ಅಲ್ಲಿಂದ ಜಯಸೂರ್ಯನ ಮೊಬೈಲ್ನಿಂದ ಆತನ ತಾಯಿಗೆ ವಾಟ್ಸ್ಆ್ಯಪ್ ಕಾಲ್ ಮಾಡಿಸಿ ಅಪಹರಣ ಮಾಡಿರುವುದಾಗಿ ಬೆದರಿಸಿ 5 ಲಕ್ಷ ರೂ.ಗೆ ಬೇಡಿಕೆ ಒಡ್ಡಿದ್ದ. ಹೆದರಿದ ಜಯಸೂರ್ಯನ ತಾಯಿ, ಅಷ್ಟೊಂದು ಹಣ ಇಲ್ಲ. ಬೇಕಾದರೇ ಮಾಂಗಲ್ಯ ಸರವನ್ನೇ ಕೊಡುತ್ತೆನೆ ಎಂದು ಗೋಗರೆದಿದ್ದಾಳೆ. ಮಗನ ಅಪಹರಣ ವಿಷಯ ತಿಳಿದ ಜ್ಯೋತಿಷಿ, ಎಚ್ಎಸ್ಆರ್ ಲೇಔಟ್ ಪೊಲೀಸರಿಗೆ ದೂರು ಸಲ್ಲಿಸಿದ್ದಾರೆ. ಕಾರ್ಯಾಚರಣೆಗೆ ಇಳಿದ ಖಾಕಿ ಪಡೆ ಆರೋಪಿ ಮಾಡುತ್ತಿದ್ದ ವಾಟ್ಸ್ಆ್ಯಪ್ ಕಾಲ್ ಜಾಡು ಹಿಡಿದು ಕೆಲವೇ ತಾಸಿನಲ್ಲಿ ಬಂಧಿಸಿ ಜಯಸೂರ್ಯನನ್ನು ರಕ್ಷಣೆ ಮಾಡಿ ಪಾಲಕರಿಗೆ ಒಪ್ಪಿಸಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಎಚ್ಎಸ್ಆರ್ ಲೇಔಟ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
