ಆ ದಿನ ವಿಶಾಲ್ ಡೆಂಗ್ಯೂನಿಂದ ಬಳಲುತ್ತಿದ್ದನು..ಅದಕ್ಕೇ ನಡುಗಿದನು: ನಟಿ ಖುಷ್ಬೂ.. Vishal Health Condition

ಹೈದ್ರಾಬಾದ್​: ( Vishal Health Condition) ತಮಿಳು ನಟ ವಿಶಾಲ್ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ.  ಸಿನಿಮಾ ಕಾರ್ಯಕ್ರಮವೊಂದರಲ್ಲಿ  ಮಾತಾಡಲು ಮೈಕ್​ ಹಿಡಿದ ನಟ ವಿಶಾಲ್​ ಕೈ ನಡುಗುತ್ತಿತ್ತು.  ಈ ವಿಡಿಯೋ ವೈರಲ್​ ಆಗುತ್ತಿದ್ದಂತೆ ನಟನ ಆರೋಗ್ಯದ ಕುರಿತಾಗಿ ಅಂತೆ.. ಕಂತೆ ಶುದ್ದಿ ಜೋರಾಗಿತ್ತು.  ವಿಶಾಲ್​​ ಆರೋಗ್ಯದ ಕುರಿತಾಗಿ ನಟಿ ಖುಷ್ಬೂ ಮಾತಾನಡಿ ಸ್ಪಷ್ಟನೆ ನೀ ಡಿದ್ದಾರೆ.

ಕಳೆದ ನಾಲ್ಕೈದು ದಿನಗಳಿಂದ ಸೋಷಿಯಲ್ ಮೀಡಿಯಾದಲ್ಲಿ ಎಲ್ಲೆಡೆ ನಾಯಕ ವಿಶಾಲ್ ಅವರ ವಿಡಿಯೋಗಳು ರಾರಾಜಿಸುತ್ತಿವೆ. ಇತ್ತೀಚಿಗೆ ನಡೆದ ಮದಗಜರಾಜು ಸಿನಿಮಾದ ಸಮಾರಂಭದಲ್ಲಿ  ಸ್ಪಷ್ಟವಾಗಿ ಮಾತನಾಡಲು ಆಗುತ್ತಿರಲಿಲ್ಲ. ವಿಶಾಲ್ ಎದ್ದು ನಿಲ್ಲಲೂ ಪರದಾಡುತ್ತಿದ್ದರು. ನಿರೀಕ್ಷೆಗೂ ಮೀರಿದ ಲುಕ್ ನಲ್ಲಿದ್ದ ವಿಶಾಲ್ ನೋಡಿ ಜನ ಶಾಕ್ ಆಗಿದ್ದರು. ಈ ಸಮಾರಂಭದಲ್ಲಿ ಒದ್ದಾಡುತ್ತಿದ್ದ ಅವರಿಗೆ ಏನಾಯಿತು ಎಂದು ಅಭಿಮಾನಿಗಳು ಚಿಂತಾಕ್ರಾಂತರಾಗಿದ್ದರು.

