ಜನಸಂಕಲ್ಪ ಯಾತ್ರೆ ಮುನ್ನಾ ದಿನವೇ ಕುಣಿಗಲ್​ ಬಿಜೆಪಿಯಲ್ಲಿ ಬಣ ರಾಜಕೀಯ! ಕೃಷ್ಣಕುಮಾರ್- ರಾಜೇಶ್​ಗೌಡ ಬೆಂಬಲಿಗರ ನಡುವೆ ಘರ್ಷಣೆ

ತುಮಕೂರು: ಕುಣಿಗಲ್​ ವಿಧಾನಸಭಾ ಕ್ಷೇತ್ರದ ಬಿಜೆಪಿಯಲ್ಲಿ ಬಣ ರಾಜಕೀಯ ಗೋಚರಿಸಿದೆ. ಪ್ಲೆಕ್ಸ್ ಕಟ್ಟುವ ವಿಚಾರಕ್ಕೆ ಬಿಜೆಪಿ ಮುಖಂಡ ಡಿ.ಕೃಷ್ಣಕುಮಾರ್ ಹಾಗೂ ರಾಜೇಶ್ ಗೌಡ ಬೆಂಬಲಿಗರ ನಡುವೆ ಘರ್ಷಣೆ ಸಂಭವಿಸಿದೆ.

ಕುಣಿಗಲ್ ಪಟ್ಟಣದಲ್ಲಿ ನಾಳೆ(ಡಿ.7) ಜನಸಂಕಲ್ಪ ಯಾತ್ರೆ ನಡೆಯಲಿದ್ದು, ಮುನ್ನಾ ದಿನವಾದ ಇಂದು(ಮಂಗಳವಾರ) ಕೊತ್ತಗೆರೆಯಲ್ಲಿ ಪ್ಲೆಕ್ಸ್​ ರಾಜೇಶ್​ಗೌಡರ ಬೆಂಬಲಿಗರು ಸಿಎಂ ಬಸವರಾಜ ಬೊಮ್ಮಾಯಿ ಮತ್ತು ಯಡಿಯೂರಪ್ಪ ಸೇರಿದಂತೆ ಕುಣಿಗಲ್​ಗೆ ಆಗಮಿಸುವ ಬಿಜೆಪಿ ನಾಯಕರಿಗೆ ಸ್ವಾಗತ ಕೋರುವ ಪ್ಲೆಕ್ಸ್​ಗಳನ್ನು ಕಟ್ಟುತ್ತಿದ್ದರು. ಈ ವೇಳೆ ಕೃಷ್ಣಕುಮಾರ್​ರ ಬೆಂಬಲಿಗರು ಅಡ್ಡಿ ಪಡಿಸಿದ್ದು, ಎರಡೂ ಬಣದ ನಡುವೆ ಮಾತಿನ ಚಕಮಕಿ ನಡೆದು ಕೈ ಮಿಲಾಯಿಸುವ ಹಂತಕ್ಕೆ ತಲುಪಿತ್ತು.

ಡಿ.ಕೃಷ್ಣಕುಮಾರ್ ಹಾಗೂ ರಾಜೇಶ್ ಗೌಡ ಬೆಂಬಲಿಗರು ನಡುರಸ್ತೆಯಲ್ಲೇ ಕಿತ್ತಾಡುತ್ತಿದ್ದ ಪರಿಣಾಮ ಕುಣಿಗಲ್​ ಮತ್ತು ತುಮಕೂರು ರಸ್ತೆಯಲ್ಲಿ ಕೆಲಕಾಲ ವಾಹನ ಸಂಚಾರಕ್ಕೆ ಅಡಚಣೆಯುಂಟಾಗಿತ್ತು. ಮೈಲಿ ದೂರ ವಾಹನಗಳು ಸಾಲುಗಟ್ಟಿ ನಿಂತಿದ್ದವು. ಸ್ಥಳಕ್ಕೆ ಬಂದ ಪೊಲೀಸರು ಗುಂಪನ್ನು ಚದುರಿಸಿದರು.

ಇತ್ತೀಚಿಗೆ ಮಾಜಿ ಸಂಸದ ಎಸ್​.ಪಿ.ಮುದ್ದಹನುಮೇಗೌಡರು ಕಾಂಗ್ರೆಸ್ ತೊರೆದು ಬಿಜೆಪಿ ಸೇರಿದ್ದಾರೆ. ಮುಂಭರುವ ವಿಧಾನಸಭಾ ಚುನಾವಣೆಗೆ ಬಿಜೆಪಿ ಟಿಕೆಟ್​ ಯಾರಿಗೆ? ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಮುದ್ದಹನುಮೇಗೌಡ, ಡಿ.ಕೃಷ್ಣಕುಮಾರ್​ ಮತ್ತು ರಾಜೇಶ್​ಗೌಡ ಮೂವರೂ ಟಿಕೆಟ್​ ಆಕಾಂಕ್ಷಿಗಳು.

https://www.vijayavani.net/hubli-famous-businessman-bharat-jain-sons-akhil-jain-life-is-tragic-end/

https://www.vijayavani.net/raichur-siriwara-psi-geetanjali-shinde-siriwara-young-man-missing-case-deathnote/