ನ್ಯಾಷನಲ್ ಸಿನಿಮಾ​ ಅವಾರ್ಡ್​​; ಕೆಜಿಎಫ್​​-2 ಮುಡಿಗೆ ಸೇರ್ಪಡೆಯಾದ ಎರಡು ಪ್ರಶಸ್ತಿ

ವರಮಹಾಲಕ್ಷ್ಮೀ ಹಬ್ಬದ ಸಡಗರದಲ್ಲಿರುವ ಚಂದನವನಕ್ಕೆ ಈಗ ಡಬಲ್​ ಧಮಾಕಾ ಖುಷಿ ಸಿಕ್ಕಿದೆ. ದೆಹಲಿಯಲ್ಲಿ ಶುಕ್ರವಾರ(ಆಗಸ್ಟ್​ 16) ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಇಲಾಖೆಯಿಂದ 70ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು ಘೋಷಣೆಯಾಗಿದೆ. ಈ ಪಟ್ಟಿಯಲ್ಲಿ ಕನ್ನಡದ ದುಬಾರಿ ಬಜೆಟ್​ ಸಿನಿಮಾ ಎಂಬ ಖ್ಯಾತಿಗೆ ಪಡೆದಿರುವ ಕೆಜಿಎಫ್​​-2 ಎರಡು ಪ್ರಶಸ್ತಿಗಳನ್ನು ತನ್ನ ಮುಡಿಗೇರಿಸಿಕೊಂಡಿದೆ.

ಇದನ್ನು ಓದಿ: ನ್ಯಾಷನಲ್​ ಅವಾರ್ಡ್​​; ಕಾಂತಾರಗೆ ಒಲಿದ ರಾಷ್ಟ್ರೀಯ ಪಶಸ್ತಿ.. ರಿಷಬ್ ಶೆಟ್ಟಿಗೆ ಅತ್ಯುತ್ತಮ ನಟ ಪಟ್ಟ

ಪ್ರಶಾಂತ್​ ನೀಲ್​ ಆ್ಯಕ್ಷನ್​ ಕಟ್​​ ಹೇಳಿರುವ ಕೆಜಿಎಫ್​​​- ​​​ 2 ಸಿನಿಮಾ ಅತ್ಯುತ್ತಮ ಪ್ರಾದೇಶಿಕ ಸಿನಿಮಾ ಹಾಗೂ ಅತ್ಯುತ್ತಮ ಸಾಹಸ ನಿರ್ದೇಶನ(ಸ್ಟಂಟ್​ ಕೋರಿಯೊಗ್ರಫಿ) ವಿಭಾಗದಲ್ಲಿ ಪ್ರಶಸ್ತಿಯನ್ನು ಪಡೆದುಕೊಂಡಿದೆ. 2022 ಏಪ್ರಿಲ್​ 14ರಂದು ಬಿಡುಗಡೆಯಾದ ಈ ಪ್ಯಾನ್​ ಇಂಡಿಯಾ ಸಿನಿಮಾ ಬಾಕ್ಸ್​ ಆಫೀಸ್​ನಲ್ಲಿ ಭರ್ಜರಿ ಕಲೆಕ್ಷನ್​ ಮಾಡಿತು. ಕೆಜಿಎಫ್​​-2 ಅಂದಾಜ 1200 ಕೋಟಿ ರೂಪಾಯಿ ಗಳಿಸಿ ಬ್ಲಾಕ್​ ಬಸ್ಟರ್​ ಹಿಟ್​ ಆಗಿದೆ.

ಕೆಜಿಎಫ್​​-2 ಸಿನಿಮಾದಲ್ಲಿ ಯಶ್​​ ಸೇರಿದಂತೆ ಸಂಜಯ್ ದತ್, ರವೀನಾ ಟಂಡನ್, ಶ್ರೀನಿಧಿ ಶೆಟ್ಟಿ, ಪ್ರಕಾಶ್ ರಾಜ್, ಅಚ್ಯುತ್ ಕುಮಾರ್, ಟಿ.ಎಸ್.ನಾಗಾಭರಣ ಮತ್ತು ಮಾಳವಿಕಾ ಅವಿನಾಶ್ ಬಹುತಾರಾಗಣವಿತ್ತು. 70ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯಲ್ಲಿ ಕೆಜಿಎಫ್​​​-2 ಪ್ರಶಸ್ತಿಗಳನ್ನು ತನ್ನ ಮುಡಿಗೇರಿಸಿಕೊಂಡಿದೆ. 2022ರ ಜನವರಿ 1 ರಿಂದ ಡಿಸೆಂಬರ್​​ 31ರವರೆಗಿನ ಸೆನ್ಸಾರ್​ ಆಗಿರುವ ಸಿನಿಮಾಗಳನ್ನು ಈ ಅವಾರ್ಡ್​​ಗೆ ಪರಿಗಣಿಸಲಾಗಿದೆ.

https://www.vijayavani.net/iam-not-a-part-of-fauzi-film-says-actress-mrunal-thakur