ಪಿಒಕೆ ಭಾರತಕ್ಕೆ ಮರಳಲಿ: ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ (ಪಿಒಕೆ) ಭಾರತಕ್ಕೆ ಮರಳಬೇಕೆಂಬ ದೀರ್ಘಕಾಲೀನ ಬೇಡಿಕೆಯನ್ನು ಕೂಡ ಖುರ್ಷಿದ್ ಮರುದೃಢೀಕರಿಸಿದರು. 370ನೇ ವಿಧಿಯ ರದ್ದತಿಯು ಈ ವಲಯದಲ್ಲಿ ಸಮೃದ್ಧಿ ಮತ್ತು ಜನತಾಂತ್ರಿಕ ಪ್ರಗತಿಗೆ ದಾರಿ ಮಾಡಿದೆ. 2019ರಲ್ಲಿ ಕೈಗೊಂಡ ಈ ಕ್ರಮದಿಂದಾಗಿ, ಜಮ್ಮು ಮತ್ತು ಕಾಶ್ಮೀರವು ಭಾರತದಿಂದ ಪ್ರತ್ಯೇಕವಾದ ಒಂದು ಪ್ರದೇಶ ಎಂಬ ಭಾವನೆಯನ್ನು ಕೊನೆಗೊಳಿಸಿತು ಎಂದು ಸಂದರ್ಶನವೊಂದರಲ್ಲಿ ಮಾಜಿ ವಿದೇಶಾಂಗ ಸಚಿವ ಖುರ್ಷಿದ್ ಅಭಿಪ್ರಾಯ ಪಟ್ಟರು. ದೇಶದ ಒಂದು ಭಾಗವಾದ ಕಾಶ್ಮೀರವನ್ನು ಬಿಟ್ಟುಕೊಡಿ ಎಂದು ಯಾರೂ ಹೇಳಲಾಗದು. ನಮ್ಮದು ಒಂದು ಕುಟುಂಬವಾಗಿದ್ದು ಅದನ್ನು ಮುರಿಯಲು ಯಾರಿಗೂ ಸಾಧ್ಯವಿಲ್ಲ ಎಂದು ಪ್ರತಿಪಾದಿಸಿದರು. ಶಾಂತಿಗೆ ಬದ್ಧತೆಯಿದ್ದರೆ ಮತ್ತು ಭಯೋತ್ಪಾದನೆ ಚಟುವಟಿಕೆಗಳನ್ನು ಸ್ಥಗಿತಗೊಳಿಸಿದರೆ ಮಾತ್ರವೇ ಪಾಕ್ನೊಂದಿಗೆ ಮಾತುಕತೆ ಸಾಧ್ಯ ಎಂಬುದು ಭಾರತದ ದೃಢವಾದ ಧೋರಣೆಯಾಗಿದೆ ಎಂದು ಖುರ್ಷಿದ್ ಪುನರುಚ್ಚರಿಸಿದರು.
