ತಾಯ್ನೆಲ ಸ್ಪರ್ಶಿಸಲು ಹಾತೊರೆದವರಿಗೆ ಕಾಡಿತ್ತು ದುಃಸ್ವಪ್ನ; 'ವಂದೇ ಭಾರತ' ವಿಮಾನವದು; ಟೇಬಲ್​ ಟಾಪ್​ ನಿಲ್ದಾಣದಲ್ಲಿ ಮತ್ತೊಂದು ದುರಂತ

ತಿರುವನಂತಪುರ: ಕೋಳಿಕ್ಕೋಡ್​ನಲ್ಲಿ ದುರಂತಕ್ಕೀಡಾದ ಏರ್​ ಇಂಡಿಯಾ ವಿಮಾನ ಕರೊನಾ ಸಂಕಷ್ಟದಿಂದಾಗಿ ವಿದೇಶದಲ್ಲಿ ಸಿಲುಕಿರುವ ಭಾರತೀಯರ ನ್ನು ಮರಳಿ ತಾಯ್ನೆಲಕ್ಕೆ ಕರೆತರುವ ಕಾರ್ಯಾಚರಣೆಯ 'ವಂದೇ ಭಾರತ' ವಿಮಾನವಾಗಿತ್ತು.

ಇದರಲ್ಲಿ 10 ಹಸುಗೂಸುಗಳು ಸೇರಿ 174 ಪ್ರಯಾಣಿಕರು, ಇಬ್ಬರು ಪೈಲಟ್​ಗಳು ಸೇರಿ 6 ಸಿಬ್ಬಂದಿ ಇದ್ದರು. ದುರಂತ ಸಂಭವಿಸಿದಾಗ ವಿಮಾನಕ್ಕೆ ಬೆಂಕಿ ಹತ್ತಿಕೊಳ್ಳದಿರುವುದು ಸಾವು ನೋವಿನ ಸಂಖ್ಯೆ ಕಡಿಮೆಯಾಗಲು ಕಾರಣವಾಗಿದೆ ಎಂದು ಹೇಳಲಾಗಿದೆ.

ಏರ್​ ಇಂಡಿಯಾ ಎಕ್ಸ್​ಪ್ರೆಸ್​ನ ಬೋಯಿಂಗ್​ 737 ಮಾದರಿ ವಿಮಾನ ಸಂಜೆ 7.40ರಲ್ಲಿ ಇಳಿಯುವ ಪ್ರಯತ್ನದಲ್ಲಿತ್ತು. ರನ್​ ವೇ ಗೊತ್ತಾಗದೇ 35 ಅಡಿಗೂ ಹೆಚ್ಚು ಆಳದ ಕಮರಿಗೆ ಬಿದ್ದಿದೆ. ಹೀಗಾಗಿ ವಿಮಾನ ಎರಡು ತಂಡಾಗಿದೆ. ಪ್ರತ್ಯಕ್ಷದರ್ಶಿಗಳು ಹೇಳುವ ಪ್ರಕಾರ ಹಲವರನ್ನು ರಕ್ಷಿಸಲಾಗಿದೆ.

ಕೋಳಿಕ್ಕೋಡ್​ ವಿಮಾನ ಬೆಟ್ಟದ ಮೇಲಿನ ವಿಮಾನ ನಿಲ್ದಾಣವಾಗಿದೆ. ಇದನ್ನು ಟೇಬಲ್​ ಟಾಪ್​ ವಿಮಾಣ ನಿಲ್ದಾಣ ಎಂದು ಕರೆಯಲಾಗುತ್ತದೆ. ಮಂಗಳೂರು ವಿಮಾಣ ನಿಲ್ದಾಣ ಕೂಡ ಟೇಬಲ್​ ಟಾಪ್​ ವಿಮಾನ ನಿಲ್ದಾಣವಾಗಿದೆ. ಇಂಥ ವಿಮಾನ ನಿಲ್ದಾಣಗಳಲ್ಲಿ ಅದರಲ್ಲೂ ರಾತ್ರಿ ವೇಳೆ ರನ್​ವೇಯನ್ನು ಗುರುತಿಸುವುದು ಸವಾಲಿನ ಕೆಲಸವೇ ಸರಿ ಏಕೆಂದರೆ, ರನ್​ವೇ ಬೆಟ್ಟದ ಕೆಳಗಿರುವಂತೆಯೇ ದೃಷ್ಟಿಭ್ರಮೆಯನ್ನು ಉಂಟು ಮಾಡುತ್ತವೆ (ಆಪ್ಟಿಕಲ್​ ಇಲ್ಯೂಷನ್​).

ಕೋಳಿಕ್ಕೋಡ್​ ಈ ದುರಂತ ಹತ್ತು ವರ್ಷಗಳ ಹಿಂದೆ ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಸಂಭವಿಸಿದ್ದ ವಿಮಾನ ದುರಂತದ ನೆನಪನ್ನು ಮರುಕಳಿಸಿದೆ.

https://www.vijayavani.net/school-college-may-resume-from-sep-1-others-to-follow/