ಕೊಡೆ ಬಳಸಿ ರಾಶಿ ರಾಶಿ ಮೀನು ಹಿಡಿದ ವ್ಯಕ್ತಿ; ವಿಡಿಯೋಗೆ ಫಿದಾ ಆದ ನೆಟ್ಟಿಗರು

ಕೇರಳ: ದೇಶದ ಹಲವೆಡೆ ಇದೀಗ ಮುಂಗಾರು ಮಳೆ ಪ್ರವೇಶವಾಗಿದ್ದು, ನದಿ, ಕೆರೆ-ಕಟ್ಟೆಗಳು ಮೈದುಂಬಿ ಹರಿಯುತ್ತಿದೆ. ಈ ಮಧ್ಯೆ ಮಳೆಯಲ್ಲಿ ವ್ಯಕ್ತಿಯೊಬ್ಬ ಕೊಡೆ ಬಳಸಿಕೊಂಡು ಮೀನು ಹಿಡಿಯುತ್ತಿರುವ ದೃಶ್ಯ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ವೈರಲ್ ಆಗಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಮೀನು ಹಿಡಿಯುವ ಟೆಕ್ನಿಕ್​​ಗೆ ಫಿದಾ ಆಗಿದ್ದಾರೆ.

ಇದನ್ನೂ ಓದಿ: ಮಹಿಳೆಯರ ಸ್ವಾವಲಂಬಿ ಜೀವನ ಆರ್ಥಿಕವಾಗಿ ಸಬಲರಾಗಲು ಪ್ರೇರಣೆ: ರಜನಿ ಪಾಟೀಲ.

ಅಧಿಕ ಮಳೆಯಿಂದ ಕೇರಳದ ನದಿ, ಹೊಳೆಗಳು ತುಂಬಿದ್ದು, ಈ ಸಮಯದಲ್ಲಿ ಮೀನು ಹೇರಳವಾಗಿ ಲಭಿಸುತ್ತದೆ. ಇದನ್ನು ತಿಳಿದ ಸ್ಥಳೀಯರು ಮೀನುಗಾರಿಕೆಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳುತ್ತಾರೆ. ಇದೇ ರೀತಿ ವ್ಯಕ್ತಿಯೊಬ್ಬ ಕೊಡೆ ಬಳಸಿಕೊಂಡು ಮೀನು ಹಿಡಿಯುವ ಟೆಕ್ನಿಕ್​ ನೋಡಿ ನೆಟ್ಟಿಗರು ಆಶ್ಚರ್ಯಚಕಿತರಾಗಿದ್ದಾರೆ. ಪಾಲಕ್ಕಾಡ್ ಜಿಲ್ಲೆಯ ಗ್ರಾಮಾಂತರ ಪ್ರದೇಶದ ವ್ಯಕ್ತಿಯ ವಿಡಿಯೋ ಇದೀಗ ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ಮೆಚ್ಚುಗೆಯನ್ನು ಗಳಿಸಿದೆ,(ಏಜೆನ್ಸೀಸ್).