ಮುಂಬೈ: ಬಾಲಿವುಡ್ನಿಂದ ದಕ್ಷಿಣ ಚಿತ್ರರಂಗಕ್ಕೆ ಬಂದು 2022ರಲ್ಲಿ ತೆರೆಕಂಡ ಸೀತಾ ರಾಮಂ ಸಿನಿಮಾದಲ್ಲಿ ಸೀತಾಮಹಾಲಕ್ಷ್ಮಿ ಪಾತ್ರದಲ್ಲಿ ನಟಿಸಿ ಸೈ ಎನ್ನಿಸಿಕೊಂಡು ಎಲ್ಲರ ಮನದಲ್ಲಿ ಮನೆಮಾಡಿದ ನಟಿ ಮೃಣಾಲ್ ಠಾಕೂರ್. ಟಾಲಿವುಡ್ ಡಾರ್ಲಿಂಗ್ ಮುಂದಿನ ಸಿನಿಮಾ ‘ಫೌಜಿ’ಯಲ್ಲಿ ಪ್ರಭಾಸ್ ಜತೆ ಮೃಣಾಲ್ ಠಾಕೂರ್ ರೊಮ್ಯಾನ್ಸ್ ಮಾಡಲಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಲ್ಲಿ ಹರಿದಾಡುತಿತ್ತು.
ಇದನ್ನು ಓದಿ: ನನಗೆ ಖಾನ್ತ್ರಯರ ಸಿನಿಮಾ ನಿರ್ದೇಶಿಸುವ ಆಸೆಯಿದೆ; ನನ್ನ ಫೇವರಿಟ್ ಖಾನ್ ಇವರೆ ಎಂದ ನಟಿ ಕಂಗನಾ
ಫೌಜಿ ಸಿನಿಮಾವನ್ನ ಹನು ರಾಘವಪುಡಿ ನಿರ್ದೇಶಿಸಲಿದ್ದಾರೆ. ಅಕ್ಟೋಬರ್ನಲ್ಲಿ ಈ ಚಿತ್ರದ ಶೂಟಿಂಗ್ ಆರಂಭವಾಗಲಿದ್ದು, ಸಿನಿಮಾವು 1940ರ ಬ್ರಿಟಿಷ್ ಹಿನ್ನೆಲೆಯಲ್ಲಿ ಆಧರಿಸಿದ ಪಿರಿಯಾಡ್ ಡ್ರಾಮಾ ಎನ್ನಲಾಗಿದೆ. ಈ ಚಿತ್ರದಲ್ಲಿ ಪ್ರಭಾಸ್ ಸೈನಿಕನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಫೌಜಿಯಲ್ಲಿ ಪ್ರಭಾಸ್ ಜತೆಗೆ ಮೃಣಾಲ್ ಠಾಕೂರ್ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿ ಜಾಲತಾಣದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ.
ಸದ್ಯ ಇದಕ್ಕೆಲ್ಲಾ ತೆರೆ ಎಳೆಯುವಂತೆ ನಟಿ ಮೃಣಾಲ್ ಸಾಮಾಜಿಕ ಜಾಲತಾಣದಲ್ಲಿ ಪ್ರತಿಕ್ರಿಯಿಸಿದ್ದಾರೆ. ತಾನು ಫೌಜಿ ಚಿತ್ರದ ಭಾಗವಾಗಿಲ್ಲ ಎಂದು ಸ್ವತಃ ಮೃಣಾಲ್ ಅವರೆ ಹೇಳಿದ್ದಾರೆ. ಮೃಣಾಲ್ ನೀಡಿದ ಸ್ಪಷ್ಟನೆಯಿಂದಾಗಿ ಫೌಜಿಯಲ್ಲಿ ಈ ಜೋಡಿಯನ್ನು ನೋಡಲು ಸಾಧ್ಯವಿಲ್ಲ ಎಂದು ಪ್ರಭಾಸ್ ಅಭಿಮಾನಿಗಳು ನಿರಾಸೆಗೊಂಡಿದ್ದಾರೆ.
ನಟಿ ಮೃಣಾಲ್ ವಿಜಯ್ದೇವರಕೊಂಡ ಜತೆಗೆ ಫ್ಯಾಮಿಲಿ ಸ್ಟಾರ್ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಕಮಲ್ಹಾಸನ್, ಅಮಿತಾಭ್ ಬಚ್ಚನ್, ಪ್ರಭಾಸ್, ದೀಪಿಕಾ ಪಡುಕೋಣೆ ಅಭಿನಯಿಸಿದ್ದ ಪ್ಯಾನ್ ಇಂಡಿಯಾ ಸಿನಿಮಾ ಕಲ್ಕಿ 2898 ಎಡಿ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸಿದ್ದರು. ಸದ್ಯ ನಟಿ ಮುಂದಿನ ಸಿನಿಮಾ ಪೂಜಾ ಮೇರಿ ಜಾನ್ ಚಿತ್ರದಲ್ಲಿ ಬಿಸಿಯಿದ್ದಾರೆ.(ಏಜೆನ್ಸೀಸ್)
ನೀರಜ್ ಚೋಪ್ರಾ ಡಯಟ್ ಪ್ಲ್ಯಾನ್ ಎಷ್ಟು ಸಿಂಪಲ್ ಗೊತ್ತಾ; ಪ್ರತಿಯೊಬ್ಬರು ಫಾಲೋ ಮಾಡವಷ್ಟು ಸರಳ