ಖುಷ್ಬೂ  ಮಾತನಾಡಿ,  “ವಿಶಾಲ್ ದೆಹಲಿಯಲ್ಲಿದ್ದಾಗ ಜ್ವರ ಬಂದಿತ್ತು. ಆದರೆ ಸುಮಾರು 11 ವರ್ಷಗಳ ನಂತರ ಮದಗಜರಾಜು ಸಿನಿಮಾ ರಿಲೀಸ್ ಆಗಲಿದ್ದು, ಅನಾರೋಗ್ಯ ಲೆಕ್ಕಿಸದೇ ಸಿನಿಮಾ ಸಂಭ್ರಮಕ್ಕೆ ಬಂದಿದ್ದರು. ಆ ದಿನ ವಿಶಾಲ್ ಡೆಂಗ್ಯೂ ಜ್ವರದಿಂದ ಬಳಲುತ್ತಿದ್ದರು. ಜ್ವರ ಇದೆ ಯಾಕೆ ಬಂದಿದ್ದೀಯಾ? ಎಂದು ಕೇಳಿದಾಗ, 11 ವರ್ಷಗಳ ನಂತರ ತಮ್ಮ ಚಿತ್ರ ಪ್ರೇಕ್ಷಕರ ಮುಂದೆ ಬರಲಿದೆ.. ಅದಕ್ಕೇ ಖಂಡಿತಾ ಬರಬೇಕೆಂದುಕೊಂಡೆ. ಸಮಾರಂಭದ ದಿನ ವಿಶಾಲ್ ಗೆ 103 ಡಿಗ್ರಿ ಜ್ವರ ಬಂದಿತ್ತು. ಅದಕ್ಕೇ ನಡುಗಿದನು. ಕಾರ್ಯಕ್ರಮದ ನಂತರ ವಿಶಾಲ್ ಅವರನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋದೆವು. ಈಗಷ್ಟೇ ಚೇತರಿಸಿಕೊಳ್ಳುತ್ತಿದ್ದಾರೆ ಎಂದಿದ್ದಾರೆ.

ವಿಶಾಲ್ ಆರೋಗ್ಯದ ಬಗ್ಗೆ ಯಾರೂ ಆತಂಕ ಪಡುವ ಅಗತ್ಯವಿಲ್ಲ. ಕೆಲವು ಯೂಟ್ಯೂಬ್‌ಗಳು ವಿಶಾಲ್ ಅವರ ಆರೋಗ್ಯದ ಬಗ್ಗೆ ಸುಳ್ಳು ಸುದ್ದಿಗಳನ್ನು ಬರೆಯುತ್ತಿದ್ದಾರೆ ಮತ್ತು ಯಾವುದೇ ಸತ್ಯವನ್ನು ತಿಳಿಯದೆ ಸುಲಭವಾಗಿ ವದಂತಿಗಳನ್ನು ಬರೆಯುತ್ತಿದ್ದಾರೆ ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದರು.

ವಿಶಾಲ್ ಜೊತೆ ಸಿನಿಮಾ ಮಾಡಿಲ್ಲ, ಆದರೆ ತಮ್ಮ ನಡುವೆ ಉತ್ತಮ ಬಾಂಧವ್ಯವಿದೆ . ಇಬ್ಬರೂ ಪಾರ್ಟಿಯಲ್ಲಿ ಭೇಟಿಯಾದರು ಮತ್ತು ನಂತರ ತಮ್ಮ ನಡುವೆ ಉತ್ತಮ ಸಂಬಂಧ ಇದೆ . ವಿಶಾಲ್ ಒಬ್ಬ ಟ್ಯಾಲೆಂಟೆಡ್ ಹೀರೋ.. ಅವರಿಗೆ ಸಿನಿಮಾಗಳಲ್ಲಿ ತುಂಬಾ ಆಸಕ್ತಿ ಇದೆ ಎಂದಿದ್ದಾರೆ.

ವಿಶಾಲ್ ಅಭಿನಯದ ಮದ ಗಜರಾಜ ಸಿನಿಮಾದಲ್ಲಿ ಖುಷ್ಬೂ ಅವರ ಪತಿ ಸುಂದರ್. ಸಿ ನಿರ್ದೇಶಿಸಿದ್ದಾರೆ. ಸುಮಾರು 11 ವರ್ಷಗಳ ನಂತರ ಈ ಸಿನಿಮಾದಲ್ಲಿ ಅಂಜಲಿ ಮತ್ತು ವರಲಕ್ಷ್ಮಿ ಶರತ್‌ಕುಮಾರ್ ನಾಯಕಿಯರಾಗಿ ಕಾಣಿಸಿಕೊಂಡಿದ್ದು, ಇದೇ ಜನವರಿ 12ರಂದು ಸಂಕ್ರಾಂತಿಯಂದು ಬಿಡುಗಡೆಯಾಗಲಿದೆ.

https://www.vijayavani.net/actor-vishals-health-has-deteriorated-due-to-a-director-allegations-have-been-made