ಮಗ-ಸೊಸೆ ಮಲಗಿದ್ದ ಕೋಣೆಯಲ್ಲಿ ಕೇಳಿತು ಭಾರೀ ಶಬ್ದ: ಎದ್ದು ನೋಡಿದ ತಂದೆ-ತಾಯಿಗೆ ಕಾದಿತ್ತು ಶಾಕ್​!

ಕೋಯಿಕ್ಕೋಡ್​: ಮಲಗಿದ್ದ ಪತ್ನಿಯ ತಲೆ ಕತ್ತರಿಸಿ ಕೊಲೆ ಮಾಡಿರುವ ಘಟನೆ ಕೇರಳದ ಕೋಯಿಕ್ಕೋಡ್​ನಲ್ಲಿ ನಡೆದಿದ್ದು, ಪತ್ನಿ ಶೀಲ ಶಂಕಿಸಿ ಹತ್ಯೆಗೈದಿರುವ ಆರೋಪ ಕೇಳಿಬಂದಿದೆ.

ಮುಹ್ಸಿಲ (20) ಕೊಲೆಯಾದ ಮಹಿಳೆ. ಜಿಲ್ಲೆಯ ಮುಕ್ಕಮ್​ ಮುನ್ಸಿಪಾಲಿಟಿಯ ಚೆರುವಡಿ ಪಜಂಪರಂಬು ನಿವಾಸಿ ಜಹೀರ್​ ಕುಟ್ಟಿಯಾಲಿ (30) ಎಂಬಾತನನ್ನು ಮಹ್ಸಿಲ ಕಳೆದ ವರ್ಷ ಸೆಪ್ಟೆಂಬರ್​ 5ರಂದು ಮದುವೆಯಾಗಿದ್ದ. ಜಹೀರ್​ ಅವರದ್ದು ಅವಿಭಕ್ತ ಕುಟುಂಬ. ತಂದೆ-ತಾಯಿ, ನಾಲ್ಕು ಸಹೋದರರು ಹಾಗೂ ಓರ್ವ ಸಹೋದರಿಯೊಂದಿಗೆ ನೆಲೆಸಿದ್ದಾನೆ.

ಮಂಗಳವಾರ (ಫೆ.16) ಬೆಳಗ್ಗೆ ಜಹೀರ್​ ಬೆಡ್​ ರೂಮ್​ನಿಂದ ಜೋರಾದ ಶಬ್ದವೊಂದು ಕೇಳಿದೆ. ಪಕ್ಕದಲ್ಲೇ ಮಲಗಿದ್ದ ತಂದೆ-ತಾಯಿ ಎಚ್ಚರಗೊಂಡು ಓಡಿ ಬಂದು ಬಾಗಿಲು ತೆಗೆಯುವಂತೆ ಮಗನನ್ನು ಕೇಳುತ್ತಾರೆ. ಆದರೆ, ಜಹೀರ್​ ಬಾಗಿಲು ತಗೆಯಲು ನಿರಾಕರಿಸಿದ್ದಾನೆ. ಕೆಲ ಸಮಯದ ಬಳಿಕ ಬಾಗಿಲು ತೆಗೆದು ರಕ್ತಸಿಕ್ತ ಚಾಕುವಿನೊಂದಿಗೆ ಜಹೀರ್​ ಓಡಿ ಹೋದನು.

ಇದನ್ನೂ ಓದಿರಿ: ಫ್ಯಾಮಿಲಿ ಕೋರ್ಟ್‌ ಡಿವೋರ್ಸ್‌ ನೀಡಿದೆ- ಪತಿ ಮೇಲ್ಮನವಿ ಸಲ್ಲಿಸಲ್ಲ- ಕೂಡಲೇ ಮರುಮದುವೆಯಾಬಹುದೆ?

ಮಗ ಓಡಿಹೋಗಿದ್ದನ್ನು ನೋಡಿ ಕೋಣೆಯೊಳಗೆ ಹೋಗಿ ನೋಡಿದ ತಂದೆ-ತಾಯಿಗೆ ಬರಸಿಡಿಲು ಬಡಿದಂತಾಯಿತು. ಅವರ ಸೊಸೆ ರಕ್ತದ ಮಡುವಿನಲ್ಲಿ ಒದ್ದಾಡುತ್ತಿರುವುದು ಅವರ ಕಣ್ಣಿಗೆ ಬಿದ್ದಿತು. ತಕ್ಷಣ ಕಿರುಚಿಕೊಂಡು ನೆರೆ ಮನೆಯವರನ್ನು ಎಚ್ಚರಿಸಿದರು. ಆದರೆ, ಏಕೆ ಕೊಲೆ ನಡೆದಿದೆ ಎಂಬ ಅರಿವು ಯಾರಿಗು ಇರಲಿಲ್ಲ.

