ತೆಲುಗಿನಲ್ಲೂ ಪೊಗರು ‘ಖರಾಬು’ ಹಾಡು; ಯಾವಾಗ ಬಿಡುಗಡೆ ಗೊತ್ತಾ?

ಧ್ರುವ ಸರ್ಜಾ ನಾಯಕತ್ವದ ಪೊಗರು ಸಿನಿಮಾ ಈಗಾಗಲೇ ಬಹುತೇಕ ಶೂಟಿಂಗ್​ ಮಾಡಿಕೊಂಡಿದೆ. ಇನ್ನುಳಿದ ಎರಡು ಹಾಡು ಮತ್ತು ಒಂದಷ್ಟು ಭಾಗದ ಶೂಟಿಂಗ್​ ಮುಗಿಸಿಕೊಂಡರೆ, ಸಿನಿಮಾ ಮುಕ್ತಾಯವಾಗಲಿದೆ. ಇನ್ನು ಇತ್ತೀಚೆಗೆ ಹಾಡಿನ ಮೂಲಕವೇ ಪೊಗರು ಸಿನಿಮಾ ಸದ್ದು ಮಾಡಿತ್ತು. ಖರಾಬು ಟೈಟಲ್​ ಹಾಡಿಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿತ್ತು. ಇದೀಗ ತೆಲುಗು ಮಂದಿಗೂ ಈ ಹಾಡನ್ನು ತಲುಪಿಸುವ ಕೆಲಸ ಮಾಡಲು ಚಿತ್ರತಂಡ ಸಿದ್ಧತೆ ಮಾಡಿಕೊಳ್ಳುತ್ತಿದೆ.

ಇದನ್ನೂ ಓದಿ: ಚಾಲೆಂಜಿಂಗ್​ ಸ್ಟಾರ್ ದರ್ಶನ್ ‘ರಾಬರ್ಟ್’​ ತಂಡದಿಂದ ಬಂತು ಹೊಸ ಪೋಸ್ಟರ್

ಅಂದರೆ, ಈ ಹಿಂದೆ ಸುದ್ದಿಯಾದಂತೆ ಕನ್ನಡದ ಜತೆಗೆ ತೆಲುಗಿನಲ್ಲೂ ಪೊಗರು ಸಿನಿಮಾ ತೆರೆಕಾಣುತ್ತಿದೆ. ಹಾಗಾಗಿ ಕನ್ನಡದಲ್ಲಿ ಬಿಡುಗಡೆಯಾಗಿ ಬಾರಿ ಮೆಚ್ಚುಗೆ ಪಡೆದುಕೊಂಡಿದ್ದ ಖರಾಬು ಹಾಡನ್ನು ತೆಲುಗಿನಲ್ಲೂ ಬಿಡುಗಡೆ ಮಾಡಲಾಗುತ್ತಿದ್ದು, ಆಗಸ್ಟ್ 6ರಂದು ತೆಲುಗು ಅವತರಣಿಕೆ ರಿಲೀಸ್ ಆಗಲಿದೆ.

ಕನ್ನಡದಲ್ಲಿ ಚಂದನ್​ ಶೆಟ್ಟಿ ಸಾಹಿತ್ಯ ಬರೆದು, ಧ್ವನಿ ಸಹ ನೀಡಿದ್ದರು. ಇದೀಗ ತೆಲುಗಿನಲ್ಲಿ ಭಾಸ್ಕರ್ ಬಾಟ್ಲಾ, ರವಿ ಕುಮಾರ್ ಸಾಹಿತ್ಯ ಬರೆದಿದ್ದು, ಅಲಾ ವೈಕುಂಠಪುರಂಲೋ ಚಿತ್ರ ಖ್ಯಾತಿಯ ರಾಮುಲೋ ರಾಮುಲೊ ಹಾಡಿಗೆ ಧ್ವನಿ ನೀಡಿದ್ದ ಅನುರಾಗ್​ ಸಿಂಗ್​ ಈ ಹಾಡಿಗೂ ಧ್ವನಿ ನೀಡಿದ್ದಾರೆ. ​

ಇದನ್ನೂ ಓದಿ: ಸುಶಾಂತ್​ ಕೇಸ್​ ಸಿಬಿಐಗೆ ಯಾಕೆ ಒಪ್ಪಿಸುತ್ತಿಲ್ಲ? ಅಭಿಮಾನಿಗಳ ಪ್ರಶ್ನೆ …

ಇನ್ನು ಬಾಕಿ ಉಳಿದ ಚಿತ್ರೀಕರಣವನ್ನು ಆಗಸ್ಟ್​ನಿಂದ ಮಾಡಿಕೊಳ್ಳಲು ಚಿತ್ರತಂಡ ನಿರ್ಧರಿಸಿದೆ. ಬಿ.ಕೆ ಗಂಗಾಧರ್​ ನಿರ್ಮಾಣ ಮಾಡುತ್ತಿರುವ ಈ ಚಿತ್ರವನ್ನು ನಂದಕಿಶೋರ್​ ನಿರ್ದೇಶನ ಮಾಡುತ್ತಿದ್ದಾರೆ. ಧ್ರುವ ಸರ್ಜಾಗೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದಾರೆ.

https://www.vijayavani.net/kangana-team-tells-tapsee-about-how-to-become-an-a-lister/