಂಡ ಘಟನೆ ಅಸ್ಸಾಂ ರಾಜಧಾನಿ ಗುವಾಹಟಿಯಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: ಸುಳ್ಯದಲ್ಲಿ ಸ್ವರ್ಣಂ ಜುವೆಲ್ಸ್ ಶುಭಾರಂಭ : ಚಿನ್ನಾಭರಣಗಳ ವೈವಿಧ್ಯಮಯ ಆಯ್ಕೆಗಾಗಿ ಸುಳ್ಯಕ್ಕೊಂದು ಮಳಿಗೆ

ಬಾಡಿಗೆ ಮನೆಯಲ್ಲಿಯೇ ವಾಸವಿದ್ದ ದಂಪತಿಗಳ ನಡುವೆ ಯಾವುದೂ ಸರಿಯಿರಲಿಲ್ಲ ಎನ್ನಲಾಗಿದೆ. ಕಳೆದ ಒಂದು ವರ್ಷದಿಂದ ಇಬ್ಬರ ನಡುವೆ ಆಗಾಗ್ಗೆ ಜಟಾಪಟಿ ನಡೆಯುತ್ತಿತ್ತು. ಇದೇ ರೀತಿ ಜೋಡಿಗಳ ಮಧ್ಯೆ ದೊಡ್ಡ ಜಗಳ ನಡೆದಿದ್ದು, ಆತ ರೂಮ್​ನಲ್ಲಿ ನೇಣಿಗೆ ಶರಣಾಗಿದ್ದಾನೆ. ವ್ಯಕ್ತಿಯ ಗೆಳತಿ ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ.

ಇಬ್ಬರು ಕಳೆದ ಒಂದು ವರ್ಷದಿಂದ ಲಿವ್-ಇನ್ ಸಂಬಂಧದಲ್ಲಿ ಜೀವನ ನಡೆಸುತ್ತಿದ್ದರು. ಆದರೆ, ಅವರಿಬ್ಬರ ನಡುವೆ ಪದೇ ಪದೇ ಜಗಳ ನಡೆಯುತ್ತಿತ್ತು. ಇದೇ ರೀತಿ ಬುಧವಾರ ತಡರಾತ್ರಿ ಕೂಡ ಜಟಾಪಟಿ ನಡೆದಿದೆ. ಮಹಿಳೆ ಪೊಲೀಸ್​ ಸಹಾಯವಾಣಿಗೆ ಕರೆ ಮಾಡಿದ ಕೂಡಲೇ ನಾವು ಸ್ಥಳಕ್ಕೆ ಬಂದೆವು. ಮೃತನನ್ನು ನವಜ್ಯೋತಿ ತಾಲೂಕ್ದಾರ್ ಎಂದು ಗುರುತಿಸಲಾಗಿದೆ. ಈ ವ್ಯಕ್ತಿ ಬೆಡ್​ರೂಮ್​ನಲ್ಲಿ ನೇಣಿಗೆ ಶರಣಾಗಿದ್ದ. ಆತನ ಸಂಗಾತಿ ಸುಷ್ಮಿತಾ ದಾಸ್ ಮುಂಗೈಯನ್ನು ಕತ್ತರಿಸಿಕೊಂಡಿದ್ದಳು. ಕೂಡಲೇ ಹೆಚ್ಚಿನ ಚಿಕಿತ್ಸೆಗಾಗಿ ಆಕೆಯನ್ನು ಹಯಾತ್ ಆಸ್ಪತ್ರೆಗೆ ದಾಖಲಿಸಿಲಾಯಿತು ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಇದನ್ನೂ ಓದಿ: ಕೋರ್ಟ್ ಆದೇಶ ಉಲ್ಲಂಸಿ ಲಾಭ ಪಡೆಯುವವರು ಕ್ಷಮೆಗೆ ಅರ್ಹರಲ್ಲ : ಹೈಕೋರ್ಟ್ ಅಭಿಮತ

ಸುಷ್ಮಿತಾಳನ್ನು ಪ್ರತ್ಯೇಕ ರೂಮ್​ನಲ್ಲಿ ಕೂಡಿ ಹಾಕಿದ ನವಜ್ಯೋತಿ, ನಂತರ ಇನ್ನೊಂದು ಕೋಣೆಯಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಈ ವೇಳೆ ತಾನು ಕೂಡ ಸಾಯುವ ನಿರ್ಧಾರಕ್ಕೆ ಮುಂದಾದ ಸುಷ್ಮಿತಾ, ತನ್ನ ಮುಂಗೈ ಕತ್ತರಿಸಿಕೊಂಡಿದ್ದಾಳೆ. ಪ್ರಾಣ ಬಿಡುವ ಕೊನೆ ಗಳಿಗೆಯಲ್ಲಿ ಪೊಲೀಸರಿಗೆ ಮಾಹಿತಿ ನೀಡುವಲ್ಲಿ ಆಕೆ ಯಶಸ್ವಿಯಾಗಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/jsk-film-controversy-gets-an-end