ಈ ವೇಳೆ ಜಹೀರ್​ನನ್ನು ಕೆಲವರು ಹಿಂಬಾಲಿಸಿ ಹಿಡಿದುಕೊಂಡರು. ಅಷ್ಟರಲ್ಲಾಗಲೇ ಜಹೀರ್​ ಪಾಲಕರ ಮಾಹಿತಿ ಮೇರೆಗೆ ಪೊಲೀಸರು ಸಹ ಸ್ಥಳಕ್ಕೆ ಆಗಮಿಸಿದರು ಮತ್ತು ಆತನನ್ನು ಬಂಧಿಸಿದರು. ತದನಂತರ ವಿಚಾರಣೆ ವೇಳೆ ಜಹೀರ್​ ಎಲ್ಲವನ್ನು ಬಾಯ್ಬಿಟ್ಟಿದ್ದಾನೆ.

ಗಲ್ಫ್​ ದೇಶದಲ್ಲಿ ಚಾಲಕನಾಗಿ ಕೆಲಸ ಮಾಡುತ್ತಿದ್ದ ಜಹೀರ್​ ಕರೊನಾ ಕಠಿಣ ಪರಿಸ್ಥಿತಿಯಿಂದಾಗಿ ಭಾರತಕ್ಕೆ ಮರಳಿದ್ದನು. ಬಳಿಕ ತವರಿನಲ್ಲಿ ಪೇಂಟರ್​ ಆಗಿ ಕೆಲಸ ಮಾಡುತ್ತಿದ್ದನು. ಕಳೆದ ಸೆಪ್ಟೆಂಬರ್​ನಲ್ಲಿ ಮದುವೆ ಆಗಿದ್ದ. ಇಬ್ಬರು ಚೆನ್ನಾಗಿಯೇ ಇದ್ದರು ಮತ್ತು ಯಾವುದೇ ಜಗಳವಾಗಲಿ ನಡೆದಿರಲಿಲ್ಲ. ಆದರೆ, ಜಹೀರ್​ಗೆ ಪತ್ನಿಯ ನಡತೆ ಬಗ್ಗೆ ಏಕೆ ಸಂಶಯ ಬಂತೋ ಗೊತ್ತಿಲ್ಲ? ಕೊನೆಗೆ ಆಕೆಯನ್ನು ಕೊಲೆ ಮಾಡಿಬಿಟ್ಟಿದ್ದಾನೆ.

ಇದನ್ನೂ ಓದಿರಿ: ನನ್ನಲ್ಲೂ ಆಸೆಗಳಿವೆ ಆದ್ರೆ ನನ್ನ ಗಂಡನಿಗೆ ಬರೀ ಅವನದ್ದೆ ಚಿಂತೆ: ಡೆತ್​ನೋಟ್​ ಬರೆದಿಟ್ಟು ಮಹಿಳೆ ಆತ್ಮಹತ್ಯೆ!

ಇನ್ನು ಮದುವೆಯಾದಾಗಿನಿಂದ ಜಹೀರ್​, ಸ್ನೇಹಿತರಿಂದ ದೂರ ಉಳಿದಿದ್ದ. ಅಲ್ಲದೆ, ಸ್ನೇಹಿತರ ನಂಬರ್​ ಸಹ ಡಿಲೀಟ್​ ಮಾಡಿದ್ದ. ಮದುವೆ ನಂತರ ತುಂಬಾ ಖುಷಿಯಾಗಿದ್ದ ಸ್ನೇಹಿತ ಪತ್ನಿಯನ್ನು ಏಕೆ ಕೊಂದ ಎಂಬುದು ಅವರಿಗೂ ಸಹ ತಿಳಿಯುತ್ತಿಲ್ಲವಂತೆ. ಇನ್ನು ಜಹೀರ್​ ಸ್ನೇಹಿತ ರಶೀದ್​ ಮಾತಿನ ಪ್ರಕಾರ, ಜಹೀರ್​ ಮಾನಸಿಕವಾಗಿ ಬಳಲುತ್ತಿದ್ದನಂತೆ. ಸ್ನೇಹಿತರ ಜತೆಯಲ್ಲು ಹೆಚ್ಚಿಗೆ ಮಾತನಾಡುತ್ತಿರಲಿಲ್ಲವಂತೆ.

ಸದ್ಯ ಪತ್ನಿಯನ್ನು ಏಕೆ ಕೊಂದ ಎಂಬುದು ಇನ್ನು ನಿಗೂಢವಾಗಿಯೇ ಇದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/s-disha-ravi-to-hc-on-media-publications/

https://www.vijayavani.net/girls-found-in-unconscious-state-in-fields-two-dead/

https://www.vijayavani.net/s-west-bengal-bomb-minister-jakir-admit-to-hospital/