ಹರಾಜಿನಲ್ಲಿ ರಥದ ನಂದಿಧ್ವಜ ಗೆದ್ದವರು ಶಾಸಕರಾಗ್ತಾರೆಂಬ ನಂಬಿಕೆ: 16 ಲಕ್ಷಕ್ಕೆ ಧ್ವಜ ಖರೀದಿಸಿದ ಕುಣಿಗಲ್​ ಶಾಸಕ!

ತುಮಕೂರು: ಹರಾಜಿನಲ್ಲಿ ನಂದಿಧ್ವಜ ಗೆದ್ದವರು ಶಾಸಕರಾಗುತ್ತಾರೆ ಎಂಬ ನಂಬಿಕೆ ಹಿನ್ನೆಲೆಯಲ್ಲಿ ಕುಣಿಗಲ್​ನ ಮಾಜಿ ಹಾಗೂ ಹಾಲಿ ಶಾಸಕರ ನಡುವೆ ನಡೆದ ತೀವ್ರ ಪೈಪೋಟಿಯಲ್ಲಿ ಹಾಲಿ ಶಾಸಕ ಡಾ. ರಂಗನಾಥ್​ ಅವರು ನಂದಿಧ್ವಜವನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಕುಣಿಗಲ್ ತಾಲ್ಲೂಕಿನ ಕಗ್ಗೆರೆಯಲ್ಲಿರುವ ಸಿದ್ದಲಿಂಗೇಶ್ವರ ದೇವಸ್ಥಾನದಲ್ಲಿ ನಂದಿ ಧ್ವಜದ ಹರಾಜು ನಡೆಯಿತು. ಕಾಂಗ್ರೆಸ್​ನ ಮಾಜಿ ಶಾಸಕ ರಾಮಸ್ವಾಮಿಗೌಡ ಹಾಗೂ ಹಾಲಿ ಶಾಸಕ ಡಾ.ರಂಗನಾಥ್ ನಡುವೆ ಧ್ವಜಕ್ಕಾಗಿ ಭಾರೀ ಪೈಪೋಟಿ ನಡೆಯಿತು.

ಇದನ್ನೂ ಓದಿ: ರಾಜಕೀಯ ನಿವೃತ್ತಿ ಘೋಷಿಸಿದ ತನ್ವೀರ್ ಸೇಠ್; ಮನನೊಂದು ಪ್ರಾಣ ಕಳೆದುಕೊಳ್ಳಲು ಮುಂದಾದ ಅಭಿಮಾನಿ

ಈ ಹಿಂದೆ 5 ರಿಂದ 10 ಲಕ್ಷ ರೂ.ಗೆ ಮಾರಾಟವಾಗುತ್ತಿದ್ದ ನಂದಿಧ್ವಜ, ಈ ಬಾರಿ 16 ಲಕ್ಷ ರೂ.ಗೆ ಮಾರಾಟವಾಗಿದೆ. ಪ್ರತಿ ಬಾರಿ ನಂದಿ ಧ್ವಜ ಗೆದ್ದವರು ಶಾಸಕರಾಗಿ ಆಯ್ಕೆಯಾಗುತ್ತಾರೆ ಎಂಬ ನಂಬಿಕೆ ಇದೆ. ಈ ಪದ್ಧತಿ ಹಲವು ವರ್ಷಗಳಿಂದ ನಡೆದುಕೊಂಡು ಬಂರುತ್ತಿದೆ.

ಕಳೆದ ಬಾರಿಯು ನಂದಿ ಧ್ವಜವನ್ನು ರಂಗನಾಥ್​ ಗೆದ್ದಿದ್ದರು. ಬಳಿಕ ಕುಣಿಗಲ್ ಕ್ಷೇತ್ರದ ಶಾಸಕರಾಗಿ ಆಯ್ಕೆ ಆಗಿದ್ದರು. ಅದೇ ರೀತಿ ಈ ಬಾರಿಯ ಹರಾಜಿನಲ್ಲೂ 16 ಲಕ್ಷ ರೂ.ಗೆ ನಂದಿಧ್ವಜವನ್ನು ಗೆದ್ದಿದ್ದಾರೆ. ಈ ಬಾರಿಯು ಕುಣಿಗಲ್​ನಿಂದ ಅವರೇ ಶಾಸಕರಾಗುತ್ತಾರಾ ಎಂಬುದನ್ನು ಕಾದು ನೋಡಬೇಕಿದೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/engineering-student-ends-her-own-life-after-male-friend-circulates-private-pics/

https://www.vijayavani.net/kerala-excise-nabs-woman-for-selling-stamps-under-the-guise-of-beauty-parlor/