ನ.೩ರಂದು ಬೆಳಗ್ಗೆ ಸಲೇಮಾನ್ ಎಂಬಾತ ನಾಗವಾರ ರೈಲು ನಿಲ್ದಾಣದ ಹಳಿ ಬಳಿ ಚಿಂದಿ ಆಯುವಾಗ ೩೦ ಲಕ್ಷ ರೂ. ಮೌಲ್ಯದ ಅಮೆರಿಕಾ ಡಾಲರ್ ನೋಟುಗಳ ಬಂಡಲ್ ತುಂಬಿದ ಪ್ಲಾಸ್ಟಿಕ್ ಚೀಲ ಪತ್ತೆಯಾಗಿತ್ತು. ಬಳಿಕ ತನ್ನ ಆಶ್ರಯದಾತ ಬಪ್ಪನಿಗೆ ಅದರ ವಿಡಿಯೋ ಕಳುಹಿಸಿ ಮಾಹಿತಿ ನೀಡಿದ್ದ. ಆತ ಸಾಮಾಜಿಕ ಕಾರ್ಯಕರ್ತ ಖಲೀಮುಲ್ಲಾ ಮೂಲಕ ನಗರ ಪೊಲೀಸ್ ಆಯುಕ್ತರಿಗೆ ತಲುಪಿಸಿದ್ದರು. ನಗರ ಪೊಲೀಸ್ ಆಯುಕ್ತರ ಸೂಚನೆ ಮೇರೆಗೆ ಹೆಬ್ಬಾಳ ಪೊಲೀಸರು ಸ್ವಯಂ ಪ್ರೇರಿತ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದರು. ಈ ವೇಳೆ ಪತ್ತೆಯಾದ ನೋಟುಗಳು ಕಲರ್ ಜೆರಾಕ್ಸ್ ಎಂಬುದು ಪತ್ತೆಯಾಗಿತ್ತು.
ವಿಡಿಯೋ ನೋಡಿ ಅಪಹರಣ
ಲಕ್ಷಾಂತರ ರೂ. ಮೌಲ್ಯದ ವಿದೇಶಿ ಕರೆನ್ಸಿ ವಿಡಿಯೋ ಪಶ್ಚಿಮ ಬಂಗಾಳ ಮೂಲದ ಭೀಕ್ಷುಕರ ವಾಟ್ಸ್ಆ್ಯಪ್ ಗ್ರೂಪ್ ಹಾಗೂ ಅವರ ನಿರ್ವಹಕರ ಗ್ರೂಪ್ಗಳಲ್ಲಿ ಶೇರ್ ಆಗಿತ್ತು. ಅದನ್ನು ಗಮನಿಸಿದ ವ್ಯಕ್ತಿಯೊಬ್ಬ ಶರವಣನಿಗೆ ಮಾಹಿತಿ ನೀಡಿದ್ದ. ಹೀಗಾಗಿ ಬಪ್ಪನನ್ನು ಅಪಹರಿಸಿ, ವಿದೇಶಿ ಕರೆನ್ಸಿಯನ್ನು ಭಾರತೀಯ ನೋಟುಗಳನ್ನಾಗಿ ಪರಿವರ್ತಿಸಿಕೊಂಡು ಹಂಚಿಕೊಳ್ಳಲು ನಿರ್ಧರಿಸಿ, ತನ್ನ ಸಹಚರರ ಮೂಲಕ ಬಪ್ಪನನ್ನು ಅಪಹರಿಸಿದ್ದರು. ಆದರೆ, ಆತನ ಬಳಿ ಯಾವುದೇ ನೋಟುಗಳು ಇಲ್ಲ ಎಂಬುದು ಗೊತ್ತಾಗಿ ಮರು ದಿನ ಬಿಟ್ಟು ಕಳುಹಿಸಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
