Lightning: ಮಳೆಯೊಂದಿಗೆ ಬಡಿದ ಸಿಡಿಲು ನೋಡಿದ್ರೆ ನಡುಗುತ್ತೀರಿ.. ಇಷ್ಟಕ್ಕೂ ಇದು ನಡೆದಿದ್ದಾದರೂ ಎಲ್ಲಿ ಗೊತ್ತಾ?

ಚೆನ್ನೈ: ಚಂಡಮಾರುತದಿಂದಾಗಿ ತಮಿಳುನಾಡಿನಲ್ಲಿ ಭಾರಿ ಮಳೆಯಾಗುತ್ತಿದ್ದು, ಇದರ ಪರಿಣಾಮ ಕರ್ನಾಟಕದ ಮೇಲೂ ಬಿದ್ದಿದೆ. ಆದರೆ ರಾಜಧಾನಿ ಚೆನ್ನೈನಲ್ಲಿ ಪರಿಸ್ಥಿತಿ ಹದಗೆಟ್ಟಿದೆ. ಚೆನ್ನೈನಲ್ಲಿ ಮಳೆಯೊಂದಿಗೆ ಗುಡುಗು, ಮಿಂಚು(Lightning) ಆರ್ಭಟ ಹೆಚ್ಚಾಗಿದ್ದು, ಭೂಮಿಯಿಂದ ಆಕಾಶದೆತ್ತರಕ್ಕೆ ಕಂಡುಬಂದ ಸಿಡಿಲು ಭಯ ಹುಟ್ಟಿಸುತ್ತದೆ.

ಇದನ್ನೂ ಓದಿ: Canada allegations: ಭಾರತ ಸಹಕರಿಸಬೇಕು: ಟ್ರುಡೊಗೆ ಅನುಕೂಲಕರವಾಗಿ ಅಮೆರಿಕಾ ಧ್ವನಿ

ಚೆನ್ನೈನಲ್ಲಿ ಕಂಡು ಬಂದ ಮಿಂಚಿನ ದೃಶ್ಯವನ್ನು ಕೆಲವರು ತಮ್ಮ ಮೊಬೈಲ್​ ಫೋನ್‌ಗಳಲ್ಲಿ ಸೆರೆಹಿಡಿದಿದ್ದಾರೆ. ಆ ವೀಡಿಯೋ ಹಲವರ ಎದೆ ನಡುಗಿಸುವಂತಿದೆ.

ವೀಡಿಯೋವನ್ನು ಟ್ವಿಟರ್‌ನಲ್ಲಿ common_man_IN ಅವರು ಹಂಚಿಕೊಂಡಿದ್ದಾರೆ. ವೈರಲ್ ಆಗಿರುವ ವಿಡಿಯೋ ಪ್ರಕಾರ, ಗುಡುಗು ಮಿಂಚಿನಿಂದ ಕೂಡಿದ ಆಕಾಶವು ಭೂಮಿಯಿಂದ ಆಕಾಶದೆತ್ತರಕ್ಕೆ ಬೆಂಕಿಯ ಜ್ವಾಲೆಗಳು ಚಾಚಿದಂತೆ ಬಾಸವಾಗುತ್ತಿದೆ. ಇನ್ನೊಂದೆಡೆ ಭಯವೂ ಉಂಟು ಮಾಡುತ್ತಿದೆ. ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು, ವೈರಲ್ ಆಗಿದೆ.

ಈ ವೈರಲ್ ವೀಡಿಯೋವನ್ನು ಲಕ್ಷಾಂತರ ಮಂದಿ ಈ ವಿಡಿಯೋವನ್ನು ವೀಕ್ಷಿಸಿದ್ದಾರೆ ಮತ್ತು ಲೈಕ್ ಮಾಡಿದ್ದಾರೆ. ಈ ವಿಡಿಯೋಗೆ ನೆಟಿಜನ್‌ಗಳು ತಮ್ಮ ಪ್ರತಿಕ್ರಿಯೆಗಳನ್ನು ವ್ಯಕ್ತಪಡಿಸಿದ್ದಾರೆ. ``ತುಂಬಾ ಚೆನ್ನಾಗಿ ಸೆರೆಹಿಡಿಯಲಾಗಿದೆ'', ``ಇದು ನಿಜವೇ? ಎಐ ವೀಡಿಯೋ ಇರಬಹುದೇ'', `ಪ್ರಕೃತಿ ಎಷ್ಟು ಸುಂದರವೋ ಅಷ್ಟೇ ಭಯಾನಕವಾಗಿದೆ'', ``ಈ ವೀಡಿಯೋ ನೋಡಿದಾಗ ನನಗೆ ಭಯ ಮತ್ತು ಆನಂದ ಒಂದೇ ಬಾರಿ ಆಗುತ್ತಿದೆ'', `ಆ ದೃಶ್ಯಗಳನ್ನು ಲೈವ್ ಆಗಿ ನೋಡುವವರಿಗೆ ಎಷ್ಟು ಭಯವಾಗಿರಬೇಡ'' ಎಂದು ನೆಟಿಜನ್‌ಗಳು ಕಾಮೆಂಟ್ ಮಾಡಿದ್ದಾರೆ.

https://www.vijayavani.net/china-stock-market-big-fall