ನಿಮಗೆ ಗೊತ್ತಿರುವಂತೆ ಭೂಮಿ ಪೂರ್ತಿ ವೃತ್ತಾಕಾರದಲ್ಲಿಲ್ಲ, ಮೇಲ್ಭಾಗದಲ್ಲಿ ಸ್ವಲ್ಪ ಚಪ್ಪಟೆಯಾಗಿದೆ. ಈ ಭೂಮಿ ಸುತ್ತುವಾಗ ಇಂತಹ ಭೌಗೋಳಿಕ ಅಚ್ಚರಿಗಳು ನಡೆಯುತ್ತವೆ. ಉಟ್ಕಿಯಾವಿಕ್ಗಾಗಿ ಪ್ರತಿ ವರ್ಷ ಪೋಲಾರ್ ನೈಟ್ ಮತ್ತು ಪೋಲಾರ್ ಡೇ ಉಂಟಾಗುತ್ತದೆ. ಪೋಲಾರ್ ನೈಟ್ ಸಮಯದಲ್ಲಿ ಇಲ್ಲಿ ಎರಡು ತಿಂಗಳ ಕಾಲ ಸೂರ್ಯೋದಯವಾಗುವುದೇ ಇಲ್ಲ. ಪೋಲಾರ್ ಡೇ ಸಮಯದಲ್ಲಿ ಎರಡು ತಿಂಗಳು ಸೂರ್ಯಾಸ್ತಮಾನವೇ ಆಗುವುದಿಲ್ಲ. ನಿನ್ನೆ ರಾತ್ರಿಯಿಂದ ಬರೋಬ್ಬರಿ ಎರಡು ತಿಂಗಳಿಗೂ ಹೆಚ್ಚು ಕಾಲ ನಗರ ಸಂಪೂರ್ಣವಾಗಿ ಕತ್ತಲೆಯಲ್ಲಿರಲಿದೆ. ಪ್ರತಿ ದಿನ ಕೆಲ ಗಂಟೆಗಳ ಕಾಲ ಸ್ವಲ್ಪ ಬೆಳಕು ಕಾಣಿಸುತ್ತದೆಯಾದರೂ ಸೂರ್ಯ ಮಾತ್ರ ಕಾಣಿಸಿಕೊಳ್ಳುವುದಿಲ್ಲ.
