ಯುವ ದಸರಾ ಉದ್ಘಾಟನೆಗೆ ಕಿಚ್ಚ ಸುದೀಪ್ ಅಲಭ್ಯ! ಬೇರೆ ಸೆಲೆಬ್ರಿಟಿ ಹುಡುಕಲು ಸಂಘಟಕರ ಕಸರತ್ತು

ಮೈಸೂರು: ಪ್ರತಿ ವರ್ಷ ಅದ್ಧೂರಿಯಾಗಿ ಯುವ ದಸರಾ ನಡೆಯತ್ತದೆ. ಚಿತ್ರರಂಗದ ತಾರೆಗಳು ಆಗಮಿಸಿ ಹಲವು ಕಾರ್ಯಕ್ರಮ ನೀಡುತ್ತಾರೆ. ಹೀಗಾಗಿ ತಮ್ಮ ನೆಚ್ಚಿನ ನಟ-ನಟಿಯರನ್ನು ಕಾಣುವ ಸಲುವಾಗಿ ಅಪಾರ ಸಂಖ್ಯೆಯಲ್ಲಿ ಅಭಿಮಾನಿಗಳು ಬರುತ್ತಾರೆ.

ಈ ಬಾರಿಯ ಯುವ ದಸರಾವನ್ನು ನಟ ಕಿಚ್ಚ ಸುದೀಪ್ ಉದ್ಘಾಟಿಸುತ್ತಾರೆ ಎಂದು ಹೇಳಲಾಗಿತ್ತು. ಹೀಗಾಗಿ ತಮ್ಮ ನೆಚ್ಚಿನ ನಟ ಕಿಚ್ಚ ಸುದೀಪ್ ಅವರನ್ನು ಕಾಣಲು ಅಪಾರ ಸಂಖ್ಯೆಯ ಅಭಿಮಾನಿಗಳು ಕಾತರದಿಂದ ಕಾದಿದ್ದರು. ಇದೀಗ ಕಿಚ್ಚ ಸುದೀಪ್ ನಾನು ಯುವ ದಸರಾಕ್ಕೆ ಆಗಮಿಸುತ್ತಿಲ್ಲ ಹೇಳಿದ್ದಾರೆ ಎನ್ನಲಾಗಿದೆ.

ಸುದೀಪ್ ಅವರ ಈ ದಿಢೀರ್ ನಿರ್ಧಾರದಿಂದ ಯುವ ದಸರಾ ಸಮಿತಿ ಗೊಂದಲಗೊಂಡಿದೆ. ಇದೀಗ ಒಂದೇ ದಿನದಲ್ಲಿ ಯುವ ದಸರಾ ಉದ್ಘಾಟಿಸಲು ಬೇರೆ ಸೆಲೆಬ್ರಿಟಿ ಗೆಸ್ಟ್​​ಗೆ ಹುಡುಕಾಟ ಆರಂಭಿಸಿದ್ದಾರೆ.

ನಾಳೆಯಿಂದ ಏಳುದಿನಗಳ ಕಾಲ ನಡೆಯಲಿರುವ ದಸರಾ ಮಹೋತ್ಸವ ಕಾರ್ಯಕ್ರಮದ ಸಿದ್ಧತೆ ಕಾರ್ಯ ಭರದಿಂದ ಸಾಗುತ್ತಿದೆ. ಪ್ರತಿದಿನ ಸಂಜೆ 6 ರಿಂದ 10 ಗಂಟೆವರೆಗೆ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ. ಹೀಗಾಗಿ ಕೆಲಸಗಾರರು ಕಾರ್ಯಕ್ರಮಕ್ಕೆ ವೇದಿಕೆ ನಿರ್ಮಿಸಿ, ಪ್ರೇಕ್ಷಕರಿಗೆ ಚೇರ್‌ಗಳನ್ನು ಸಿದ್ದಪಡಿಸುತ್ತಿದ್ದಾರೆ.

https://www.vijayavani.net/siddaramaiahs-wife-offered-special-pooja-to-mother-chamundeshwari/

https://www.vijayavani.net/mysuru-dasara-2022/

https://www.vijayavani.net/noida-woman-carries-1-yr-old-son-while-driving-e-rickshaw/