ಅಂಕಿತವಾಗಿರುತ್ತದೆ. ನಾವು ಎಲ್ಲಿ ಹೋದರೂ, ಯಾವುದೇ ದೇಶಕ್ಕೆ ಹೋದರೂ, ಯಾವುದೇ ಭಾಷೆಯನ್ನು ಮಾತನಾಡುತ್ತಿದ್ದರೂ, ಲೆಕ್ಕ ಮಾಡಬೇಕಿದ್ದರೆ, ಎಣಿಸಬೇಕಿದ್ದರೆ, ಕನ್ನಡದಲ್ಲೇ ಎಣಿಸುತ್ತೇವೆ. ಆಗ ಸಂಖ್ಯೆಗಳೆಲ್ಲವೂ ಕನ್ನಡದಲ್ಲೇ ಬರುತ್ತವೆ. ಆಂಗ್ಲದಲ್ಲಿ ಬರುವುದಿಲ್ಲ, ಒಂದು, ಎರಡು, ಮೂರು ಹೀಗೆೆ. ಆದ್ದರಿಂದ ನಮ್ಮ ಮಾತೃಭಾಷೆ ನಮ್ಮ ಅಂತರಾಳದಲ್ಲಿ ಒಂದು ರೀತಿಯಲ್ಲಿ ಅಚ್ಚಾಗಿ ಉಳಿಯುತ್ತದೆ. ಮಕ್ಕಳು ಮಾತೃಭಾಷೆಯಲ್ಲಿ ಕಲಿಯುವುದರಿಂದ ಹೆಚ್ಚು ಚುರುಕಾಗುತ್ತಾರೆ. ಕನ್ನಡ ಮಾಧ್ಯಮದ ಶಾಲೆಯಲ್ಲಿಯೇ ನಾವು ಓದಿದ್ದು. ಕನ್ನಡ ಭಾಷೆಯಲ್ಲಿ ಶಾಲೆಯನ್ನು ಮುಗಿಸಿದವರು ಜೀವನದಲ್ಲಿ ಮೇಲೆ ಬರುವುದಿಲ್ಲ ಎಂಬ ಅಭಿಪ್ರಾಯ ನಮ್ಮಲ್ಲಿದೆ. ಆದರೆ ಅದು ತಪ್ಪು. ನಮ್ಮ ಕನ್ನಡ ಭಾಷೆ, ಸಮೃದ್ಧವಾದದ್ದು. ಅದರಲ್ಲಿ ಬಹಳ ಸತ್ವವಿದೆ. ಶಬ್ದಗಳು ಮತ್ತು ಅದರ ಅರ್ಥ ಬಹಳ ಹೊಂದಿಕೊಂಡಿವೆ. ಆದ್ದರಿಂದ, ನಾಡು, ನುಡಿ, ನೆಲ, ಜಲವನ್ನು ಸಂರಕ್ಷಿಸುವುದು ನಮ್ಮೆಲ್ಲರ ಕರ್ತವ್ಯ. ನಾವು ಕನ್ನಡದವರು ಉದಾರಿಗಳು, ವಿಶಾಲ ಮನೋಭಾವನೆ ಹೊಂದಿರುವವರು. ಇತರ ಭಾಷೆಗಳೆಲ್ಲವನ್ನೂ ಬೇಗನೆ ಕಲಿತು ಬಿಡುತ್ತೇವೆ. ಆದರೆ ನಮ್ಮ ಭಾಷೆಯನ್ನು ನೆರೆಹೊರೆಯವರಿಗೆ ಕಲಿಸುವ ಗೋಜಿಗೇ ಹೋಗುವುದಿಲ್ಲ. ಕಲಿಸಬೇಕು.
