ತರಗತಿಗಳಿಗೆ ಉಪನ್ಯಾಸಕರ ಚೆಕ್ಕರ್: 100 ವೈದ್ಯಕೀಯ ಕಾಲೇಜುಗಳಿಗೆ ನೋಟಿಸ್

ಬೆಂಗಳೂರು ಶೇ.75 ಹಾಜರಾತಿ ಕಾಪಾಡಿಕೊಳ್ಳದ ಉಪನ್ಯಾಸಕರಿರುವ ಬೆಂಗಳೂರಿನ ಹಲವು ವೈದ್ಯಕೀಯ ಕಾಲೇಜುಗಳು ಸೇರಿ ದೇಶದ 100ಕ್ಕೂ ಹೆಚ್ಚಿನ ವೈದ್ಯಕೀಯ ಕಾಲೇಜುಗಳಿಗೆ ರಾಷ್ಟ್ರೀಯ ವೈದ್ಯಕೀಯ ಆಯೋಗವು (ಎನ್‌ಎಂಸಿ) ನೋಟಿಸ್ ಜಾರಿಗೊಳಿಸಿದೆ.

ಇಲ್ಲಿಯವರೆಗೂ ವಿದ್ಯಾರ್ಥಿಗಳಿಗೆ ಮಾತ್ರವಿದ್ದ ಶೇ.75 ಹಾಜರಾತಿ ನಿಯಮವು ಈಗ ಉಪನ್ಯಾಸಕರಿಗೂ ಅನ್ವಯವಾಗುತ್ತಿದೆ. ಉಪನ್ಯಾಸಕರು ಕೂಡ ತರಗತಿಗಳಿಗೆ ಚೆಕ್ಕರ್ ಹಾಕುವಂತಿಲ್ಲ. ಉಪನ್ಯಾಸಕರಿಗೆ ಆಧಾರ್ ಸಹಿತ ಬಯೋಮೆಟ್ರಿಕ್ ವ್ಯವಸ್ಥೆಯನ್ನು ಜಾರಿಗೊಳಿಸಿದೆ.

ನೋಟಿಸ್ ನೀಡರುವ ಸಂಸ್ಥೆಗಳಿಗೆ 15 ದಿನಗಳ ಕಾಲಾವಕಾಶ ನೀಡಲಾಗಿದ್ದು, ಅಷ್ಟರೊಳಗೆ ಕಾರಣ ನೀಡುವಂತೆ ಸೂಚನೆ ನೀಡಿದೆ. ಒಂದು ವೇಳೆ ಕಾರಣ ತಿಳಿಸದಿದ್ದರೆ ದಂಡ ರೂಪದ ಕ್ರಮ ಕೈಗೊಳ್ಳಲಾಗುತ್ತದೆ ಎಂಬ ಎಚ್ಚರಿಕೆ ನೀಡಿದೆ.

ಮೂಲಗಳ ಪ್ರಕಾರ ಹಲವು ಕಾಲೇಜುಗಳ ಕಾಯಂ ಉಪನ್ಯಾಸಕರು ಮತ್ತು ಅತಿಥಿ ಉಪನ್ಯಾಸಕರು ಹಾಜರಾಗಿ ಕೊರತೆ ಎದುರಿಸುತ್ತಿದ್ದಾರೆ. ಆದರೆ, ಎನ್‌ಎಂಸಿ ಪ್ರಕಾರ ಅತಿಥಿ ಉಪನ್ಯಾಸಕರನ್ನು ಕಾಯಂಗೊಳಿಸಲು ಸಾಧ್ಯವಿಲ್ಲ. ಇವರ ಮೇಲೆ ಕ್ರಮ ಕೈಗೊಳ್ಳಲು ಹೇಗೆ ಸಾಧ್ಯವೆಂದು ಪ್ರಶ್ನಿಸಿದ್ದಾರೆ. ಎನ್‌ಎಂಸಿ ಆದೇಶವನ್ನು ಹಿರಿಯ ವೈದ್ಯರು ಮತ್ತು ಸರ್ಕಾರಿ ಕಾಲೇಜಿನ ವೈದ್ಯರ ಮೇಲೆ ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು ತಿಳಿಸಿದ್ದಾರೆ.

ಕಾಲೇಜಿನ ವೆಬ್‌ಸೈಟ್‌ಗಳಲ್ಲಿ ಲಭ್ಯವಾಗುವ ಮಾಹಿತಿಗಳನ್ನು ಎನ್‌ಎಂಸಿಗೆ ಲಿಂಕ್ ಮಾಡಲಾಗಿದೆ. ಉಪನ್ಯಾಸಕರ ಮುಖಚರ್ಯೆ ಹಾಜರಾತಿ (ೇಸ್ ರೆಕಗೈಜೇಷನ್) ಯನ್ನು ಕಾಲೇಜುಗಳ ವೆಬ್‌ಸೈಟ್‌ನಲ್ಲಿ ಅಪ್‌ಲೋಡ್ ಮಾಡಲಾಗುತ್ತಿದೆ. ಈ ಆಧಾರದಲ್ಲಿ ಎನ್‌ಎಂಸಿ ಕ್ರಮಕ್ಕೆ ಮುಂದಾಗಿದೆ ಎಂದು ರಾಜೀವಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯ (ಆರ್‌ಜಿಯುಎಚ್‌ಎಸ್) ಮೂಲಗಳು ತಿಳಿಸಿವೆ.