ಟ್ರೈನಿ ವೈದ್ಯೆ ಅತ್ಯಾಚಾರ-ಹತ್ಯೆ ಕೇಸ್​​; ಸ್ವಯಂಪ್ರೇರಿತವಾಗಿ ವಿಚಾರಣೆ ಕೈಗತ್ತಿಕೊಂಡ ಸುಪ್ರೀಂಕೋರ್ಟ್​​

ನವದೆಹಲಿ: ಕೋಲ್ಕತಾ ವೈದ್ಯಕೀಯ ಕಾಲೇಜಿನಲ್ಲಿನ ಮಹಿಳಾ ವೈದ್ಯೆಯ ಅತ್ಯಾಚಾರ ಮತ್ತು ಹತ್ಯೆ ಪ್ರಕರಣವನ್ನು ಸುಪ್ರೀಂಕೋರ್ಟ್​​ ಸ್ವಯಂ ಪ್ರೇರಿತವಾಗಿ ಸ್ವೀಕರಿಸಿದೆ. ಭಾರತದ ಮುಖ್ಯ ನ್ಯಾಯಮೂರ್ತಿ ಡಿ.ವೈ.ಚಂದ್ರಚೂಡ್​ ಹಾಗೂ ನ್ಯಾಯಮೂರ್ತಿ ಜೆ.ಬಿ.ಪರ್ದಿವಾಲಾ, ನ್ಯಾಯಮೂರ್ತಿ ಮನೋಜ್ ಮಿಶ್ರಾ ಅವರ ಪೀಠವು ಮಂಗಳವಾರ(ಆಗಸ್ಟ್​​ 20) ವಿಚಾರಣೆ ನಡೆಸಲಿದೆ.

ಇದನ್ನು ಓದಿ: CAA ಪೌರತ್ವ ನೀಡುವುದು.. ಕಸಿದುಕೊಳ್ಳುವುದಲ್ಲ; ಅಮಿತ್​ ಷಾ ಸ್ಪಷ್ಟನೆ

ಪೀಠವು ಈ ವಿಷಯವನ್ನು ಮಂಗಳವಾರ ಬೆಳಗ್ಗೆ ಮೊದಲು ವಿಚಾರಣೆ ನಡೆಸಲಿದೆ. ವಿಚಾರಣೆಗೆ ನಿಗದಿಯಾಗಿರುವ ಪ್ರಕರಣಗಳ ಪಟ್ಟಿಯಲ್ಲಿ ಇದು 66ನೇ ಸ್ಥಾನದಲ್ಲಿದ್ದರೂ ಆದ್ಯತೆಯ ಮೇರೆಗೆ ಅದನ್ನು ಆಲಿಸುತ್ತದೆ ಎಂದು ವಿಶೇಷ ಉಲ್ಲೇಖವಿದೆ.

ಆಗಸ್ಟ್ 9ರಂದು ಸಂಭವಿಸಿದ ಈ ದುರ್ಘಟನೆಯು ರಾಷ್ಟ್ರವ್ಯಾಪಿ ಆಕ್ರೋಶವನ್ನು ಹುಟ್ಟುಹಾಕಿತು. ಇದು ದೇಶಾದ್ಯಂತ ವ್ಯಾಪಕ ಪ್ರತಿಭಟನೆಗಳು ಮತ್ತು ಮುಷ್ಕರಗಳಿಗೆ ಕಾರಣವಾಯಿತು. ರಾಜ್ಯದ ಅಧಿಕಾರಿಗಳು ತಪ್ಪಾಗಿ ನಿರ್ವಹಿಸುತ್ತಿದ್ದಾರೆ ಎಂಬ ಆರೋಪ ಹಾಗೂ ಸಾರ್ವಜನಿಕ ಒತ್ತಡ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸುಪ್ರೀಂಕೋರ್ಟ್‌ನ ಈ ಕ್ರಮವು ಬಂದಿದೆ.

ಈ ಕ್ರೂರ ಕೃತ್ಯದ ಪ್ರಕರಣವನ್ನು ಸ್ವಯಂಪ್ರೇರಿತವಾಗಿ ತೆಗೆದುಕೊಳ್ಳುವಂತೆ ಸುಪ್ರೀಂಕೋರ್ಟ್‌ನ ಇಬ್ಬರು ವಕೀಲರಾದ ಉಜ್ಜವಲ್ ಗೌರ್ ಮತ್ತು ರೋಹಿತ್ ಪಾಂಡೆ ಅವರು ಗುರುವಾರ ಸಿಜೆಐಗೆ ಪತ್ರ ಬರೆದಿದ್ದಾರೆ. ಪತ್ರದಲ್ಲಿ ಘಟನೆಯ ಗಂಭೀರತೆಯನ್ನು ಗಮನದಲ್ಲಿಟ್ಟುಕೊಂಡು ದೇಶದ ಅತ್ಯುನ್ನತ ನ್ಯಾಯಾಲಯವು ಪ್ರಕರಣದ ಮಧ್ಯಸ್ಥಿಕೆ ವಹಿಸಲಿರುವ ಅಗತ್ಯತೆಗಳನ್ನು ತಿಳಿಸಿದ್ದಾರೆ ಎನ್ನಲಾಗಿದೆ.(ಏಜೆನ್ಸೀಸ್​​)

https://www.vijayavani.net/three-traffic-policemen-dividing-bribe-money-video-viral-in-social-media